ಬ್ಯಾಂಕಾಕ್: ಥೈಲ್ಯಾಂಡ್ ಮಹಾರಾಜ ವಾಜಿರಲಾಂಗ್‌ಕಾರ್ನ್‌ನ ಪತ್ನಿ ಸಿನೀನಾತ್ ವೊಂಗ್ವಾಜಿರಾಪಕ್ಡಿಯ ಅಶ್ಲೀಲ ಫೋಟೋಗಳು ನನ್ನ ಬಳಿ ಇವೆ ಎಂದು ಹೇಳಿಕೊಂಡಿರುವ ಥೈಲ್ಯಾಂಡ್ ಕಾರ್ಯಕರ್ತರೊಬ್ಬರು ಕೆಲ ಫೋಟೋಗಳನ್ನು ಡೈಲಿ ಮೇಲ್ ಆನ್ಲೈನ್ ನ್ಯೂಸ್ ವೆಬ್ಸೈಟ್ ಜತೆ ಶೇರ್ ಮಾಡಿಕೊಂಡಿದ್ದಾರೆ.
ರಾಜನ ಪತ್ನಿಯ ಒಟ್ಟು 1400 ಫೋಟೋಗಳು ಸೋರಿಕೆಯಾಗಿರುವ ವಿಚಾರ ಈ ವಾರ ಭಾರಿ ಸುದ್ದಿಯಾಗಿದ್ದು, ಫೋಟೋಗಳಿಂದಾಗಿ ರಾಜ ವಾಜಿರಲಾಂಗ್‌ಕಾರ್ನ್‌ ಪತ್ನಿ ಹಾಗೂ ರಾಣಿ ಸುಥಿದಾ ಮತ್ತು ರಾಜನ ಉಪಪತ್ನಿಯರ ನಡುವಿನ ಒಳಜಗಳಕ್ಕೆ ಕಾರಣವಾಗಿದೆ.
ಇದನ್ನೂ ಓದಿ: ವಿಶ್ವದ ಏಕಾಂಗಿ ಆನೆಗೆ ಸಿಕ್ಕಿದ್ರು ಮೂವರು ಗೆಳತಿಯರು: ಕಾವನ್ ವರ್ತನೆ ಕಂಡು ಹುಬ್ಬೇರಿಸಿದ ಪರಿಪಾಲಕ!
ಈಗಾಗಲೇ ಜೈಲು ವಾಸ ಅನುಭವಿಸಿ ಮರಳಿ ರಾಜನ ಆಶ್ರಯ ಸೇರಿರುವ ಸಿನೀನಾತ್ನ ನಗ್ನ ಚಿತ್ರಗಳು ರಾಜಪ್ರಭುತ್ವ ವಿರೋಧಿ ಜನರ ಕೈಗೆ ಸೇರಿದೆ. ಸುಮಾರು 1,400 ಚಿತ್ರಗಳು ಸಿಕ್ಕಿವೆ ಎನ್ನಲಾಗಿದ್ದು, ಇದರಲ್ಲಿ ನೂರಾರು ಚಿತ್ರಗಳು ನಗ್ನ ಚಿತ್ರಗಳಾಗಿವೆ. ಈ ಫೋಟೋಗಳನ್ನು ಸಿನೀನಾತ್, ರಾಜ ವಾಜಿರಲಾಂಗ್‌ಕಾರ್ನ್‌ ಗೆ ಕಳುಹಿಸಿಲು ತೆಗೆದುಕೊಂಡಿದ್ದು ಎನ್ನಲಾಗಿದೆ. 2012ರಿಂದ 2014ರ ವೇಳೆಯಲ್ಲಿ ತೆಗೆಯಲಾಗಿರುವ ಈ ಚಿತ್ರಗಳು ಇದೀಗ ಸಾರ್ವಜನಿಕವಾಗಿ ಹರಿದಾಡಲಾರಂಭಿಸಿವೆ.
ಇದನ್ನೂ ಓದಿ: ಲವ್ವರ್ ವಿರುದ್ಧ ದೂರು ಕೊಡಲು ಪೀಡಿಸಿದ ತಂದೆ: ಠಾಣೆಯ ಬಾತ್ರೂಮ್ಗೆ ಹೋದ ಹುಡುಗಿಯಿಂದ ಬಿಗ್ ಶಾಕ್!
