ಈ ಯಂತ್ರವೊಂದಿದ್ದರೆ ಸಾಕು, ಕಳ್ಳರಿಗೆ 'ಹೊಗೆ'ನೇ; ಕಳವಿಗೆ ಬಂದವರು ಧೂಮಕ್ಕೆ ಹೆದರಿ ಪರಾರಿ!?

ಬೆಂಗಳೂರು: ಮನೆಗೆ ಅಥವಾ ಅಂಗಡಿ-ಕಚೇರಿಗಳಿಗೆ ಕಳ್ಳರು ಬಂದರೆ ಅವರನ್ನು ಹೆದರಿಸಿ ಓಡಿಸಲು ಸಾಮಾನ್ಯವಾಗಿ ಸೈರನ್​ ಮೊರೆ ಹೋಗುವ ಜನರು ಇನ್ನು ಮುಂದೆ ಕಳ್ಳರಿಗೆ ಹೊಗೆ ಹಾಕಿಸಬಹುದು. ಅರ್ಥಾತ್, ಕಳವಿಗೆಂದು ನುಗ್ಗಿದವರನ್ನು ಸೈರನ್​ ಬದಲಿಗೆ ಧೂಮದಿಂದಲೇ ಹೆದರಿಸಿ ಓಡಿಸಬಹುದು.

ಇದನ್ನೂ ಓದಿ: ಲಾಟರಿಯಲ್ಲಿ 75 ಲಕ್ಷ ರೂ. ಗೆದ್ದ ಬಳಿಕ ಹೆದರಿ ಪೊಲೀಸ್ ಠಾಣೆಗೆ ಹೋದ ಕಾರ್ಮಿಕ!

ಮಹಿಳೆಯರು ತಮ್ಮ ರಕ್ಷಣೆಗಾಗಿ ಪೆಪ್ಪರ್ ಸ್ಪ್ರೇ ಬಳಸುತ್ತಿದ್ದ ರೀತಿಯಲ್ಲೇ ಜನರು ಕಳ್ಳರಿಂದ ಮನೆ-ಅಂಗಡಿ-ಕಚೇರಿಗಳಲ್ಲಿ ರಕ್ಷಣೆ ಪಡೆಯಲು ಈ ಸ್ಮಾರ್ಟ್​ಫಾಗ್ ಯಂತ್ರದ ನೆರವು ಪಡೆಯಬಹುದು. ಪ್ರತಿಷ್ಠಿತ ಗೃಹೋಪಕರಣಗಳ ತಯಾರಿಕಾ ಸಂಸ್ಥೆ ಈ ಯಂತ್ರವನ್ನು ರೂಪಿಸಿದೆ. ಕಳ್ಳರ ಅಥವಾ ಅತಿಕ್ರಮ ಪ್ರವೇಶವಾದಾಗ ಈ ಯಂತ್ರ ದಟ್ಟಹೊಗೆಯನ್ನು ಹೊರಸೂಸಿ ಅವರನ್ನು ತಬ್ಬಿಬ್ಬಾಗಿಸಿಬಿಡುತ್ತದೆ.

ಇದನ್ನೂ ಓದಿ: ಬೆಂಗಳೂರಿನಲ್ಲಿ ಮತ್ತೆ ಪುಡಿರೌಡಿಯ ಪುಂಡಾಟ; ಕಾಂಡಿಮೆಂಟ್ಸ್ ಸ್ಟೋರ್​ ನಡೆಸುತ್ತಿದ್ದಾತನ ಮೇಲೆ ಹಲ್ಲೆ

ಮೋಷನ್ ಸೆನ್ಸರ್ ಆಧಾರಿತ ಭದ್ರತಾ ವ್ಯವಸ್ಥೆ ಇದಾಗಿದ್ದು, ಅತಿಕ್ರಮ ಪ್ರವೇಶವನ್ನು ಕ್ಷಣಾರ್ಧದಲ್ಲಿ ಪತ್ತೆ ಹಚ್ಚಿ, ದಟ್ಟವಾದ ಹೊಗೆಯನ್ನು ಹೊರ ಸೂಸುತ್ತದೆ. ಬರೀ ಅರ್ಧ ನಿಮಿಷದಲ್ಲೇ ಸುಮಾರು 21 ಸಾವಿರ ಚದರಡಿ ವಿಸ್ತೀರ್ಣದಲ್ಲಿ ದಟ್ಟವಾದ ಹೊಗೆ ಹೊರಸೂಸುವ ಈ ಯಂತ್ರ ಹೆಚ್ಚೂಕಮ್ಮಿ ಅರ್ಧಗಂಟೆ ಕಾಲ ಕಳ್ಳರ ದೃಷ್ಟಿಯನ್ನು ಮಸುಕಾಗಿಸಿಬಿಡುತ್ತದೆ. ಹೀಗಾಗಿ ಕಳ್ಳರು ಹೆದರಿ ಪರಾರಿಯಾಗಲು ಯತ್ನಿಸಿದರೂ ತಪ್ಪಿಸಿಕೊಳ್ಳಲು ಕಷ್ಟವಾಗುತ್ತದೆ.

https://www.vijayavani.net/man-marries-two-woman-and-leading-life-on-shift-as-3-days-per-week-with-each-wife/

https://www.vijayavani.net/fixed-deposit-of-rs-50000-for-giving-birth-to-third-child/