ಬ್ಯಾಂಗ್ಕಾಕ್: ಥೈಲ್ಯಾಂಡ್ನ ರಾಜ ಮಹಾ ವಾಜಿರಲಾಂಗ್‌ಕಾರ್ನ್‌ನ ಬಗ್ಗೆ ನೀವು ಕೇಳಿರುತ್ತೀರಿ. ನಾಲ್ಕು ಹೆಂಡತಿಯರೊಂದಿಗೆ ಓರ್ವ ಪ್ರೇಯಸಿಯನ್ನು ಹೊಂದಿರುವ ಈತ ದೇಶ ವಿದೇಶಗಳಲ್ಲಿ ಹೆಚ್ಚು ಸುದ್ದಿಯಲ್ಲಿದ್ದ ವ್ಯಕ್ತಿ. ಇದೀಗ ಈತನ ಗರ್ಲ್ಫ್ರೆಂಡ್ ಸಿನೀನಾತ್ ವೊಂಗ್ವಾಜಿರಾಪಕ್ಡಿ ದೊಡ್ಡದೊಂದು ಸಮಸ್ಯೆಗೆ ಸಿಲುಕಿಕೊಂಡಿದ್ದಾರೆ. ಈಗಾಗಲೇ ಜೈಲು ವಾಸ ಅನುಭವಿಸಿ ಬಂದಿರುವ ಸಿನೀನಾತ್ನ ನಗ್ನ ಚಿತ್ರಗಳು ರಾಜಪ್ರಭುತ್ವ ವಿರೋಧಿ ಜನರ ಕೈಗೆ ಸೇರಿದೆ.
ಇದನ್ನೂ ಓದಿ: ವಾಟರ್ ಟ್ಯಾಂಕ್ನಲ್ಲಿತ್ತು ನಾಲ್ಕು ಹೆಣ! ವೈರಿಗಳೇ ಇಲ್ಲದ ಕುಟುಂಬದ ನಿಗೂಢ ಸಾವು!
ರಾಜಪ್ರಭುತ್ವ ವಿರೋಧ ಮಾಡುತ್ತಿರುವ ಅನೇಕರ ಕೈಗೆ ಸಿನೀನಾತ್ ಅವರ ಸಾವಿರಾರು ಖಾಸಗಿ ಚಿತ್ರಗಳು ಸಿಕ್ಕಿವೆ. ಸುಮಾರು 1,400 ಚಿತ್ರಗಳು ಸಿಕ್ಕಿವೆ ಎನ್ನಲಾಗಿದ್ದು, ಇದರಲ್ಲಿ ನೂರಾರು ಚಿತ್ರಗಳು ನಗ್ನ ಚಿತ್ರಗಳಾಗಿವೆ ಎನ್ನಲಾಗಿದೆ. ಈ ಫೋಟೋಗಳನ್ನು ಸಿನೀನಾತ್, ರಾಜ ವಾಜಿರಲಾಂಗ್‌ಕಾರ್ನ್‌ ಗೆ ಕಳುಹಿಸಿಲು ತೆಗೆದುಕೊಂಡಿದ್ದು ಎನ್ನಲಾಗಿದೆ. 2012ರಿಂದ 2014ರ ವೇಳೆಯಲ್ಲಿ ತೆಗೆಯಲಾಗಿರುವ ಈ ಚಿತ್ರಗಳು ಇದೀಗ ಸಾರ್ವಜನಿಕವಾಗಿ ಹರಿದಾಡಲಾರಂಭಿಸಿವೆ.
