ನವದೆಹಲಿ: ಈ ಮಗು ಬದುಕುಳಿದಿದ್ದೇ ಒಂದು ಪವಾಡ. ಆದರೆ ಈ ಮಗುವಿನ ತಾಯಿ ಸತ್ತು ಹೋಗಿದ್ದಳು ಎಂಬ ಸುದ್ದಿ ಆ ನಂತರ ಬರಸಿಡಿಲಿನಂತೆ ಎರಗಿತ್ತು. ಅದಾಗ್ಯೂ ಈ ಮಗುವಿನ ಬದುಕಿನಲ್ಲಿ ಮತ್ತೊಂದು ಪವಾಡ ಸಂಭವಿಸಿಬಿಟ್ಟಿದೆ. ಸತ್ತು ಹೋಗಿದ್ದಳೆನ್ನಲಾದ ಅಮ್ಮ 54 ದಿನಗಳ ಬಳಿಕ ಪತ್ತೆಯಾಗಿದ್ದು, ಮಗು ಅಮ್ಮನ ಮಡಿಲನ್ನು ಸೇರಿದೆ.
ಇದು ಟರ್ಕಿ ಭೂಕಂಪದಲ್ಲಿ 128 ಗಂಟೆಗಳ ಕಾಲ ಅವಶೇಷಗಳಡಿ ಸಿಲುಕಿಯೂ ಜೀವಂತ ರಕ್ಷಿಸಲ್ಪಟ್ಟ ಮಗುವಿನ ಕಥೆ. ಇದೇ ಕಾರಣಕ್ಕೆ ಈ ಮಗುವನ್ನು ಪವಾಡಸದೃಶ ಮಗು (ಮಿರಾಕಲ್ ಬೇಬಿ) ಎಂದು ಕರೆಯಲಾಗುತ್ತಿದೆ. ಫೆಬ್ರವರಿಯಲ್ಲಿ ಸಂಭವಿಸಿದ್ದ ಭೀಕರ ಭೂಕಂಪದಲ್ಲಿ 128 ಗಂಟೆಗಳ ಕಾಲ ಅವಶೇಷಗಳಡಿ ಸಿಲುಕಿದ್ದೂ ಬದುಕುಳಿದಿದ್ದರಿಂದ ಈ ಮಗುವನ್ನು ಮಿರಾಕಲ್ ಬೇಬಿ ಎಂದು ಕರೆಯಲಾಗಿತ್ತು.
ಇದನ್ನೂ ಓದಿ: ಅರ್ಚಕರಿಗೆ ಹೃದಯಾಘಾತ, ಅರ್ಧಕ್ಕೇ ನಿಂತ ಜಾತ್ರೆ; ಕಳಶ ಹೊತ್ತು ಸಾಗುತ್ತಿದ್ದವರು ಕುಸಿದು ಬಿದ್ದು ಸಾವು
ಆದರೆ ಈ ಮಗುವಿನ ತಾಯಿ ಇದೇ ಭೂಕಂಪದಲ್ಲಿ ಸತ್ತು ಹೋಗಿದ್ದಳು ಎನ್ನಲಾಗಿತ್ತು. ಆದರೆ ಇತ್ತೀಚಿನ ಮಾಹಿತಿ ಪ್ರಕಾರ ಮಗು ತನ್ನ ತಾಯಿಯೊಂದಿಗೆ ಸೇರಿಕೊಂಡಿದ್ದು ತಿಳಿದುಬಂದಿದೆ. ಆಕೆ ಇನ್ನೊಂದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಳು. ಟರ್ಕಿ ಸಚಿವರ ಸಲಹೆಗಾರ ಆಂಟನ್ ಗೆರಶ್ಚಾಂಕೊ ಈ ಕುರಿತು ಟ್ವೀಟ್ ಮಾಡಿದ್ದಾರೆ. ಡಿಎನ್ಎ ಪರೀಕ್ಷೆ ಮೂಲಕ ಈ ತಾಯಿ-ಮಗುವನ್ನು ಖಚಿತಪಡಿಸಿಕೊಂಡು ಜೊತೆ ಸೇರಿಸಲಾಗಿದೆ ಎಂದು ಅವರು ತಿಳಿಸಿದ್ದಾರೆ. –ಏಜೆನ್ಸೀಸ್
You probably remember this picture of the baby who spent 128 hours under rubble after an earthquake in Turkey. It was reported that the baby's mom died.
Turns out, the mom is alive! She was treated in a different hospital. After 54 days apart and a DNA test, they are together… pic.twitter.com/T7B0paUFxL
— Anton Gerashchenko (@Gerashchenko_en) April 2, 2023
ಶಾಲಾ ಮಕ್ಕಳಿಗೆ ಎಷ್ಟು ದಿನ ರಜೆ?: ಇಲ್ಲಿದೆ ವೇಳಾಪಟ್ಟಿಯ ಪೂರ್ತಿ ವಿವರ
4 ವರ್ಷ ಕಳೆದರೂ ಕಳವಾದ ಚಿನ್ನದ ಸರ ಪತ್ತೆ ಮಾಡಲಾಗದೆ ಹೊಸ ಸರ ಕೊಡಿಸಿದ ಪೊಲೀಸರು!; ಆಗಿದ್ದೇನು?