ಟೈವಾನ್: ವೈದ್ಯಕೀಯ ಸೇವೆಯ ತುರ್ತು ಅಗತ್ಯ ಹೊಂದಿರುವವರಿಗೆ ಟೈವಾನ್ ದೇಶದಲ್ಲಿ ಉಚಿತ ಆ್ಯಂಬುಲೆನ್ಸ್ ಸೇವೆ ಒದಗಿಸಲಾಗುತ್ತದೆ. ಆದರೆ ಇದನ್ನೇ 39 ಬಾರಿ ‘ಫ್ರೀ ಟ್ಯಾಕ್ಸಿ’ಯಂತೆ ಬಳಸಿಕೊಂಡಿರುವ ನಾಗರೀಕನೊಬ್ಬ ಆಸ್ಪತ್ರೆ ಸಿಬ್ಬಂದಿ ಹಾಗೂ ಪೊಲೀಸ್ ಅಧಿಕಾರಿಗಳ ಕೈಗೆ ಸಿಕ್ಕಿಬಿದ್ದಿದ್ದಾನೆ.
ವಾಂಗ್ ಎಂಬಾತ ಸೂಪರ್ಮಾರ್ಕೆಟ್ನಿಂದ ನಗರದ ಆಸ್ಪತ್ರೆಯ ಸಮೀಪವಿರುವ ತನ್ನ ಮನೆಗೆ ಹೋಗಲು ಈ ರೀತಿ ಮಾಡುತ್ತಿದ್ದುದು ಬೆಳಕಿಗೆ ಬಂದಿದೆ. ಸೂಪರ್ಮಾರ್ಕೆಟ್ನಿಂದ ಕೇವಲ 200 ಮೀಟರ್ ದೂರದಲ್ಲಿದ್ದ ತನ್ನ ಮನೆಗೆ ನಡೆದುಕೊಂಡು ಹೋಗುವುದನ್ನು ತಪ್ಪಿಸಲು ಈ ರೀತಿ ಮಾಡುತ್ತಿದ್ದ ಎನ್ನಲಾಗಿದೆ.
ಇದನ್ನೂ ಓದಿ: ಬೈಕ್ ರೈಡ್ ಫಾರ್ ಅಪ್ಪು- ಯುವರತ್ನನಿಗೆ ಅರ್ಪಣೆ: ಪುನೀತ್ ಸ್ಮರಣಾರ್ಥ ಸಚಿವರಿಂದ ಚಾಲನೆ
ಆಸ್ಪತ್ರೆ ತಲುಪಿದ ಪ್ರತಿ ಬಾರಿ ಚೆಕ್ಅಪ್ ಮಾಡಿಸಿಕೊಳ್ಳದೇ ತಾನಾಗೇ ಎದ್ದು ಹೊರಡುತ್ತಿದ್ದುದನ್ನು ಗಮನಿಸಿದ ವೈದ್ಯಕೀಯ ಸಿಬ್ಬಂದಿ ಪೊಲೀಸರಿಗೆ ವಿಷಯ ತಿಳಿಸಿದರು. ಪೊಲೀಸರು ವಿಚಾರಣೆ ನಡೆಸಿದಾಗ ಅವರನ್ನು ನಿಂದಿಸಲು ಆರಂಭಿಸಿದ ವಾಂಗ್ಗೆ, ಮತ್ತೊಮ್ಮೆ ಸಾರ್ವಜನಿಕ ಸೇವೆಯಾದ ಆ್ಯಂಬುಲೆನ್ಸ್ಅನ್ನು ಸ್ವಾರ್ಥಕ್ಕಾಗಿ ಬಳಸಿಕೊಂಡಲ್ಲಿ ದಂಡ ವಿಧಿಸಲಾಗುವುದು ಎಂದು ಎಚ್ಚರಿಕೆ ಕೊಟ್ಟು ಕಳುಹಿಸಿದರು ಎಂದು ವರದಿ ತಿಳಿಸಿದೆ. (ಏಜೆನ್ಸೀಸ್)
9 ವರ್ಷಗಳ ನಂತರ ಜಾತಿ ನೆನಪಾಯ್ತಾ? ಎರಡನೇ ಮದ್ವೇಗೆ ಸಜ್ಜಾದವನ ವಿರುದ್ಧ ಪತ್ನಿ ದೂರು