ಮುಂಬೈ: ಇಲ್ಲಿನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಮುಂಬೈ ಇಂಡಿಯನ್ಸ್ ನಡುವಿನ ಪಂದ್ಯದಲ್ಲಿ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನದ ಫಲವಾಗಿ ಹಾರ್ದಿಕ್ ಪಾಂಡ್ಯ ಪಡೆ 7 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿದೆ. ಹಾಲಿ ಆವೃತ್ತಿಯಲ್ಲಿ ಆರ್ಸಿಬಿ ತನ್ನ ಸೋಲಿನ ಸ್ಟ್ರೀಕ್ಅನ್ನು ಮುಂದುವರೆಸಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಆರ್ಸಿಬಿ ಪರ ನಾಯಕ ಫಾಪ್ ಡು ಪ್ಲೆಸಿಸ್ (61 ರನ್, 40 ಎಸೆತ, 4 ಬೌಡಂರಿ, 3 ಸಿಕ್ಸರ್), ರಜತ್ ಪಾಟಿದಾರ್ (50 ರನ್, 26 ಎಸೆತ, 3 ಬೌಂಡರಿ, 4 ಸಿಕ್ಸರ್), ದಿನೇಶ್ ಕಾರ್ತಿಕ್ (53 ರನ್, 23 ಎಸೆತ, 5 ಬೌಂಡರಿ, 4 ಸಿಕ್ಸರ್) ಅರ್ಧಶತಕಗಳ ಫಲವಾಗಿ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 196 ರನ್ ಪೇರಿಸಿತ್ತು.
ಮುಂಬೈ ಪರ ಮೊಹಮ್ಮದ್ ನಬಿ (1-0-7-0), ಗೆರಾಲ್ಡ್ ಕೋಟ್ಜೀ (4-0-42-1), ಜಸ್ಪ್ರೀತ್ ಬುಮ್ರಾ (4-0-21-5), ಆಕಾಶ್ ಮಧ್ವಾಲ್ (4-0-57-1), ಶ್ರೇಯಸ್ ಗೋಪಾಲ್ (4-0-32-1), ರೊಮಾರಿಯೊ ಶೆಫರ್ಡ್ (2-0-22-0), ಹಾರ್ದಿಕ್ ಪಾಂಡ್ಯ (1-0-13-0) ರನ್ ನೀಡಿ ವಿಕೆಟ್ ಪಡೆದಿದ್ದಾರೆ.
ಇದನ್ನೂ ಓದಿ: ಈದ್ ಹಬ್ಬದಂದು ನೆಚ್ಚಿನ ನಟನನ್ನು ನೋಡಲು ಬಂದವರಿಗೆ ಲಾಠಿ ರುಚಿ ತೋರಿಸಿದ ಪೊಲೀಸರು; ವಿಡಿಯೋ ವೈರಲ್
197 ರನ್ ಗಳ ಗುರಿ ಬೆನ್ನತ್ತಿದ್ದ ಮುಂಬೈ ಇಂಡಿಯನ್ಸ್ ತಂಡವು ಅರಂಭಿಕ ಇಶಾನ್ ಕಿಶನ್ (69 ರನ್, 34 ಎಸೆತ, 7 ಬೌಂಡರಿ, 5 ಸಿಕ್ಸರ್), ಸೂರ್ಯಕುಮಾರ್ ಯಾದವ್ (52 ರನ್, 19 ಎಸೆತ, 5 ಬೌಂಡರಿ, 4 ಸಿಕ್ಸರ್) ಸ್ಫೋಟಕ ಅರ್ಧಶತಕಗಳ ಫಲವಾಗಿ ಗುರಿಯನ್ನು 15.3 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 199 ರನ್ ಗಳಿಸಿ ಗೆಲುವಿನ ನಗೆ ಬೀರಿತ್ತು.
ಆರ್ಸಿಬಿ ಪರ ರೀಸ್ ಟಾಪ್ಲೆ (3-0-34-0), ಮೊಹಮ್ಮದ್ ಸಿರಾಜ್ (3-0-37-0), ಆಕಾಶ್ ದೀಪ್ (3.3-0-55-1), ಗ್ಲೆನ್ ಮ್ಯಾಕ್ಸ್ವೆಲ್ (1-0-17-0), ವಿಜಯ್ಕುಮಾರ್ ವೈಶಾಕ್ (3-0-32-1), ವಿಲ್ ಜಾಕ್ಸ್ (2-0-24-1) ರನ್ ನೀಡಿ ವಿಕೆಟ್ ಪಡೆದಿದ್ದಾರೆ.