ನವದೆಹಲಿ: ನಿನ್ನೆ (ಏಪ್ರಿಲ್ 16) ಕೋಲ್ಕತ್ತ ನೈಟ್ ರೈಡರ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡ ಸೂಪರ್ ಗೆಲುವು ಸಾಧಿಸಿದೆ. 224 ರನ್ಗಳ ಬೃಹತ್ ಗುರಿಯನ್ನು ರಾಜಸ್ಥಾನ ಚೇಸ್ ಮಾಡಿತು. ಕೆಕೆಆರ್ ಪರ ಸುನೀಲ್ ನರೇನ್ ಆರಂಭಿಕರಾಗಿ ಕಣಕ್ಕಿಳಿದು ಶತಕ ಸಿಡಿಸಿದರೆ, ರಾಜಸ್ಥಾನದ ಆರಂಭಿಕ ಆಟಗಾರ ಜೋಸ್ ಬಟ್ಲರ್ ಕೂಡ ಶತಕ ಬಾರಿಸಿ ಆರ್ಆರ್ಗೆ ಅದ್ಭುತ ಜಯ ತಂದುಕೊಟ್ಟರು. ಈ ಪಂದ್ಯದ ಗೆಲುವಿನ ಬಳಿಕ ರಾಜಸ್ಥಾನ ರಾಯಲ್ಸ್ ತಂಡದ ಆಟಗಾರರ ಸಂಭ್ರಮದ ಬಗ್ಗೆ ಹಾಸ್ಯ ಚಟಾಕಿಯನ್ನು ಹಾರಿಸಲಾಗುತ್ತಿದೆ. ಅದರಲ್ಲೂ ಮುಖ್ಯವಾಗಿ, ತಂಡದ ಸ್ಟಾರ್ ವೇಗಿ ಅವೇಶ್ ಖಾನ್ ಸಂಭ್ರಮಾಚರಣೆಗೆ ಬಗ್ಗೆ ಕ್ರಿಕೆಟ್ ಪರಿಣತರು ಕೂಡ ಪ್ರತಿಕ್ರಿಯಿಸಿದ್ದಾರೆ. ಏಕೆಂದರೆ ನಿನ್ನೆಯ ಪಂದ್ಯದಲ್ಲಿ ಅವೇಶ್ ಖಾನ್ ಹೆಲ್ಮೆಟ್ ಧರಿಸಿ ಬಂದಿರಲಿಲ್ಲ. ಹೆಲ್ಮೆಟ್ ಇಲ್ಲದೆಯೇ ಜೋಸ್ ಬಟ್ಲರ್ ಅವರೊಂದಿಗೆ ಗೆಲುವನ್ನು ಆಚರಿಸಿದರು.
