ಮುಂಬೈ: ರಾಜಕೀಯ ಪಕ್ಷಗಳು ತಮ್ಮತ್ತ ಬೆಂಬಲಿಗರನ್ನು ಆಕರ್ಷಿಸಲು ಹೊಸ ಹೊಸ ಪ್ರಯೋಗಗಳನ್ನು ಮಾಡುತ್ತಿರುತ್ತವೆ ಮತ್ತು ಯಶಸ್ವಿಯಾಗುತ್ತವೆ.
ಇದೀಗ ಶರದ್ ಪವಾರ್ ನೇತೃತ್ವದ ನ್ಯಾಷನಲಿಸ್ಟ್ ಕಾಂಗ್ರೆಸ್ ಪಾರ್ಟಿಯೂ ಈ ರೀತಿಯ ಪ್ರಯೋಗಕ್ಕೆ ಮುಂದಾಗಿದೆ.
ಪಕ್ಷದ ಆ್ಯಪ್ ಲಾಂಚ್
ತಮ್ಮ ಪಕ್ಷದತ್ತ ಹೆಚ್ಚಿನ ಬೆಂಬಲಿಗರನ್ನು ಸೆಳೆಯಲು ಯೋಜನೆಯನ್ನು ರೂಪಿಸಿರುವ NCP ನಾಯಕರು ಹೊಸ ಅಪ್ಲಿಕೇಶನ್ ಒಂದನ್ನು ಲಾಂಚ್ ಮಾಡಿದ್ದಾರೆ.
ಇದನ್ನೂ ಓದಿ: ಸೆಲೆಬ್ರಿಟಿಗಳಿಗೆ ಶಾಕ್ ನೀಡಿದ ಟ್ವಿಟರ್; ರಾತ್ರೋರಾತ್ರಿ ಕಾಣೆಯಾದ ಬ್ಲೂ ಟಿಕ್
ಈ ಆ್ಯಪ್ ಡೌನ್ಲೋಡ್ ಮಾಡಿ ರಿಜಿಸ್ಟರ್ ಮಾಡುವವರಿಗೆ ಪಕ್ಷದ ಕಡೆಯಿಂದ ಉಡುಗೊರೆಗಳನ್ನು ನೀಡಲಾಗುವುದು ಎಂದು ತಿಳಿಸಿದೆ.
ಅರಿವು ಮೂಡಿಸಲು ಕ್ರಮ
ಈ ಕುರಿತು ಮಾತನಾಡಿರುವ ಪಕ್ಷದ ವಕ್ತಾರರೊಬ್ಬರು ಆ್ಯಪ್ ಲಾಂಚ್ ಮಾಡಿರುವ ಮುಖ್ಯ ಕಾರಣ ಎಂದರೆ ಜನರಿಗೆ ನಮ್ಮ ಪಕ್ಷದ ತತ್ವ ಸಿದ್ಧಾಂತ, ನಮ್ಮ ಸರ್ಕಾರ ಇದ್ದಾಗ ಜಾರಿಗೆ ತಂದಿರುವ ಯೋಜನೆಗಳು ಮತ್ತು ರಾಜಕೀಯದ ಬಗ್ಗೆ ಮಾಹಿತಿ ನೀಡಲು ಈ ಅಪ್ಲಿಕೇಶನ್ ಉಪಯುಕ್ತವಾಗಿದೆ ಎಂದು ತಿಳಿಸಿದ್ದಾರೆ.
ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡುವವರಿಗೆ ಟೀ-ಶರ್ಟ್, ಬ್ಯಾಗ್, ಛತ್ರಿ, ಕೀ ಚೈನ್, ಪೆನ್, ವಾಲೆಟ್, ಕಾಫಿ ಮಗ್, ವಾಟರ್ ಬಾಟಲ್ ಹಾಗೂ ಹ್ಯಾಟ್ಗಳನ್ನು ನೀಡಲಾಗುವುದು ಎಂದು NCP ಪಕ್ಷದ ಹಿರಿಯ ವಕ್ತಾರರೊಬ್ಬರು ತಿಳಿಸಿದ್ದಾರೆ.