ಈ ಬಗ್ಗೆ ಡೈಲಿ ಮೇಲ್ ಜತೆ ಮಾತನಾಡಿರುವ ಜಪಾನ್ನ ಪ್ರಮುಖ ರಾಜ ವಿಮರ್ಶಕ ಹಾಗೂ ರಾಜಪ್ರಭುತ್ವವನ್ನು ಟೀಕಿಸಿ ಥೈಲ್ಯಾಂಡ್‌ನಲ್ಲಿ ಕ್ರಿಮಿನಲ್ ಮೊಕದ್ದಮೆ ಎದುರಿಸುತ್ತಿರುವ ಪವಿನ್ ಚಚವಾಲ್ಪೊಂಗ್‌ಪುನ್, ನಗ್ನ ಫೋಟೋಗಳನ್ನು ಅನಾಮಧೇಯನ ಹೆಸರಿನಲ್ಲಿ ಎಸ್ಡಿ ಕಾರ್ಡ್ ಜತೆಗೆ ಪತ್ರವೊಂದರ ಮೂಲಕ ಕಳೆದ ಆಗಸ್ಟ್ನಲ್ಲಿ ನನಗೆ ಕಳುಹಿಲಾಗಿತ್ತು. ಸಿನೀನಾತ್ ಜೈಲಿನಲ್ಲಿರುವಾಗ ಆಕೆಯ ಫೋನ್ ಹ್ಯಾಕ್ ಮಾಡಿ ಫೋಟೋಗಳನ್ನು ಪಡದುಕೊಳ್ಳಲಾಗಿತ್ತು ಎಂದು ಪತ್ರದಲ್ಲಿ ಬರೆಯಲಾಗಿತ್ತು ಎಂದು ಪವಿನ್ ತಿಳಿಸಿದ್ದಾರೆ.
ಇದನ್ನೂ ಓದಿ: ಹನಿಮೂನ್ನಲ್ಲೂ ದೂರವಿದ್ದ, ಔಷಧ ಕೊಟ್ರೂ ಹತ್ರ ಬರಲಿಲ್ಲ- ಪತಿಯ ವಿರುದ್ಧ ಪೊಲೀಸರಲ್ಲಿ ದೂರು!
ಸಿನೀತಾತ್ ರಾಜನ ಆಶ್ರಯಕ್ಕೆ ಮರಳದಿರುವಂತೆ ತಡೆಯುವ ಕುತಂತ್ರ ಇದರ ಹಿಂದಿತ್ತು ಎನ್ನಲಾಗಿದೆ. ರಾಜನ ಪತ್ನಿ ಹಾಗೂ ರಾಣಿ ಸುಥಿದಾ ಕೈವಾಡ ಇದರಲ್ಲಿ ಕೇಳಿಬಂದಿದ್ದು, ಸಿನೀತಾತ್ ವಿರೋಧಿ ಗುಂಪುಗಳಿಗೆ ನಗ್ನ ಫೋಟೋಗಳನ್ನು ಕಳುಹಿಸುವ ಮೂಲಕ ಸಿನೀತಾತ್ ವ್ಯಕ್ತಿತ್ವ ಹರಣಕ್ಕೆ ರಾಣಿ ಸುಥಿದಾ ಬಯಸಿದ್ದಳು ಎನ್ನಲಾಗಿದೆ. ವಿಮರ್ಶಕ ಪವಿನ್ ಹೇಳುವಂತೆ ರಾಜಪ್ರಭುತ್ವದ ಇನ್ನೊಂದು ಮುಖವಾಡವನ್ನು ತೋರಿಸುವ ಸಲುವಾಗಿ ಕೆಲವು ಫೋಟೋಗಳನ್ನು ನಾನು ಹಂಚಿಕೊಂಡಿದ್ದೇನೆಂದು ಡೈಲಿ ಮೇಲ್ಗೆ ತಿಳಿಸಿದ್ದಾರೆ.
ಕೆಲವೊಂದು ಚಿತ್ರಗಳಲ್ಲಿ ಸಿನೀತಾತ್ ಸಂಪೂರ್ಣ ನಗ್ನವಾಗಿದ್ದರೆ, ಅನೇಕ ಫೋಟೋಗಳಲ್ಲಿ ತುಂಡುಡುಗೆ ತೊಟ್ಟು, ಶೇವ್ ಮಾಡಿರದ ಕಂಕುಳನ್ನು ಪ್ರದರ್ಶಿಸಿರುವ ಫೋಟೋಗಳಿವೆ. ಎಲ್ಲ ಫೋಟೋಗಳು ಸಹ ಸೆಲ್ಫಿ ಮಾದರಿಯಾಗಿದ್ದು, ಕೆಲವೊಂದು ಬಾತ್ರೂಮ್ ಅಥವಾ ಆಕೆಯ ಕಾರಿನಲ್ಲಿ ತೆಗೆದುಕೊಳ್ಳಲಾಗಿದೆ.
