ಆಗ್ರಾ : ಉತ್ತರಪ್ರದೇಶದ ಆಗ್ರಾದಲ್ಲಿ 23 ವರ್ಷದ ವ್ಯಕ್ತಿಯನ್ನು ಹಣಕ್ಕಾಗಿ ಕಿಡ್ನಾಪ್ ಮಾಡಿ, ನಂತರ ಕೊಲೆ ಮಾಡಿರುವ ಪ್ರಸಂಗ ಬೆಳಕಿಗೆ ಬಂದಿದೆ. ಮೃತನ ಶರೀರವನ್ನು ಪಿಪಿಇ ಸೂಟ್ಗಳನ್ನು ತೊಟ್ಟು ಕೋವಿಡ್ ರೋಗಿ ಎಂಬಂತೆ ಹೂತುಹಾಕಿದ್ದರು ಎನ್ನಲಾಗಿದೆ. ಈ ಸಂಚಿಗೆ ಸೂತ್ರಧಾರಿಯಾಗಿದ್ದ ಮೃತನ ಗೆಳೆಯನೂ ಸೇರಿದಂತೆ ಐವರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.
ಆಗ್ರಾದಲ್ಲಿನ ಕೋಲ್ಡ್ ಸ್ಟೋರೇಜ್ ಮಾಲೀಕರ ಮಗನಾಗಿದ್ದ ಸಚಿನ್ ಚೌಹಾನ್ ಎಂಬುವನು ಮೃತ ದುರ್ದೈವಿ. ಜೂನ್ 21 ರಂದು ಸಚಿನ್ನನ್ನು ಆಗ್ರಾದ ಜನಸಂಚಾರವಿಲ್ಲದ ವಾಟರ್ ಪ್ಲ್ಯಾಂಟ್ಗೆ ಕರೆಸಿ ಅವನೊಂದಿಗೆ ಮದ್ಯ ಸೇವಿಸಿದ ಆರೋಪಿಗಳು, ನಂತರ ಆತನನ್ನು ಲ್ಯಾಮಿನೇಷನ್ ಪೇಪರ್ ಬಳಸಿ ಉಸಿರುಗಟ್ಟಿಸಿ ಸಾಯಿಸಿದರು. ಕರೊನಾ ಸಮಯದಲ್ಲಿ ಪಿಪಿಇ ಕಿಟ್ ಹಾಕಿಕೊಂಡು ಅಂತ್ಯಸಂಸ್ಕಾರ ಮಾಡಿದರೆ ಯಾರಿಗೂ ಗೊತ್ತಾಗುವುದಿಲ್ಲ ಎಂದು ಕೊಲೆಯನ್ನು ಮುಚ್ಚಿಹಾಕಲು ಪ್ರಯತ್ನಿಸಿದ್ದರು ಎನ್ನಲಾಗಿದೆ.
ಇದನ್ನೂ ಓದಿ: ಬೆಡ್ಶೀಟ್ ಸುತ್ತಿ, ಆಟೋದಲ್ಲಿ ಹೆಣ ಸಾಗಿಸುತ್ತಿದ್ದ ಯುವಕರು!
2 ಕೋಟಿ ರೂ.ಗಳ ಬೇಡಿಕೆ ಇಡುವ ಯೋಜನೆ ಹೊಂದಿದ್ದು, 25 ದಿನಗಳ ಹಿಂದೆಯೇ ಈ ಅಪರಾಧಕ್ಕೆ ಸಂಚು ನಡೆದಿತ್ತು ಎನ್ನಲಾಗಿದೆ. ಜೂನ್ 22 ರಂದು ಸಚಿನ್ನ ಫೋನನ್ನು ಯಾರೋ ಬೇರೆಯವರು ಎತ್ತಿದಾಗ ಅನುಮಾನಗೊಂಡ ಪಾಲಕರು ಪೊಲೀಸರಿಗೆ ಮಿಸ್ಸಿಂಗ್ ಕಂಪ್ಲೇಂಟ್ ಕೊಟ್ಟರು. ತನಿಖೆ ನಡೆಸಿದ ಪೊಲೀಸರು ಈ ಪ್ರಕರಣದಲ್ಲಿ ಭಾಗಿಯಾದ ಐವರು ಆರೋಪಿಗಳನ್ನು ಬಂಧಿಸಿದ್ದಾರೆ ಎನ್ನಲಾಗಿದೆ. (ಏಜೆನ್ಸೀಸ್)
ಮಾಧುರಿ, ರವೀನಾ ಒಂದೇ ವೇದಿಕೆಯಲ್ಲಿ! ಡ್ಯಾನ್ಸ್ ನಂಬರ್ಗಳ ಎಕ್ಸ್ಚೇಂಜ್!