ಥಾಯ್ ರಾಜಪ್ರಭುತ್ವದ ಬಗ್ಗೆ ವಿಮರ್ಶಾತ್ಮಕ ಲೇಖನಗಳನ್ನು ಬರೆದ ಬ್ರಿಟಿಷ್ ಪತ್ರಕರ್ತ ಆಂಡ್ರ್ಯೂ ಮ್ಯಾಕ್ಗ್ರೆಗರ್ ಮಾರ್ಷಲ್ ಅವರ ಕೈಗೂ ಫೋಟೋಗಳು ಸಿಕ್ಕಿವೆ. ಈ ಕುರಿತಾಗಿ ಮಾಷ್ಳ್ ಅವರು ಫೇಸ್ಬುಕ್ನಲ್ಲಿ ಬರೆದುಕೊಂಡಿದ್ದಾರೆ ಕೂಡ. ರಾಜಪ್ರಭುತ್ವವನ್ನು ಟೀಕಿಸಿ ಥೈಲ್ಯಾಂಡ್‌ನಲ್ಲಿ ಕ್ರಿಮಿನಲ್ ಮೊಕದ್ದಮೆ ಎದುರಿಸುತ್ತಿರುವ ಪವಿನ್ ಚಚವಾಲ್ಪೊಂಗ್‌ಪುನ್ ಅವರಿಗೂ ಚಿತ್ರಗಳನ್ನು ಕಳುಹಿಸಿಕೊಡಲಾಗಿದೆ.
ಇದನ್ನೂ ಓದಿ: ಲಂಡನ್ ವೈರಸ್ನಿಂದಾಗಿ ಮುಂಬೈನಂತೆ ಇಲ್ಲೂ ನೈಟ್ ಕರ್ಫ್ಯೂ ಇರತ್ತಾ? ಸಿಎಂ ಏನೆಂದ್ರು ಕೇಳಿ…
ಸಿನೀನಾತ್ ಅವರು ಕಳೆದ ವರ್ಷ ಜೈಲು ಸೇರಿದ್ದರು. ನಾಲ್ಕನೇ ಹೆಂಡತಿ ರಾಣಿ ಸುಥಿದಾ ಅವರನ್ನು ಮದುವೆಯಾಗಿ ಒಂದೇ ವರ್ಷದಲ್ಲಿ ಸಿನೀನಾತ್ ಅವರನ್ನು ವಾಜಿರಲಾಂಗ್‌ಕಾರ್ನ್‌ ಕುಟುಂಬಕ್ಕೆ ಸೇರಿಸಿಕೊಂಡಿದ್ದರು. ಜೈಲು ಸೇರಿದ ಆಕೆ ಇದೀಗ ಬಿಡುಗಡೆಯಾಗಿ ಬಂದಿದ್ದಾರೆ. ಜೈಲುವಾಸ ಅನುಭವಿಸಿದರೂ ಆಕೆಗೆ ಮತ್ತೊಮ್ಮೆ ರಾಜಮನೆತನದ ಗೌರವ ಕೊಡಲು ವಾಜಿರಲಾಂಗ್‌ಕಾರ್ನ್‌ ಸಿದ್ಧವಾಗಿದ್ದಾರೆ. ಇದನ್ನು ತಪ್ಪಿಸಬೇಕು ಎನ್ನುವ ಕಾರಣದಿಂದಲೇ ಆಕೆಯ ನಗ್ನ ಚಿತ್ರಗಳನ್ನು ಸಾರ್ವಜನಿಕಗೊಳಿಸಲಾಗಿದೆ ಎನ್ನಲಾಗಿದೆ. ಯಾರಿಂದ ಈ ಫೋಟೋಗಳು ಸಾರ್ವಜನಿಕವಾದವು ಎನ್ನುವುದರ ಬಗ್ಗೆ ಯಾವುದೇ ಮಾಹಿತಿ ತಿಳಿದುಬಂದಿಲ್ಲ. (ಏಜೆನ್ಸೀಸ್)
ಮಾನಸಿಕ ಅಸ್ವಸ್ಥ ಗಂಡನೆದುರೇ ನಡೆಯುತ್ತಿತ್ತು ಅತ್ತಿಗೆಯ ಅಫೇರ್! ವಿಷಯ ಗೊತ್ತಿದ್ದ ಮೈದುನನಿಗೆ ಅತ್ತಿಗೆ ಮಾಡಿದ್ದೇನು?
ವಿವಾಹಿತ ಕಾನ್ಸ್ಟೇಬಲ್ ಜತೆ ಮಹಿಳಾ ಎಸ್ಐ ಲವ್ವಿಡವ್ವಿ: ಏನೇ ಮಾಡಿದ್ರೂ ಸಂಬಂಧ ಮಾತ್ರ ಬಿಡ್ತಿಲ್ಲ!