ಕೋಲ್ಕತ: ಕೋವಿಡ್ನಿಂದಾಗಿ ಮುಂದೂಡಿಕೆಯಾಗಿದ್ದ 14ನೇ ಆವೃತ್ತಿಯ ಐಪಿಎಲ್ನ ಉಳಿಕೆ ಪಂದ್ಯಗಳಿಗೆ ಬಿಸಿಸಿಐ ಮುಹೂರ್ತ ಫಿಕ್ಸ್ ಮಾಡಿದೆ. ಮುಂದಿನ ಸೆಪ್ಟೆಂಬರ್ ಹಾಗೂ ಅಕ್ಟೋಬರ್ನಲ್ಲಿ ಯುಎಇಯಲ್ಲಿ ಉಳಿದ 31 ಪಂದ್ಯಗಳು ನಡೆಯಲಿವೆ. ಆದರೆ, ಲೀಗ್ಗೆ ವಿದೇಶಿ ಆಟಗಾರರು ಪೂರ್ಣಪ್ರಮಾಣದಲ್ಲಿ ಲಭ್ಯರಾಗುವುದು ಅನುಮಾನ ಮೂಡಿಸಿದೆ. ಈಗಾಗಲೇ ಇಂಗ್ಲೆಂಡ್ ಆಟಗಾರರು ಐಪಿಎಲ್ ಭಾಗ-2ಕ್ಕೆ ಲಭ್ಯವಿಲ್ಲ ಎಂದು ಹೇಳಲಾಗಿದೆ. ಅದೇ ರೀತಿ ಕೋಲ್ಕತ ನೈಟ್ ರೈಡರ್ಸ್ ತಂಡದ ಪ್ರಮುಖ ವೇಗಿ ಪ್ಯಾಟ್ ಕಮ್ಮಿನ್ಸ್ ಕೂಡ ಹೊರಗುಳಿಯುವುದು ಅಧಿಕೃತವಾಗಿ ಖಾತ್ರಿಯಾಗಿದೆ. ಪ್ರಮುಖ ವೇಗಿಯ ಅಲಭ್ಯತೆ ಕೆಕೆಆರ್ ತಂಡಕ್ಕೆ ಹಿನ್ನಡೆಯುಂಟು ಮಾಡಿದೆ.
ಇದನ್ನೂ ಓದಿ: ದೇಶದ ಪ್ರತಿಷ್ಠಿತ ನಗರಗಳಲ್ಲಿ ಮನೆ ಖರೀದಿಸಿದ್ದಾರೆ ಎಂಎಸ್ ಧೋನಿ..,
ಆಸ್ಟ್ರೆಲಿಯಾದ ಪ್ರಮುಖ ದಿನ ಪತ್ರಿಕೆ ಸಿಡ್ನಿ ಮಾನಿರ್ಂಗ್ ಹೆರಾಲ್ಡ್, ಪ್ಯಾಟ್ ಕಮ್ಮಿನ್ಸ್ ಅಲಭ್ಯತೆಯನ್ನು ಖಚಿತಪಡಿಸಿದೆ. ಕಮ್ಮಿನ್ಸ್ ಐಪಿಎಲ್ಗೆ ವಾಪಸಾಗುವುದಿಲ್ಲ ಎಂದು ವರದಿ ಮಾಡಿದೆ. ವೇಗದ ಬೌಲಿಂಗ್ ವಿಭಾಗದಲ್ಲಿ ತಂಡದ ಪ್ರಮುಖ ಅಸ್ತ್ರವಾಗಿದ್ದರು. ಇದೀಗ ಅಲಭ್ಯತೆಯಿಂದಾಗಿ ಕಮ್ಮಿನ್ಸ್ ಕೇವಲ ಅರ್ಧ ಸಂಭಾವನೆಯಷ್ಟೆ ಪಡೆಯಲಿದ್ದಾರೆ. ಕಮ್ಮಿನ್ಸ್ ಅವರನ್ನು ಕೆಕೆಆರ್ ತಂಡದ ಕಳೆದ ವರ್ಷ 15.5 ಕೋಟಿ ರೂಪಾಯಿಗೆ ಕೆಕೆಆರ್ ತಂಡ ಕೊಂಡುಕೊಂಡಿತ್ತು.
ಇದನ್ನೂ ಓದಿ: ಡಬ್ಲ್ಯುಟಿಸಿ ಫೈನಲ್‌ನಲ್ಲಿ ಟೀಮ್ ಇಂಡಿಯಾ ಆಟಗಾರರು ತೊಡುವ ಸ್ವೆಟರ್ ಹಾಗೂ ಜೆರ್ಸಿ ಶೈಲಿ ಹೇಗಿದೆ ಗೊತ್ತೇ?,
ಕಳೆದ ವರ್ಷದ ಲೀಗ್ನಲ್ಲಿ ಕಮ್ಮಿನ್ಸ್ 12 ವಿಕೆಟ್ ಕಬಳಿಸಿದ್ದರೆ, ಈ ವರ್ಷ 9 ವಿಕೆಟ್ ಕಬಳಿಸಿದ್ದರು. ಕಮ್ಮಿನ್ಸ್ ಅಲ್ಲದೆ, ನಾಯಕ ಇವೊಯಿನ್ ಮಾರ್ಗನ್ ಕೂಡ ಕೆಕೆಆರ್ ತಂಡಕ್ಕೆ ಅಲಭ್ಯರಾಗಲಿದ್ದಾರೆ.