ನವದೆಹಲಿ: ಸದ್ಯ ದೇಶದಲ್ಲಿ ರಸ್ತೆಗಳ ಅಭಿವೃದ್ಧಿ ಕ್ಷಿಪ್ರಗತಿಯಲ್ಲಿ ಸಾಗುತ್ತಿವೆ. ಹಿಂದೆಂದೂ ಕಾಣದ ರಸ್ತೆಗಳನ್ನು ಇಂದು ಕಾಣುತ್ತಿದ್ದೇವೆ. ಇದೀಗ ತಮ್ಮ ಟ್ವಿಟ್ಟರ್ನಲ್ಲಿ ಸಾರಿಗೆ ಸಚಿವರು ಹಂಚಿಕೊಂಡಿರುವ ಈ ರಸ್ತೆ ವಿದೇಶದಲ್ಲ, ಬದಲಾಗಿ ನಮ್ಮ ರಾಜ್ಯದ್ದೇ ಎನ್ನುವುದು ಇನ್ನೇನು ವಿಶೇಷ. ರಸ್ತೆ ನಿರ್ಮಾಣದ ಹಲವು ಯೋಜನೆಗಳು ಸದ್ಯ ಜಾರಿಯಲ್ಲಿದ್ದು, ದೇಶದಲ್ಲಿರುವ ಪ್ರಗತಿ ಕಾಣುತ್ತಿರುವ ರಸ್ತೆಗಳ ಬಗ್ಗೆ ಕೇಂದ್ರ ಸಾರಿಗೆ ನಿತಿನ್ ಗಡ್ಕರಿ ಮಾಹಿತಿ ಹಂಚಿಕೊಂಡಿದ್ದಾರೆ.
ನಾಲ್ಕು ಹಾಗೂ ಆರು ಪಥದ ಹುನಗುಂದ ಹಾಗೂ ಹೊಸಪೇಟೆ ಮಾರ್ಗದಲ್ಲಿ ನಿರ್ಮಾಣವಾಗಿರುವ ವಿಶೇಷವಾಗಿ ಬೆಟ್ಟದಲ್ಲೇ ಸುರಂಗ ಕೊರೆದು ಪರಿಸರಕ್ಕೆ ಹಾನಿಯಾಗದೇ ನಿರ್ಮಿಸಲಾಗಿರುವ ಈ ರಸ್ತೆಯ ಫೋಟೋವನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ. ನೋಡಲು ವಿದೇಶಿ ರಸ್ತೆಯಂತೆ ಕಾಣುವ ಈ ಹೆದ್ದಾರಿ ಭಾರೀ ಆಕರ್ಷಕವಾಗಿದೆ. ಇನ್ನು ಈ ರಸ್ತೆ ಕೇರಳ ಮತ್ತು ಮಹಾರಾಷ್ಟ್ರಕ್ಕೆ ಸಂಪರ್ಕ ಕಲ್ಪಿಸುವ ಕೊಂಡಿಯಾಗಿದೆ. ಇದು 97ಕಿಮೀ ಉದ್ದವಿದ್ದು, ಬರೋಬ್ಬರಿ 946ಕೋಟಿ ರೂ.ವೆಚ್ಚದಲ್ಲಿ ನಿರ್ಮಾಣವಾಗಿದೆ.
The Infrastructure Marvel That is New India!
— Nitin Gadkari (@nitin_gadkari) July 17, 2022
The project for four/six laning of Hungund-Hospet in Karnataka has been operational and providing connectivity to Kerala and Maharashtra. pic.twitter.com/OB7QHZ5YcU
ಈ ಹೆದ್ದಾರಿಯು ಕರಡಿಧಾಮಕ್ಕೆ ಸಂಪರ್ಕ ಒದಗಿಸುವುದರಿಂದ ಅದಕ್ಕನುಗುಣವಾಗಿ ಈ ಸುರಂಗ ಮಾರ್ಗವನ್ನು ನಿರ್ಮಿಸಲಾಗಿದ್ದು, ಸದ್ಯ ಪ್ರಕೃತಿ ಮತ್ತು ವನ್ಯಜೀವಿ ಪ್ರಿಯರಿಗೆ ಈ ಎಕ್ಸ್ಪ್ರೆಸ್ ವೇ ಸ್ವರ್ಗವಾಗಿದೆ ಎಂದು ಬಣ್ಣಿಸಿದ್ದಾರೆ.ಹುನಗುಂದ-ಹೊಸಪೇಟೆ ಎಕ್ಸ್ಪ್ರೆಸ್ ವೇ ವಿಶ್ವದರ್ಜೆಯ ಮೂಲಸೌಕರ್ಯವನ್ನು ಹೊಂದಿದೆ. ಕರ್ನಾಟಕದ ಹುನಗುಂದ,ಇಳಕಲ್,ಕುಷ್ಟಗಿ, ಹಿಟ್ನಾಳ್,ಹುಲಗಿ ಮತ್ತು ಹೊಸಪೇಟೆಯನ್ನು ಸಂಪರ್ಕಿಸುತ್ತದೆ. (ಏಜೆನ್ಸೀಸ್)