ಮಂಡ್ಯ: ಮಹಿಳಾ ಪೇದೆಗೆ ಸೀಮಂತ ಮಾಡಿದ ವಿನೂತನ ಕಾರ್ಯಕ್ರಮಕ್ಕೆ ನಗರ ಸಂಚಾರ ಪೊಲೀಸ್ ಠಾಣೆ ಸಾಕ್ಷಿಯಾಯಿತು.
ಪೇದೆ ಪಲ್ಲವಿಗೆ ಸಂಚಾರ ಪೊಲೀಸ್ ಠಾಣೆ ಸಿಬ್ಬಂದಿ ಸೀಮಂತ ಮಾಡಿದರು. ಚೊಚ್ಚಲ ಹೆರಿಗೆಗೆ ತೆರಳುತ್ತಿರುವ ಅವರಿಗೆ 6 ತಿಂಗಳು ರಜೆ ನೀಡಿ. ರೇಷ್ಮೆ ಸೀರೆ ತೊಡಿಸಿ, ಉಡುಗೊರೆ ನೀಡಿ ಸಿಬ್ಬಂದಿ ಹರಸಿ ಕಳುಹಿಸಿಕೊಟ್ಟರು.
ಪೊಲೀಸ್ ಠಾಣೆಗಳಲ್ಲಿ ಕೆಲಸದ ಒತ್ತಡ ಅಧಿಕವಾಗಿರುವುದರಿಂದ ಈ ರೀತಿಯ ಕಾರ್ಯಕ್ರಮಗಳು ನಡೆಯುವುದು ವಿರಳ. ಹೀಗಾಗಿ ಮಂಡ್ಯ ಸಂಚಾರ ಪೊಲೀಸ್ ಠಾಣೆಯಲ್ಲಿ ನಡೆದ ಸೀಮಂತ ಕಾರ್ಯಕ್ರಮ ಸಾರ್ವಜನಿಕರಲ್ಲಿ ಅಚ್ಚರಿ ಮೂಡಿಸಿದೆ.
ಸೀಮಂತ ಕಾರ್ಯಕ್ರಮದಲ್ಲಿ ಪೇದೆ ಪಲ್ಲವಿ ಅವರ ಕುಟುಂಬ ಸದಸ್ಯರು ಇದ್ದರು. (ದಿಗ್ವಿಜಯ ನ್ಯೂಸ್)