ಬೆಂಗಳೂರು: ನಿಮ್ಮ ವಾಹನದ ನಂಬರ್ ಪ್ಲೇಟ್ ಮೇಲೆ ನಿಮ್ಮ ಸಂಘ, ಸಂಸ್ಥೆಗಳ ಹೆಸರೋ ಅಥವಾ ಜಾತಿ, ಧರ್ಮದ ಹೆಸರನ್ನೇದಾರೂ ಬರೆಸಿಕೊಂಡಿದ್ದೀರಾ? ಹಾಗಾದರೆ ಈ ಸುದ್ದಿಯನ್ನು ಗಮನವಿಟ್ಟು ಓದಿ.. ಇಲ್ಲವಾದಲ್ಲಿ ಮುಂದೆ ಅದಕ್ಕೆ ತಕ್ಕ ಬೆಲೆ ತೆರಬೇಕಾಗಿ ಬರಬಹುದು.
ಹೌದು! ಉತ್ತರ ಪ್ರದೇಶದಲ್ಲಿ ವಾಹನಗಳ ಮೇಲೆ ಯಾವುದೇ ಜಾತಿ ಹೆಸರನ್ನು ಬರೆಸಿಕೊಳ್ಳುವುದು ಅಪರಾಧ ಎಂದು ಅಲ್ಲಿನ ಸರ್ಕಾರ ಘೋಷಣೆ ಮಾಡಿದ ಬೆನ್ನಲ್ಲೇ ಪ್ರಾದೇಶಿಕ ಸಾರಿಗೆ ಕಚೇರಿ (ಆರ್ಟಿಓ) ಮಹತ್ತರ ಆದೇಶವೊಂದನ್ನು ಹೊರಡಿಸಿದೆ. ಗಾಡಿಯ ನಂಬರ್ ಪ್ಲೇಟ್ ಮೇಲೆ ನೋಂದಣಿ ಸಂಖ್ಯೆ ಬಿಟ್ಟು ಬೇರೆ ಏನೇ ಇದ್ದರು ಅಂತಹ ನಂಬರ್ ಪ್ಲೇಟ್ಗಳನ್ನು ತೆರವುಗೊಳಿಸಿ, ಅದರ ಸವಾರರ ಮೇಲೆ ಕಾನೂನು ಕ್ರಮ ತೆಗೆದುಕೊಳ್ಳಲು ಮುಂದಾಗಿದೆ.
ನಿಮ್ಮ ಗಾಡಿಯ ಮೇಲೆ ಮೋಟಾರು ವಾಹನ ಖಾಯ್ದೆ 50-51ರ ಅನುಗುಣವಾಗಿ ವಾಹನಗಳ ನಂಬರ್ ಇರಬೇಕು. ಅದನ್ನು ಹೊರೆತಾಗಿ ಸಂಘ ಸಂಸ್ಥೆಯ ಹೆಸರೋ, ಹುದ್ದೆಯ ಹೆಸರು, ಇಲಾಖೆಯ ಹೆಸರು ಇನ್ನಿತರ ಬರಹಗಳೇನಾದರೂ ಇದ್ದರೆ ನಿಮ್ಮ ಮೇಲೆ ಆರ್ಟಿಓ ಕಣ್ಣು ಬೀಳಲಿದೆ. ಮೇ 12ರಿಂದಲೇ ಈ ನಿಯಮ ಜಾರಿಗೆ ಬರಲಿದೆ. ಈ ರೀತಿಯ ಬರಹಗಳಿರವವರು ಈ ಕೂಡಲೇ ಅದನ್ನು ತೆಗೆಸಿಕೊಳ್ಳಬೇಕೆಂದು ಆರ್ಟಿಓ ಪ್ರಕಟಣೆಯಲ್ಲಿ ತಿಳಿಸಿದೆ.
ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್ಬುಕ್ ಪೇಜ್ ಲೈಕ್ ಮಾಡಿ
ನೀರು ಕೇಳುವ ನೆಪದಲ್ಲಿ 71 ವರ್ಷದ ವೃದ್ಧೆಯ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ 17ರ ಯುವಕ
ಸಿಡಿ ಕೇಸ್: ರಾಮನಗರದ ಉದ್ಯಮಿಯೂ ಶಾಮೀಲು? ಕೇರಳದಲ್ಲಿ ಸ್ವಿಚ್ ಆಫ್ ಆದ ಮೊಬೈಲ್!