ಫ್ಲೋರಿಡಾ: ವಿಚಿತ್ರವಾಗಿ ಪ್ರಪೋಸ್ ಮಾಡುವವರನ್ನು ನೋಡಿರುತ್ತೀರಿ. ಇಲ್ಲೊಬ್ಬ ವ್ಯಕ್ತಿ ಪ್ರಪೋಸ್ ಮಾಡಿದ್ದನ್ನು ಕೇಳಿದರೆ ನೀವು ಒಂದು ಕ್ಷಣ ದಂಗಾಗುತ್ತೀರಿ. ಹಳೇ ಗರ್ಲ್ಫ್ರೆಂಡ್ಗೆ ಕೊಟ್ಟಿದ್ದ ಉಂಗುರವನ್ನೇ ಕದ್ದು ಹೊಸ ಗರ್ಲ್ಫ್ರೆಂಡ್ಗೆ ಪ್ರಪೋಸ್ ಮಾಡಿದ ಭೂಪ ಇದೀಗ ಹಳೇ ಗರ್ಲ್ಫ್ರೆಂಡ್ ಕೋಪಕ್ಕೆ ಕಾರಣನಾಗಿದ್ದಾನೆ.
ಇಂತದ್ದೊಂದು ಘಟನೆ ಫ್ಲೋರಿಡಾದಲ್ಲಿ ನಡೆದಿದೆ. 48 ವರ್ಷದ ಕೋಸೆಫ್ ಡೇವಿಸ್ ಈ ಹಿಂದೆಯೇ ಯುವತಿಯೊಬ್ಬಳಿಗೆ ಉಂಗುರವನ್ನಿತ್ತು ಪ್ರೇಮ ತೋಡಿಕೊಂಡಿದ್ದ. ಅದಕ್ಕೆ ಆಕೆ ಒಪ್ಪಿ ಉಂಗುರ ಸ್ವೀಕರಿಸಿದ್ದಳು ಕೂಡ. ಅದಾದ ಮೇಲೆ ಇಬ್ಬರೂ ಚೆನ್ನಾಗಿಯೇ ಇದ್ದರು.
ಇತ್ತೀಚೆಗೆ ಆಕೆ ತನ್ನ ಪ್ರಿಯತಮನ ಫೇಸ್ಬುಕ್ ವಾಲ್ ನೋಡುವಾಗ ಆತ ಯಾವುದೋ ಹುಡುಗಿಯೊಂದಿಗೆ ಇರುವುದು ಕಂಡುಬಂದಿದೆ. ಆ ಫೋಟೋವನ್ನು ಸರಿಯಾಗಿ ಗಮನಿಸಿದಾಗ, ಫೋಟೋದಲ್ಲಿರುವ ಯುವತಿ ತನ್ನ ಉಂಗುರದ ರೀತಿಯದ್ದೇ ಉಂಗುರ ತೊಟ್ಟಿರುವುದು ಕಂಡುಬಂದಿದೆ. ಅನುಮಾನ ಬಂದ ಹಿನ್ನೆಲೆಯಲ್ಲಿ ಆಕೆ ತಕ್ಷಣ ತನ್ನ ಆಭರಣಗಳ ಬಾಕ್ಸ್ ಪರಿಶೀಲಿಸಿದ್ದಾಳೆ. ಅದರಲ್ಲಿ ಎಲ್ಲ ಆಭರಣ ಇದ್ದು, ಅದೊಂದೇ ಉಂಗುರು ಕಳುವಾಗಿರುವುದು ತಿಳಿದುಬಂದಿದೆ. ಈ ವಿಚಾರ ಆಕೆಗೆ ಗೊತ್ತಾಗಿದೆ ಎನ್ನುವುದು ಗೊತ್ತಾದಿಗಿಂದ ಜೋಸೆಫ್ ಕಾಣೆಯಾಗಿದ್ದಾನೆ ಕೂಡ. ಇದೀಗ ಆತನ ವಿರುದ್ಧ ಯುವತಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾಳೆ. ಆರೋಪಿಯ ಹುಡುಕಾಟದಲ್ಲಿ ಪೊಲೀಸರು ತೊಡಗಿಸಿಕೊಂಡಿದ್ದಾರೆ ಎನ್ನಲಾಗಿದೆ. (ಏಜೆನ್ಸೀಸ್)
ಹೆಂಡತಿ ನೋಡಲು ದೂರದ ಊರಿಂದ ಬಂದ ಗಂಡನಿಗೆ ಕಾದಿತ್ತು ಬಿಗ್ ಶಾಕ್! ಹಿಂಬದಿ ಬಾಗಿಲಿಂದ ಬಂದವ ಹೀಗೇಕೆ ಮಾಡಿದ?
ಸರ್ಪೈಸ್ ನೀಡಲು ಮನೆಗೆ ಬಂದ ಗಂಡನಿಗೆ ಕಾದಿತ್ತು ಬಿಗ್ ಶಾಕ್! ಹೆಂಡತಿಯ ಇನ್ನೊಂದು ರೂಪ ನೋಡಿದ ಗಂಡ ಮಾಡಿದ್ದೇನು?