ಬೆಂಗಳೂರು: ನೆಟ್ವರ್ಕ್ ಸೇವೆಯಿಂದ ಶುರುವಾದ ಮುಕೇಶ್ ಅಂಬಾನಿಯ ಸಂಸ್ಥೆ ಈಗ, ಮಾರುಕಟ್ಟೆಯ ಬೇರೆ ಬೇರೆ ಕ್ಷೇತ್ರಗಳಿಗೂ ಕಾಲಿಡಲಾರಂಭಿಸಿದೆ.
ಇಂದು ರಿಲಯನ್ಸ್ ರೀಟೇಲ್ ಸಂಸ್ಥೆಯ FMCG ಅಂಗವಾದ ರಿಲಯನ್ಸ್ ಕನ್ಸ್ಯೂಮರ್ ಪ್ರಾಡಕ್ಟ್, ಗುರುವಾರ ಗುಜರಾತ್ನಲ್ಲಿ ಪ್ಯಾಕೇಜ್ಡ್ ಸರಕುಗಳ ಬ್ರ್ಯಾಂಡ್ ‘ಇಂಡಿಪೆಂಡೆನ್ಸ್’ ಅನ್ನು ಬಿಡುಗಡೆ ಮಾಡಿದೆ.
ಈ ಬ್ರ್ಯಾಂಡ್ ಅಡಿಯಲ್ಲಿ ಸಂಸ್ಕರಿಸಿದ ಆಹಾರಗಳು ಮತ್ತು ಇತರ ದೈನಂದಿನ ಅಗತ್ಯ ವಸ್ತುಗಳೂ, ಉತ್ಪನ್ನಗಳನ್ನು ಮಾರಾಟ ಮಾಡಲಿದೆ ಎಂದು ಹೇಳಲಾಗಿದೆ. ಇದು ತನ್ನ FMCG ಮಾರುಕಟ್ಟೆಯಲ್ಲಿ ಉತ್ಕೃಷ್ಟತೆಯನ್ನು ಸೃಷ್ಟಿಸಲು ಗುಜರಾತ್ ಅನ್ನು ‘ಗೋ-ಟು-ಮಾರ್ಕೆಟ್’ ರಾಜ್ಯವಾಗಿ ಅಭಿವೃದ್ಧಿಪಡಿಸಲು ಯೋಜಿಸಿದೆ. ಅದಲ್ಲದೇ ಅದು ಶೀಘ್ರದಲ್ಲೇ ದೇಶಾದ್ಯಂತ ವಿಸ್ತರಿಸಲಿದೆ. ಇನ್ನು ಕೆಲವೇ ತಿಂಗಳಲ್ಲಿ ಇಡೀ ಗುಜರಾತ್ನಲ್ಲಿ ತಮ್ಮ ಬ್ರ್ಯಾಂಡ್ನ ಕೆಳಗೆ ಅನೇಕ ವ್ಯಾಪಾರಿ ಮಳಿಗೆಗಳನ್ನು ತೆರೆಯಲಿದೆ ಎನ್ನಲಾಗುತ್ತಿದೆ.
ಏನಿದು FMCG?
FMCG ಎಂದರೆ ಫಾಸ್ಟ್ ಮೂವಿಂಗ್ ಕನ್ಸ್ಯೂಮರ್ ಗೂಡ್ಸ್ ಎಂದರ್ಥ. ಈ ಕೆಟಗರಿ ಕೆಳಗೆ, ಹಾಲು, ಹಣ್ಣು, ತರಕಾರಿ, ಧಾನ್ಯ, ಬೇಳೆ ಇತ್ಯಾದಿ ವಸ್ತುಗಳು ಬರುತ್ತವೆ. ಸರಳ ಭಾಷೆಯಲ್ಲಿ ಹೇಳುವುದಾದರೆ, ಇದು ದಿನಸಿ ವ್ಯಾಪಾರ. ಆದರೆ ದೊಡ್ ಮಟ್ಟದಲ್ಲಿ ನಡೆಯುವ ದಿನಸಿ ವ್ಯಾಪಾರ. ಇವರು
ಈ ಮೂಲಕ ಅಂಬಾನಿ ಒಡೆತನದ ಇಂಡಪೆಂಡೆನ್ಸ್ ಹೆಸರಿನ ಬ್ಯಾಂಡ್ ಸ್ಥಳೀಯವಾಗಿ ಉತ್ಪಾದನೆಯಾಗುತ್ತಿರುವ ವಸ್ತುಗಳನ್ನು ಖರೀದಿಸಿ, ಜನರಿಗೆ ಮಾರಾಟ ಮಾಡುತ್ತದೆ. ಇದರಿಂದ ಭಾರತೀಯರ ಸಮಸ್ಯೆಗಳಿಗೆ ಸುಲಭವಾಗಿ ಉತ್ತರ ಸಿಗುತ್ತದೆ.
ಇನ್ನು ಮುಂದೆ FMCG ಕ್ಷೇತ್ರದ ದೊಡ್ಡ ಬ್ರ್ಯಾಂಡ್ ಎಂದೇ ಕರೆಸಿಕೊಳ್ಳುವ ಯೂನಿಲಿವರ್,ಐಟಿಸಿ ಕಂಪೆಸಿಗಳಿಗೆ ನೇರವಾಗಿ ಟಕ್ಕರ್ ಕೊಡಲಿದೆ.