ಕೇಪ್ ಕೆನವರಾಲ್ (ಅಮೆರಿಕ): ಅಪರೂಪದ ಲೋಹದಿಂದ ಆವೃತ್ತವಾದ ನಿಗೂಢ ಕ್ಷುದ್ರಗ್ರಹವೊಂದಕ್ಕೆ ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ’ಸೈಕ್’ ಬಾಹ್ಯಾಕಾಶ ನೌಕೆಯನ್ನು ಉಡಾಯಿಸಿತು. ಈ ನೌಕೆ ಆರು ವರ್ಷ ಪ್ರಯಾಣಿಸಿ ಕ್ಷುದ್ರಗ್ರಹವನ್ನು ತಲುಪಲಿದೆ.
ಬಹುತೇಕ ಕ್ಷುದ್ರಗ್ರಹಗಳು ಬಂಡೆಗಳಿಂದ ಕೂಡಿರುತ್ತವೆ ಅಥವಾ ಹಿಮಾಚ್ಛಾದಿತವಾಗಿರುತ್ತವೆ. ಆದರೆ ಇದೇ ಮೊದಲ ಬಾರಿಗೆ ಲೋಹದಿಂದ ಕೂಡಿರುವ ಕ್ಷುದ್ರಗ್ರಹ ಪತ್ತೆಯಾಗಿದ್ದು, ಅದರ ಅನ್ವೇಷಣೆಗೆ ಹೊರಟ ಪ್ರಥಮ ಮಿಷನ್ ಇದಾಗಿದೆ. ಇದು ಹಿಂದಿನ ಗ್ರಹವೊಂದರ ಮಧ್ಯಭಾಗದ ಉಳಿಕೆಯಾಗಿರಬಹುದು ಎಂದು ವಿಜ್ಞಾನಿಗಳು ನಂಬಿದ್ದಾರೆ.
ಅದರ ಅನ್ವೇಷಣೆಯಿಂದ ಭೂಮಿಯ ಸಮೀಪಿಸಲಾಗದ ಮಧ್ಯ ಪದರ ಮತ್ತು ಇತರ ಕಲ್ಲುಬಂಡೆಗಳ ಗ್ರಹಗಳ ಮೇಲೆ ಬೆಳಕು ಚೆಲ್ಲಲು ಸಾಧ್ಯವಾಗಬಹುದೆಂದು ನಿರೀಸಲಾಗಿದೆ. ’ಸೈಕ್’ ನೌಕೆಯನ್ನು ನಾಸಾದ ಕೆನಡಿ ಬಾಹ್ಯಾಕಾಶ ಕೇಂದ್ರದಿಂದ ಸ್ಪೇಸ್ ಎಕ್ಸ್ನ ರಾಕೆಟ್ ನಭೋಮಂಡಲಕ್ಕೆ ಉಡಾಯಿಸಿತು.