ಅವ್ರು, ಮಕ್ಳನ್ನ ಸರಿಯಾಗಿ ನೋಡಿಕೊಳ್ತಿಲ್ಲ, ತಿಂಗಳ ನಿರ್ವಹಣೆಗೆ ನಮಗೆ ದುಡ್ಡು ಕೊಡುತ್ತಿಲ್ಲ, ಮಕ್ಕಳ ಶಾಲೆ ಫೀಸು ಕೊಡುತ್ತಿಲ್ಲ …
ಹೀಗೆ ಇನ್ನೂ ಏನೇನೋ ಆರೋಪಗಳನ್ನು ನವಾಜುದ್ಧೀನ್ ಸಿದ್ಧೀಕಿ ಮೇಲೆ ಅವರ ಪತ್ನಿ ಆಲಿಯಾ ಮಾಡಿದ್ದರು. ನವಾಜುದ್ದೀನ್ ದುಡ್ಡು ಕೊಡದೇ ಆಟ ಆಡಿಸುತ್ತಿರುವುದರಿಂದ, ತಾನು ತನ್ನ ಮಕ್ಕಳು ಸಾಕಷ್ಟು ಸಮಸ್ಯೆ ಎದುರಿಸುತ್ತಿರುವುದಾಗಿ ಆರೋಪ ಮಾಡಿದ್ದರು.
ಇದನ್ನೂ ಓದಿ: ಇಷ್ಟದ ತಿಂಡಿ, ಜಿಟಿಜಿಟಿ ಮಳೆ ಮತ್ತು ಕಲ್ಪನಾ; ನಟಿ ಹರಿಪ್ರಿಯಾ ಬಾಲ್ಯ ಹೀಗಿತ್ತು …
ಆಲಿಯಾ ಅವರ ಈ ಆರೋಪಗಳಿಗೆ ನವಾಜುದ್ದೀನ್ ಇದೀಗ ಪ್ರತ್ಯುತ್ತರ ಕೊಟ್ಟಿದ್ದಾರೆ. ತನ್ನ ಬಗ್ಗೆ ಅಪಪ್ರಚಾರ ಮಾಡಿ, ಮಾನನಷ್ಟ ಮಾಡುತ್ತಿರುವುದಕ್ಕೆ ಅವರಿಗೆ ತಮ್ಮ ಲಾಯರ್ಗಳ ಮೂಲಕ ನೋಟೀಸ್ ಕಳುಹಿಸಿದ್ದಾರೆ.
ಇದಕ್ಕೂ ಮುನ್ನ, ನವಾಜುದ್ದೀನ್ರಿಂದ ಡೈವೋಸ್ರ್ ಕೋರಿ, ಅವರು ಪತ್ನಿ ಆಲಿಯಾ ನ್ಯಾಯಾಲಯದ ಮೆಟ್ಟಿಲು ಏರಿದ್ದರು. ಅಷ್ಟೇ ಅಲ್ಲ, ಮೇ 06ರಂದು ನವಾಜುದ್ದೀನ್ಗೆ ಕಳುಹಿಸಲಾಗಿತ್ತು. ಮುಂದಿನ ವ್ಯವಹಾರಗಳು ಕೋರ್ಟ್ನಲ್ಲಿ ನಡೆಯಬಹುದು ಎಂದುಕೊಂಡರೆ ಸುಳ್ಳಾಯಿತು. ಕ್ರಮೇಣ, ನವಾಜುದ್ದೀನ್ ಮೇಲೆ ಹಲವು ಆರೋಪಗಳನ್ನು ಆಲಿಯಾ ಹೊರಿಸಿದರು. ನವಾಜುದ್ದೀನ್, ತಮ್ಮನ್ನೆಲ್ಲಾ ಹೇಗೆ ನಡೆಸಿಕೊಂಡರು ಎಂಬುದನ್ನು ಬಹಿರಂಗಪಡಿಸುತ್ತಾ ಹೋದರು.
ಇದನ್ನೂ ಓದಿ: ಚೀನಾ ವಿರುದ್ಧ ಸಮರ ಸಾರಿದ ‘ಕ್ವೀನ್’: ಗಾಂಧೀಜಿಯವರ ಮಾತು ಮರೆತುಬಿಟ್ಟಿರಾ ಎಂದಿದ್ದೇಕೆ ಕಂಗನಾ?
ಸಾಲದ್ದಕ್ಕೆ ಕೆಲವು ದಿನಗಳ ಹಿಂದೆ, ಪತ್ರಿಕೆಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ, ನವಾಜುದ್ದೀನ್ ನಿರ್ವಹಣೆಗೆ ದುಡ್ಡು ಕೊಡುತ್ತಿಲ್ಲ ಎಂದು ಹೇಳಿದ್ದರು. ಇದರಿಂದಾಗಿ ಮಕ್ಕಳ ಶಾಲೆಯ ಫೀಸು, ಇ.ಎಂ.ಐಗಳನ್ನು ಭರಿಸಲಾಗುತ್ತಿಲ್ಲ ಎಂದು ಆರೋಪ ಮಾಡಿದ್ದರು. ಅದಕ್ಕೆ ಪ್ರತಿಯಾಗಿ, ನವಾಜುದ್ದೀನ್ ತಮ್ಮ ಮೇಲೆ ಅಪಪ್ರಚಾರ ಮಾಡುತ್ತಿದ್ದಾರೆ ಎಂಬ ಕಾರಣ ನೀಡಿ, ಆಲಿಯಾಗೆ ನೋಟೀಸ್ ಕಳುಹಿಸಿದ್ದಾರೆ. ಈ ನೋಟೀಸ್ಗೆ ಆಲಿಯಾ ಉತ್ತರಿಸಬೇಕಾಗಿದ್ದು, ಏನು ಉತ್ತರ ನೀಡುತ್ತಾರೆ ಎಂಬ ಕುತೂಹಲ ಎಲ್ಲರಿಗೂ ಇದೆ.
ಒಟ್ಟಾರೆ, ನವಾಜುದ್ದೀನ್ ಮತ್ತು ಆಲಿಯಾ ಡೈವೋಸ್ರ್ ಪ್ರಕರಣವು, ದಿನಂದಿಂದ ದಿನಕ್ಕೆ ಚಿತ್ರ-ವಿಚಿತ್ರ ತಿರುವುಗಳನ್ನು ಪಡೆಯುತ್ತಿದ್ದು, ಯಾವ ಹಂತಕ್ಕೆ ಹೋಗಿ ಮುಟ್ಟುತ್ತದೆ ಎಂದು ಕಾದು ನೋಡಬೇಕಿದೆ.
ವರ್ಮಾ ನಿರ್ದೇಶನದ ಇನ್ನೊಂದು ಸಿನಿಮಾ ಇಂದು ಬಿಡುಗಡೆ!