ನ್ಯೂಯಾರ್ಕ್: ಸುಶ್ರಾವ್ಯವಾದ ದ್ವನಿ ಹೊರಡಿಸುವ ಪಿಂಚಸ್ ಹಕ್ಕಿಗಳನ್ನು ಕಳ್ಳಸಾಗಾಣಿಕೆ ಮಾಡುತ್ತಿದ್ದ ವೇಳೆ ವ್ಯಕ್ತಿಯೊಬ್ಬನನ್ನು ನ್ಯೂಯಾರ್ಕ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಪೊಲೀಸರು ಬಂಧಿಸಿದ್ದಾರೆ.
ಸ್ಯಾಮುಯಲ್ ಎಂಬಾತ ತನ್ನ ಜಾಕೆಟ್ನಲ್ಲಿ ಹಾಗೂ ಆ್ಯಂಕಲ್ಗಳಲ್ಲಿ ಚಿಕ್ಕ ಚಿಕ್ಕ ಡಬ್ಬಿಗಳನ್ನು ಮಾಡಿ 34 ಜೀವಂತ ಪಿಂಚಸ್ ಹಕ್ಕಿಗಳನ್ನು ತೆಗೆದುಕೊಂಡು ಗಯಾನಾಕ್ಕೆ ಹೋಗುವಾಗ ಪೊಲೀಸ್ ಅಧಿಕಾರಿಗಳು ಆತನನ್ನು ಬಂಧಿಸಿದ್ದಾರೆ.
ಗಯಾನಾದಲ್ಲಿ ಪಿಂಚಸ್ ಹಕ್ಕಿಗಳಿಂದ ಸಂಗೀತ ಕಾರ್ಯಕ್ರಮದ ಸ್ಪರ್ಧೆಗಾಗಿ ಈ ಪಕ್ಷಿಗಳನ್ನು ತೆಗೆದುಕೊಂಡು ಹೋಗುತ್ತಿದ್ದಾಗಿ ಆರೋಪಿತ ಹೇಳಿದ್ದಾನೆ. ಈತನಿಗೆ ಗಯಾನದಿಂದ 3000 ಡಾಲರ್ ಹಣವನ್ನು ಆಮೀಷ ಒಡ್ಡಲಾಗಿತ್ತು ಎಂದು ತಿಳಿದು ಬಂದಿದೆ.
ಅಳಿವಿನಂಚಿನಲ್ಲಿರುವ ಪಿಂಚಸ್ ಹಕ್ಕಿಗಳನ್ನು ಅಮೆರಿಕದಲ್ಲಿ ಸಾಕುವುದಕ್ಕೆ ಹಾಗೂ ಮಾರುವುದಕ್ಕೆ ಅವಕಾಶ ಇಲ್ಲ. ಈ ಹಕ್ಕಿಗಳು ಸುಶ್ರಾವ್ಯವಾದ ದ್ವನಿ ಹೊರಡಿಸುತ್ತವೆ. ಕೆಲವರು ಇವುಗಳನ್ನು ಬಳಸಿಕೊಂಡು ಸಂಗೀತ ಕಾರ್ಯಕ್ರಮಗಳನ್ನು ನೀಡುತ್ತಾರೆ. United Nations Office on Drugs and Crime (UNODC) ಪ್ರಕಾರ ಜಗತ್ತಿನಾದ್ಯಂತ 2019 ರಲ್ಲಿ 20767 ವನ್ಯಜೀವಿಗಳನ್ನು ಕಳ್ಳಸಾಗಾಣಿಕೆ ಹಾಗೂ ಮುಂತಾದ ಕಾರಣಗಳಿಂದ ಅಧಿಕಾರಿಗಳು ವಶಪಡಿಸಿಕೊಂಡಿದ್ದರು.
ವಿಮಾನದ ಎಂಜಿನ್ಗೆ ನಾಣ್ಯಗಳನ್ನು ಎಸೆದ ಪ್ರಯಾಣಿಕ: ತಪ್ಪಿದ ದುರಂತ, ಕಾರಣ ಕೇಳಿ ಪೊಲೀಸರೇ ಕಕ್ಕಾಬಿಕ್ಕಿ!