ತನ್ನನ್ನು ಮೋಸ ಮಾಡಿದ ಕಾರಣ, ಆಕೆ ಯುವಕನ ಜತೆ ಕ್ಯಾತೆ ತೆಗೆದಳು. ಹಿಂದೂ ಹೆಸರು ಹೇಳಿಕೊಂಡು ತನ್ನ ಜತೆ ಇರುವ ವಿಷಯ ಆತನ ತಂದೆ-ತಾಯಿ ಸೇರಿದಂತೆ ದೊಡ್ಡ ಬಳಗಕ್ಕೆ ಮೊದಲೇ ಅರಿವಿತ್ತು ಎಂಬ ವಿಷಯ ತಿಳಿದು ಆಕೆಗೆ ಇನ್ನಷ್ಟು ಅಚ್ಚರಿ ಹಾಗೂ ಭಯ ಶುರುವಾಯಿತು. ಯುವಕನ ಜತೆ ಜಗಳವಾಡಿದಳು. ಅಷ್ಟೇ... ಇನ್ನು ತನ್ನ ಬಂಡವಾಳ ಬಯಲಾಯಿತೆಂದು ಶಾಖಿಬ್, ಆಕೆಗೆ ಮತ್ತು ಬರಿಸುವ ಔಷಧ ಕುಡಿಸಿದ. ತನ್ನ ಪಾಲಕರು ಹಾಗೂ ಇತರರ ಜತೆಗೂಡಿ, ಆಕೆಯ ದೇಹವನ್ನು ತುಂಡು ತುಂಡು ಮಾಡಿ ಕತ್ತರಿಸಿ, ಒಂದೊಂದು ಭಾಗವನ್ನು ಒಂದೊಂದು ಕಡೆ ಎಸೆದು, ನಂತರ ದೇಹವನ್ನು ಸುಟ್ಟುಹಾಕಿದ. ಈ ಕೊಲೆಯ ಬಗ್ಗೆ ಕುಟುಂಬದವರು ಒಂದೇ ಒಂದು ಸುಳಿವನ್ನೂ ಬಿಟ್ಟಿರಲಿಲ್ಲ. ಸಾಲದು ಎಂಬುದಕ್ಕೆ ಏಕ್ತಾ ಕೊಲೆಯಾಗಿದ್ದಾಳೆ ಎಂದು ತಿಳಿಯಬಾರದು ಎನ್ನುವ ಕಾರಣಕ್ಕೆ ಆಕೆಯ ಫೇಸ್ಬುಕ್ ಅಕೌಂಟ್ನಲ್ಲಿ ಏನಾದರೂ ಅಪ್ಡೇಟ್ ಮಾಡುತ್ತಲೇ ಇದ್ದ. ತನ್ನ ಫೇಸ್ಬುಕ್ ಪಾಸ್ವರ್ಡ್ ಅನ್ನು ಏಕ್ತಾ ಆತನಿಗೆ ಕೊಟ್ಟುಬಿಟ್ಟಿದ್ದಳು. ಇದರ ಪ್ರಯೋಜನ ಪಡೆದುಕೊಂಡಿದ್ದ ಶಾಖೀಬ್. ಇದರಿಂದಾಗಿ ಮಗಳು ಜೀವಂತ ಆಗಿದ್ದಾಳೆ ಎಂದೇ ಆಕೆಯ ಪಾಲಕರೂ ನಂಬಿದ್ದರು.
