ಮುಂಬೈ: ಇದುವರೆಗೂ ಅದೆಷ್ಟು ಬಾಲಿವುಡ್ ಸೆಲೆಬ್ರಿಟಿಗಳು ಕರೊನಾ ಪಾಸಿಟಿವ್ಗಾಗಿ ಚಿಕಿತ್ಸೆ ಪಡೆದಿದ್ದಾರೋ ಲೆಕ್ಕ ಇಡುವುದು ಕಷ್ಟ. ಅಮಿತಾಭ್ ಬಚ್ಚನ್, ಅಭಿಷೇಕ್ ಬಚ್ಚನ್, ಐಶ್ವರ್ಯ ರೈ ಸೇರಿದಂತೆ ಈಗಾಗಲೇ ಹಲವರು ಕೋವಿಡ್ ಪಾಸಿಟಿವ್ಗೆ ತುತ್ತಾಗಿ, ಹುಷಾರಾಗಿ ಮನೆಗೆ ವಾಪಸ್ಸಾಗಿದ್ದರು.
ಇದನ್ನೂ ಓದಿ: ನಟಿ ಕಂಗನಾಗೆ ಕೇಂದ್ರದಿಂದ ‘ವೈ ಪ್ಲಸ್’ ಭದ್ರತೆ: ಏನಿದರ ವಿಶೇಷತೆ?
ಈ ಪಟ್ಟಿಗೆ, ಭಾನುವಾರವಷ್ಟೇ ನಟ ಅರ್ಜುನ್ ಕಪೂರ್ ಸೇರಿಕೊಂಡಿದ್ದರು. ಈ ಕುರಿತು ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಾಕಿದ್ದ ಅವರು, ತಮಗೆ ಕೋವಿಡ್ 19 ಪಾಸಿಟಿವ್ ಎಂದು ಹೇಳಿಕೊಂಡಿದ್ದರು. ಈಗ ಅವರ ಗರ್ಲ್ಫ್ರೆಂಡ್ ಮಲೈಕಾ ಅರೋರಾಗೂ ಪಾಸಿಟಿವ್ ಬಂದಿದೆ.
ಅರ್ಜುನ್ ಕಪೂರ್ ಮತ್ತು ಮಲೈಕಾ ಅರೋರಾ ಕಳೆದೊಂದು ವರ್ಷದಿಂದ ಡೇಟಿಂಗ್ ಮಾಡುತ್ತಿದ್ದರೂ, ತಮ್ಮ ಸಂಬಂಧದ ಕುರಿತಾಗಿ ಅಷ್ಟಾಗಿ ಹೇಳಿಕೊಂಡಿರಲಿಲ್ಲ. ಕೆಲವು ತಿಂಗಳುಗಳ ಹಿಂದೆ, ಇಬ್ಬರೂ ಡೇಟಿಂಗ್ ಮಾಡುತ್ತಿರುವ ವಿಷಯ ಹೇಳಿಕೊಂಡಿದ್ದರು. ಈ ಜೋಡಿಯ ಮದುವೆ ಯಾವಾಗ ಎಂಬ ಪ್ರಶ್ನೆ, ಇಬ್ಬರೂ ಸೆಲೆಬ್ರಿಟಿಗಳ ಅಭಿಮಾನಿಗಳ ವಲಯದಲ್ಲಿತ್ತು.
ಹೀಗಿರುವಾಗಲೇ ಕೋವಿಡ್ ಟೆಸ್ಟ್ ಮಾಡಿಸಿದಾಗ, ಭಾನುವಾರ ಅರ್ಜುನ್ ಕಪೂರ್ಗೆ ಪಾಸಿಟಿವ್ ಎಂಬ ವಿಷಯ ಬಹಿರಂಗವಾಗಿದೆ. ಅದಾಗಿ ಕೆಲವೇ ಗಂಟೆಗಳ ಅವಧಿಯಲ್ಲಿ ಮಲೈಕಾ ಅರೋರಾ ಸಹ ತಮಗೆ ಪಾಸಿಟಿವ್ ಆಗಿದೆ ಎಂಬುದನ್ನು ಬಹಿರಂಗಪಡಿಸಿದ್ದಾರೆ.
ಇದನ್ನೂ ಓದಿ: ರಾಗಿಣಿನ ಪ್ರಚಾರಕ್ಕೆ ನಾನು ಕರೆಸಿರಲಿಲ್ಲ, ಆಕೆ ಈ ರೀತಿ ಅಂತ ಗೊತ್ತಿರಲಿಲ್ಲ; ನಾರಾಯಣ ಗೌಡ
ಈ ಕುರಿತು ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅವರು, ‘ನನಗೆ ಯಾವುದೇ ಸಿಂಪ್ಟಮ್ಗಳು ಇರಲಿಲ್ಲ. ಆದರೂ ಟೆಸ್ಟ್ ಮಾಡಿಸೋಣ ಎಂದು ಟೆಸ್ಟ್ ಮಾಡಿಸಿದರೆ ಪಾಸಿಟಿವ್ ಬಂದಿದೆ. ಹಾಗಾಗಿ ಮನೆಯಲ್ಲೇ ಕ್ವಾರಂಟೈನ್ ಮಾಡಿಕೊಳ್ಳಲಿದ್ದೇನೆ. ಕೆಲವೇ ದಿನಗಳ ಬಳಿಕೆ ಇನ್ನಷ್ಟು ಆರೋಗ್ಯಕರವಾಗಿ ಮತ್ತು ಇನ್ನಷ್ಟು ಗಟ್ಟಿಯಾಗಿ ವಾಪಸ್ಸು ಬರಲಿದ್ದೇನೆ’ ಎಂದು ಅವರು ಹೇಳಿಕೊಂಡಿದ್ದಾರೆ.
ಪಬ್ಲಿಸಿಟಿಗೋಸ್ಕರ ಹೀಗೆಲ್ಲಾ ಮಾಡ್ತಿದಾನೆ … ಸಂಬರಗಿ ವಿರುದ್ಧ ಸಂಜನಾ ಆರೋಪ