ಬೆಂಗಳೂರು: ಅರಿಶಿನವು ಅತ್ಯುತ್ತಮ ಮಸಾಲೆ ಪದಾರ್ಥ. ಇದನ್ನು ಮನೆಮದ್ದಾಗಿ, ಅಡುಗೆಗೆ ಹೀಗೆ ಅನೇಕ ಕಡೆ ಬಳಸಲಾಗುತ್ತದೆ. ಆದರೆ ಅರಿಶಿನ ಬಟ್ಟೆಯ ಮೇಲೆ ಬಿದ್ದರೆ ಅದರ ಕಲೆ ಸುಲಭವಾಗಿ ಹೋಗುವುದಿಲ್ಲ. ಶಾಶ್ವತವಾಗಿ ತನ್ನ ಗುರುತನ್ನು ಬಿಡಬಹುದು. ಆದ್ದರಿಂದ ನೀವು ನಿಮ್ಮ ನೆಚ್ಚಿನ ಬಟ್ಟೆಗಳ ಮೇಲೆ ಅರಿಶಿನ ಕಲೆಯಾದರೆ ಇನ್ನು ಮುಂದೆ ಚಿಂತಿಸಬೇಡಿ. ಏಕೆಂದರೆ ಅವುಗಳನ್ನು ತೊಡೆದುಹಾಕಲು ನಿಮಗೆ ಕೆಲವು ಟಿಪ್ಸ್ ಕೊಡುತ್ತೇವೆ.
* ಮೊದಲನೆಯದಾಗಿ ಬಟ್ಟೆಯ ಮೇಲೆ ಅರಿಶಿನ ಬಿದ್ದ ತಕ್ಷಣವೇ ಆ ಜಾಗವನ್ನು ನೀರಿನಿಂದ ತೊಳೆಯಿರಿ. ನಂತರ ಒಣಗಿಸಿ.
* ನೆನಪಿಡಿ ಕಲೆಯಾದ ಜಾಗ ಚೆನ್ನಾಗಿ ಉಜ್ಜುವುದರಿಂದ ಕಲೆ ಹರಡುತ್ತದೆ.
*ಹ್ಯಾಂಡ್ ಸ್ಯಾನಿಟೈಸರ್ ಅನ್ನು ಬಳಸಿ. ಇದು ಆಲ್ಕೋಹಾಲ್ ಅನ್ನು ಹೊಂದಿರುತ್ತದೆ. ಕಲೆಯಾದ ಪ್ರದೇಶದಲ್ಲಿ ಬಣ್ಣವನ್ನು ತೊಡೆದು ಹಾಕಲು ಕೆಲಸ ಮಾಡುತ್ತದೆ.
*ಯಾವುದೇ ಲಿಕ್ವಿಡ್ ಡಿಟರ್ಜೆಂಟ್ ಅನ್ನು ನೇರವಾಗಿ ಕಲೆಯಾದ ಜಾಗಕ್ಕೆ ಹಚ್ಚಿ, 10 ನಿಮಿಷಗಳ ಕಾಲ ಬಿಡಿ. ತೊಳೆಯುವ ಮೊದಲು ನಿಧಾನವಾಗಿ ಉಜ್ಜಿ. ಇದಕ್ಕಾಗಿ, ಮೃದುವಾದ ಬ್ರಿಸ್ಟಲ್ ಟೂತ್ ಬ್ರಷ್ ಅಥವಾ ಆರ್ದ್ರ ಟವೆಲ್ ಬಳಸಿ, ಒಣಗಿಸಿ.
*ಸಾಧ್ಯವಾದರೆ, ನೈಸರ್ಗಿಕ ಬ್ಲೀಚಿಂಗ್ ಶಕ್ತಿ ಹೊಂದಿರುವ ಸೂರ್ಯನ ಬೆಳಕಿನಲ್ಲಿ ಒಣಗಲು ಬಿಡಿ. ಸೂರ್ಯನ ಬೆಳಕು ಎಷ್ಟು ಶಕ್ತಿಯುತವಾಗಿದೆ ಎಂದರೆ ಅದು ಬಟ್ಟೆಯ ಬಣ್ಣವನ್ನು ಸಹ ತೆಗೆಯುತ್ತದೆ.