ಮುಂಬೈ: ಅಲೌಕಿಕ್ ದೇಸಾಯಿ ನಿರ್ದೇಶನದಲ್ಲಿ ಬಾಲಿವುಡ್‌ನಲ್ಲಿ ಸಿದ್ಧವಾಗಲಿರುವ ‘ಸೀತಾ’ ಸಿನಿಮಾ ಇತ್ತೀಚೆಗಷ್ಟೇ ಸಂಭಾವನೆ ವಿಚಾರವಾಗಿ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿತ್ತು. ಈ ಚಿತ್ರದಲ್ಲಿನ ಪ್ರಧಾನ ಪಾತ್ರ ನಿಭಾಯಿಸಲು ಕರೀನಾ ಕಪೂರ್ ಬರೋಬ್ಬರಿ 12 ಕೋಟಿ ಸಂಭಾವನೆ ಪಡೆಯುತ್ತಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಇದೀಗ ಕರೀನಾ ಕಪೂರ್ ಅವರನ್ನು ಬ್ಯಾನ್ ಮಾಡಬೇಕೆಂಬ ಒತ್ತಾಯ ಕೇಳಿಬರುತ್ತಿದೆ!
ಇದನ್ನೂ ಓದಿ: ವಿಶ್ವನಾಥನ್ ಆನಂದ್ ಜತೆ ಕಿಚ್ಚನ ಚೆಸ್
ಇಲ್ಲಿಯವರೆಗೂ ಪ್ರತಿ ಸಿನಿಮಾಕ್ಕೆ 6ರಿಂದ 7 ಕೋಟಿ ಸಂಭಾವನೆ ಪಡೆಯುತ್ತಿದ್ದ ಕರೀನಾ ಕಪೂರ್, ‘ಸೀತಾ’ ಚಿತ್ರಕ್ಕೆ 12 ಕೋಟಿ ಬೇಡಿಕೆ ಇಟ್ಟಿದ್ದಾರಂತೆ. ಈ ವಿಚಾರ ಸೋಷಿಯಲ್ ಮೀಡಿಯಾದಲ್ಲಿ ಹೈಪ್ ಗಿಟ್ಟಿಸಿಕೊಳ್ಳುತ್ತಿದ್ದಂತೆ, ‘ಬೈಕಾಟ್ ಕರೀನಾ ಕಪೂರ್’ ಎಂದು ನೆಟ್ಟಿಗರು ಆಗ್ರಹಿಸುತ್ತಿದ್ದಾರೆ.
ಇದನ್ನೂ ಓದಿ: ದೂರ ಸರಿದ ಧ್ರುವ ದುಬಾರಿ
‘ಸೀತೆಯ ಪಾತ್ರಕ್ಕಾಗಿ ಹೆಚ್ಚಿನ ಸಂಭಾವನೆ ಕೇಳುವ ಮೂಲಕ ಧಾರ್ಮಿಕ ಭಾವನೆಗಳಿಗೆ ದಕ್ಕೆ ಮಾಡುತ್ತಿದ್ದಾರೆ. ಸೀತೆಯ ಪಾತ್ರ ಮಾಡುವ ಯಾವ ಅರ್ಹತೆಯೂ ಕರೀನಾಳಿಗಿಲ್ಲ. ‘ತಾಂಡವ್’ ವೆಬ್‌ಸರಣಿ ಮೂಲಕ ಕರೀನಾ ಪತಿ ಸೈಫ್ ಅಲಿ ಖಾನ್ ಹಿಂದೂ ಧಾರ್ಮಿಕ ಭಾವನೆಗೆ ದಕ್ಕೆ ತಂದಿದ್ದರು. ಇದೀಗ ಅವರ ಹಾದಿಯಲ್ಲಿ ಕರೀನಾ ಸಾಗುತ್ತಿದ್ದಾರೆ’- ಎಂಬ ರೀತಿಯಲ್ಲಿ ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ.