ಗುರುಗ್ರಾಮ: ನಾಯಿಯನ್ನು ನಾಯಿ ಎಂದರೆ ಏನು ತಪ್ಪು? ಹಾ.. ಹಾಗೆಂದು ನಾಯಿ ಸಾಕಿದವರ ಮುಂದೆ ಹೋಗಿ “ನಿಮ್ಮ ನಾಯಿ..” ಎಂದು ಕರೆದುಬಿಟ್ಟಿರಿ ಹುಷಾರ್! ಏಕೆಂದರೆ ನಾಯಿಯನ್ನು ನಾಯಿ ಎಂದು ಕರೆದಿದ್ದಕ್ಕೆ ಅದರ ಮಾಲೀಕ ನೆರೆ ಮನೆಯವರ ಮೇಲೆ ಹಲ್ಲೆ ಮಾಡಿರುವ ಘಟನೆ ಹರಿಯಾಣದ ಗುರುಗ್ರಾಮದಲ್ಲಿ ನಡೆದಿದೆ.
ಗುರುಗ್ರಾಮದ ಜ್ಯೋತಿ ಪಾರ್ಕ್ ನಿವಾಸಿಯಾಗಿರುವ ವ್ಯಕ್ತಿಯೊಬ್ಬ ನಾಯಿ ಸಾಕಿದ್ದಾನೆ. ಅದಕ್ಕೆ ಟಾಮಿ ಎನ್ನುವ ಹೆಸರನ್ನಿಟ್ಟು ಸಲಹುತ್ತಿದ್ದಾನೆ. ಪ್ರತಿದಿನ ಅದರ ವಾಕಿಂಗ್ ಮಾಡಿಸುವುದನ್ನು ಮರೆಯುವುದಿಲ್ಲವಂತೆ. ಆದರೆ ಆ ನಾಯಿ ಅಕ್ಕ ಪಕ್ಕದ ಮಕ್ಕಳ ಮೈ ಮೇಲೆ ಎಗರಲು ಪ್ರಯತ್ನಿಸುತ್ತಿತ್ತಂತೆ. ಅದೇ ಕಾರಣಕ್ಕೆ ಆತನ ನೆರೆ ಮನೆ ನಿವಾಸಿ ಸುಧೀರ್ ಒಂದು ಸಲಹೆ ನೀಡಿದ್ದಾನೆ. ನಿಮ್ಮ ನಾಯಿಗೆ ಚೈನ್ ಹಾಕಿಕೊಂಡು ವಾಕಿಂಗ್ ಕರೆದುಕೊಂಡು ಹೋಗಿ ಎಂದಿದ್ದಾನೆ.
ಸುಧೀರ್ನ ಒಂದೇ ಒಂದು ಮಾತಿಗೆ ನಾಯಿ ಮಾಲೀಕ ಸಿಟ್ಟಾಗಿದ್ದಾನೆ. ಚೈನ್ ಹಾಕು ಎಂದಿದ್ದಕ್ಕಿಂತ ಟಾಮಿಯನ್ನು ನಾಯಿ ಎಂದಿದ್ದಕ್ಕೆ ಆತನಿಗೆ ಸಿಟ್ಟು ಹೆಚ್ಚಾಗಿತ್ತಂತೆ. ಅದೇ ವಿಚಾರದಲ್ಲಿ ಅವರಿಬ್ಬರ ನಡುವೆ ವಾಕ್ ಸಮರ ನಡೆದಿದೆ. ಅದು ಹೆಚ್ಚಾಗಿದ್ದು, ನಾಯಿ ಮಾಲೀಕ ಸುಧೀರ್ ಮತ್ತು ಆತನ ಕುಟುಂಬಸ್ಥರ ಮೇಲೆ ಹಲ್ಲೆ ನಡೆಸಿದ್ದಾನೆ. ಹೆಂಗಸರು ಮಕ್ಕಳು ಸೇರಿ ಒಟ್ಟು ಆರು ಮಂದಿಯ ಮೇಲೆ ಆತ ಹಲ್ಲೆ ಮಾಡಿದ್ದಾನೆ. ಈ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಈ ವಿಚಾರದಲ್ಲಿ ಸುಧೀರ್ ಗುರುಗ್ರಾಮ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ಪೊಲೀಸರು ತನಿಖೆ ಆರಂಭಿಸಿದ್ದಾರೆ. (ಏಜೆನ್ಸೀಸ್)
ಕೂಡಿಟ್ಟ ಹಣವನ್ನು ಕೋವಿಡ್ ಪರಿಹಾರ ನಿಧಿಗೆ ಕೊಟ್ಟಿದ್ದ ಬಾಲಕನಿಗೆ ಸರ್ಪೈಸ್ ಕೊಟ್ಟ ಸಿಎಂ
ಸರ್ಕಾರಿ ಆಸ್ಪತ್ರೆಯಲ್ಲಿ ನಾಲ್ಕು ಗಂಟೆಗಳಲ್ಲಿ 26 ಸೋಂಕಿತರ ಸಾವು! ಹೈ ಕೋರ್ಟ್ ತನಿಖೆಗೆ ಒತ್ತಾಯಿಸಿದ ಆರೋಗ್ಯ ಸಚಿವ