ಹ್ಯಾಕ್ ಮಾಡಿ ಫೋಟೋಗಳನ್ನು ಪಡೆದುಕೊಂಡಿದ್ದ ಹ್ಯಾಕರ್ ಸರಿಯಾದ ಸಮಯಕ್ಕೆ ಕಾಯುತ್ತಿದ್ದ ಅನಿಸುತ್ತಿದೆ. ಇದೀಗ ಸಿನೀತಾತ್ ಜೈಲಿನಿಂದ ಬಿಡುಗಡೆಯಾಗಿ ಮರಳಿ ರಾಜನ ಆಶ್ರಯ ಸೇರಿರುವ ಸರಿಯಾದ ಸಮಯವನ್ನು ನೋಡಿ ಎಲ್ಲವನ್ನು ಬಹಿರಂಗ ಮಾಡಿದ್ದಾನೆ. ಇದೊಂದು ಕಾಕತಾಳೀಯ ಎಂಬುದನ್ನು ನಂಬಲು ಸಾಧ್ಯವಿಲ್ಲ ಎಂದು ಪವಿನ್ ಹೇಳಿದ್ದಾರೆ.
ಇನ್ನ ಥಾಯ್ ರಾಜಪ್ರಭುತ್ವದ ಬಗ್ಗೆ ವಿಮರ್ಶಾತ್ಮಕ ಲೇಖನಗಳನ್ನು ಬರೆದ ಬ್ರಿಟಿಷ್ ಪತ್ರಕರ್ತ ಆಂಡ್ರ್ಯೂ ಮ್ಯಾಕ್ಗ್ರೆಗರ್ ಮಾರ್ಷಲ್ ಅವರ ಕೈಗೂ ಫೋಟೋಗಳು ಸಿಕ್ಕಿವೆ. ಈ ಕುರಿತಾಗಿ ಮಾಷ್ಳ್ ಅವರು ಫೇಸ್ಬುಕ್ನಲ್ಲಿ ಬರೆದುಕೊಂಡಿದ್ದಾರೆ ಕೂಡ.
ಇದನ್ನೂ ಓದಿ: ಚೀನಾ ಮಹಿಳೆಯಿಂದ ಹನಿಟ್ರ್ಯಾಪ್: ಸುಂದರಿಯ ಬಲೆಗೆ ಬಿದ್ದವರ್ಯಾರು?
ಸಿನೀನಾತ್ ಅವರು ಕಳೆದ ವರ್ಷ ಜೈಲು ಸೇರಿದ್ದರು. ನಾಲ್ಕನೇ ಹೆಂಡತಿ ರಾಣಿ ಸುಥಿದಾ ಅವರನ್ನು ಮದುವೆಯಾಗಿ ಒಂದೇ ವರ್ಷದಲ್ಲಿ ಸಿನೀನಾತ್ ಅವರನ್ನು ವಾಜಿರಲಾಂಗ್‌ಕಾರ್ನ್‌ ಕುಟುಂಬಕ್ಕೆ ಸೇರಿಸಿಕೊಂಡಿದ್ದರು. ಜೈಲು ಸೇರಿದ ಆಕೆ ಇದೀಗ ಬಿಡುಗಡೆಯಾಗಿ ಬಂದಿದ್ದಾರೆ. ಜೈಲುವಾಸ ಅನುಭವಿಸಿದರೂ ಆಕೆಗೆ ಮತ್ತೊಮ್ಮೆ ರಾಜಮನೆತನದ ಗೌರವ ಕೊಡಲು ವಾಜಿರಲಾಂಗ್‌ಕಾರ್ನ್‌ ಸಿದ್ಧವಾಗಿದ್ದಾರೆ. ಇದನ್ನು ತಪ್ಪಿಸಬೇಕು ಎನ್ನುವ ಕಾರಣದಿಂದಲೇ ಆಕೆಯ ನಗ್ನ ಚಿತ್ರಗಳನ್ನು ಸಾರ್ವಜನಿಕಗೊಳಿಸಲಾಗಿದೆ ಎನ್ನಲಾಗಿದೆ. ಯಾರಿಂದ ಈ ಫೋಟೋಗಳು ಸಾರ್ವಜನಿಕವಾದವು ಎನ್ನುವುದರ ಬಗ್ಗೆ ಯಾವುದೇ ಮಾಹಿತಿ ತಿಳಿದುಬಂದಿಲ್ಲ. (ಏಜೆನ್ಸೀಸ್)
