ಮೂಡಿಗೆರೆ: ಲಾಕ್ಡೌನ್ ಕಾರಣ 13 ವಾರಗಳಿಂದ ಸಂತೆ ನಡೆಯದಿರುವುದರಿಂದ ವ್ಯಾಪಾರಿಗಳು ಸಂಕಷ್ಟಕ್ಕೆ ಸಿಲುಕಿದ್ದಾರೆ.
ಲಾಕ್ಡೌನ್ ನಿಯಮ ಸಡಿಲವಾದ್ದರಿಂದ ವ್ಯಾಪಾರಿಗಳು ಸಂತೆ ಆರಂಭಿಸಿದ್ದರು. ಕರೊನಾ ಹೆಚ್ಚಾಗುತ್ತಿದ್ದಂತೆ ರಾತ್ರಿ 8ರಿಂದ ಬೆಳಗ್ಗೆ 5 ರವರೆಗೆ ಲಾಕ್ಡೌನ್ ಬಿಗಿಯಾಗಿದ್ದರಿಂದ ಮತ್ತೆ ಸಂತೆ ರದ್ದುಪಡಿಸಿ ಅಧಿಕಾರಿಗಳು ಸಂತೆ ಮೈದಾನ ರಸ್ತೆಗೆ ಬ್ಯಾರಿಕೇಡ್ ಅಡ್ಡವಿಟ್ಟು ನಾಮಫಲಕ ಅಳವಡಿಸಿದ್ದಾರೆ.
ಕಳೆದ 2 ವಾರ ಸಂತೆ ನಡೆದಿದ್ದರಿಂದ ಈ ವಾರವೂ ಸಂತೆಗೆ ವ್ಯಾಪಾರಿಗಳು ಆಗಮಿಸಿದ್ದರು. ನಾಮಫಲಕ ನೋಡಿ ಬಂದ ದಾರಿಗೆ ಸುಂಕವಿಲ್ಲವೆಂದು ಅಧಿಕಾರಿಗಳಿಗೆ ಹಿಡಿಶಾಪ ಹಾಕುತ್ತ ತಾಲೂಕು ಕಚೇರಿ ಹಾಗೂ ಚರ್ಚ್ ಎದುರಿನ ರಸ್ತೆಯಲ್ಲಿ ವಾಹನಗಳನ್ನು ಸಾಲಾಗಿ ನಿಲ್ಲಿಸಿ ಬೀದಿ ಬದಿಯಲ್ಲಿ ವ್ಯಾಪಾರ ನಡೆಸಿದರು. ಜನರೂ ಕೂಡ ಮಾಹಿತಿ ಇಲ್ಲದೆ ಪರಿತಪಿಸಿದರು.