ನವದೆಹಲಿ: ಸದ್ಯ ಪಾಕಿಸ್ತಾನದ ರಾಜಕೀಯದಲ್ಲಿ ಹೆಣ್ಣೊಬ್ಬಳು ಬಿರುಗಾಳಿ ಎಬ್ಬಿಸಿದ್ದಾಳೆ. ಪಾಕಿಸ್ತಾನದ ಅಂದಿನ ಪ್ರಧಾನಿ ಯುಸೂಫ್ ರಝಾ ಗಿಲಾನಿ ಪ್ರಧಾನಿ ನಿವಾಸದಲ್ಲಿಯೇ ನನ್ನ ಮೇಲೆ ದೈಹಿಕ ಹಲ್ಲೆ ನಡೆಸಿದ್ದರು. ಆಂತರಿಕ ಸಚಿವ ರೆಹ್ಮಾನ್ ಮಲಿಕ್ ಸರ್ಕಾರಿ ಬಂಗ್ಲೆಯಲ್ಲಿಯೇ ನನ್ನ ಮೇಲೆ ಅತ್ಯಾಚಾರ ನಡೆಸಿದ್ದರು ಎಂದು ಆರೋಪಿಸಿ, ಪಾಕಿಸ್ತಾನ ಪೀಪಲ್ಸ್ ಪಾರ್ಟಿಗೆ ತೀವ್ರ ಮುಜುಗರ ಉಂಟು ಮಾಡಿದ್ದಾಳೆ.
ಇದೀಗ ಈಕೆಯ ಹೆಸರು ಪಾಕಿಸ್ತಾನ ಪ್ರಧಾನಿ ಇಮ್ರಾನ್ ಖಾನ್ ಜತೆಗೂ ತಳುಕು ಹಾಕಿಕೊಂಡಿದೆ. ಅಲ್ಲಿಗೆ ಆಡಳಿತಾರೂಢ ಪಕ್ಷಕ್ಕೂ ಅಮೆರಿಕ ಮೂಲದ ಬ್ಲಾಗರ್ ಸಿಂಥಿಯಾ ಡಾನ್ ರಿಚ್ಚಿ ವಿವಾದ ಸುತ್ತಿ ಹಾಕಿಕೊಂಡಂತಾಗಿದೆ.
ಇದನ್ನೂ ಓದಿ; ಸಚಿವನಿಂದ ಸರ್ಕಾರಿ ಬಂಗ್ಲೆಯಲ್ಲಿಯೇ ಅತ್ಯಾಚಾರ, ಪಾಕ್ ಪ್ರೆಸಿಡೆಂಟ್ ಹೌಸ್ನಲ್ಲಿ ದೈಹಿಕ ಹಲ್ಲೆ…!
ಇದನ್ನು ಸ್ವತಃ ಸಿಂಥಿಯಾ ಹೇಳಿಕೊಂಡಿಲ್ಲ. ಬದಲಾಗಿ, ಸ್ತ್ರೀ ವೇಷದಲ್ಲಿ ಪಾಕ್ ಕಿರುತೆರೆಯಲ್ಲಿ ಕಾರ್ಯಕ್ರಮ ನಡೆಸಿಕೊಡುವ ಅಲಿ ಸಲೀಂ ಅರ್ಥಾತ್ ಬೇಗಮ್ ನವಾಜೀಷ್ ಅಲಿ ಬಹಿರಂಗ ಪಡಿಸಿದ್ದಾನೆ.
ಸಿಂಥಿಯಾಳನ್ನು ನಾನು ಬಹುದಿನಗಳಿಂದ ಬಲ್ಲೆ. ಆಕೆಯೊಂದಿಗೆ ಒಂದೇ ಕೋಣೆಯಲ್ಲಿ ನಾನಿದ್ದೆ. ಇಮ್ರಾನ್ ಖಾನ್ ನನ್ನೊಂದಿಗೆ ಲೈಂಗಿಕ ಸಂಬಂಧ ಹೊಂದುವ ಇಚ್ಛೆ ವ್ಯಕ್ತಪಡಿಸಿದ್ದಾರೆ ಎಂದು ಆ ಸಂದರ್ಭದಲ್ಲಿ ಸ್ವತಃ ಸಿಂಥಿಯಾ ಹೇಳಿದ್ದಾಗಿ ಅಲಿ ಸಲೀಂ ಹೇಳಿದ್ದಾನೆ.
ಇದನ್ನೂ ಓದಿ; ಎರಡು ಲಕ್ಷ ಸೋಂಕಿತರಿದ್ದರೂ ಭಾರತ ಭಯಪಡಬೇಕಿಲ್ಲ; ವಿಶ್ವ ಆರೋಗ್ಯ ಸಂಸ್ಥೆಗೆ ಏಕಿಂಥ ವಿಶ್ವಾಸ…?
ರೆಹ್ಮಾನ್ ಮಲಿಕ್ ಅತ್ಯಾಚಾರ ನಡೆಸಿದ್ದನ್ನು ಸಿಂಥಿಯಾ ನನ್ನ ಬಳಿ ಹೇಳಿಲ್ಲ. ಹಾಗಂಥಾ ನನಗೇನೂ ರೆಹ್ಮಾನ್ ಮಲಿಕ್ ಬಗ್ಗೆ ಅನುಕಂಪವಿಲ್ಲ. ಬೆನಜೀರ್ಭುಟ್ಟೋ ಹತ್ಯೆಗೀಡಾದಾಗ ಈತನೇ ಭದ್ರತಾ ಉಸ್ತುವಾರಿ ವಹಿಸಿದ್ದ. ಈತನ ಬಗ್ಗೆ ತನಿಖೆ ನಡೆಸದೇ, ಸಚಿವಗಿರಿ ನೀಡಲಾಯಿತು ಎಂದು ಅಲಿ ಸಲೀಂ ಆರೋಪಿಸಿದ್ದಾನೆ.
ತನ್ನನ್ನು ಚಿತ್ರ ನಿರ್ಮಾಪಕಿ, ಪತ್ರಕರ್ತೆ, ಬ್ಲಾಗರ್ ಎಂದೆಲ್ಲ ಕರೆದುಕೊಳ್ಳುವ ಸಿಂಥಿಯಾ ಪಿಪಿಪಿ ನಾಯಕರೊಂದಿಗೆ ಇರುವ ಸಭ್ಯವಲ್ಲದ ಚಿತ್ರಗಳನ್ನು ಫೇಸ್ಬುಕ್ನಲ್ಲಿ ಹಂಚಿಕೊಂಡಿದ್ದಾಳೆ. ಅಲಿ ಸಲೀಂ ಮೂಲಕ ಆಡಳಿತ ಪಕ್ಷಕ್ಕೂ ವಿವಾದದ ರಾಡಿ ಮೆತ್ತಿಕೊಂಡಂತಾಗಿದೆ.
ಕರೊನಾ ಲಸಿಕೆಗೆ ಇನ್ನೊಂದೇ ಹೆಜ್ಜೆ…! ಜುಲೈನಲ್ಲಿ 30 ಸಾವಿರ ಜನರ ಮೇಲೆ ಅಂತಿಮ ಪರೀಕ್ಷೆ