ಬೆಳಗಾವಿ: ಮನೆಯ ಬಳಿಯೇ ಆಡುತ್ತಿದ್ದ ಮಕ್ಕಳನ್ನು ಹಾಡುಹಗಲೇ ಕಿಡ್ನಾಪ್ ಮಾಡಲು ದುಷ್ಕರ್ಮಿಗಳ ಗುಂಪೊಂದು ಯತ್ನಿಸಿರುವ ಪ್ರಸಂಗ ಬೆಳಗಾವಿ ಜಿಲ್ಲೆಯಿಂದ ವರದಿಯಾಗಿದೆ. ಸ್ಥಳೀಯ ಜನರ ಸಮಯಪ್ರಜ್ಞೆಯಿಂದ ಯತ್ನ ವಿಫಲವಾಗಿದ್ದರೂ, ಈ ಘಟನೆಯಿಂದ ಗ್ರಾಮಸ್ಥರು ಬೆಚ್ಚು ಬಿದ್ದಿದ್ದಾರೆ.
ಬೆಳಗಾವಿ ತಾಲೂಕಿನ ಕಂಗ್ರಾಳಿ ಬಿ.ಕೆ.ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಆಟವಾಡುತ್ತಿದ್ದ ಮಕ್ಕಳನ್ನು ಟಾರ್ಗೆಟ್ ಮಾಡಿ ಕಳ್ಳತನ ಮಾಡಲು ದುಷ್ಕರ್ಮಿಗಳ ಗ್ಯಾಂಗ್ ಒಂದು ಯತ್ನಿಸಿದೆ. ಏಳು ವರ್ಷ ಮತ್ತು ಐದು ವರ್ಷದ ಬಾಲಕಿಯರಿಗೆ ಚಾಕೊಲೇಟ್ ಕೊಡ್ತೇನಿ ಬಾ ಅಂತ ಹೊತ್ತೊಯ್ಯುತ್ತಿದ್ದರು. ಓಮಿನಿ ವ್ಯಾನ್ನಲ್ಲಿ ಬಂದಿದ್ದ ನಾಲ್ವರು ಮಕ್ಕಳನ್ನು ವ್ಯಾನಿನಲ್ಲಿ ಹಾಕಿಕೊಂಡಿದ್ದರು. ಸ್ಥಳೀಯರು ಗಮನಿಸಿ ಕಿರುಚುತ್ತಿದ್ದಂತೆ ಮಕ್ಕಳನ್ನು ಬಿಟ್ಟು ಓಡಿ ಹೋದರು ಎನ್ನಲಾಗಿದೆ.
ಇದನ್ನೂ ಓದಿ: ಪತಿಗೂ ಧೋತಿ ತೊಡಿಸಿ, ಸೀರೆಯುಟ್ಟು ನಟಿ ಪ್ರಿಯಾಂಕಾ ಲಕ್ಷ್ಮೀಪೂಜೆ: ನೆಟ್ಟಿಗರಿಂದ ಅಭಿನಂದನೆಗಳ ಮಹಾಪೂರ
ಈ ಪುಟಾಣಿ ಸೋದರಿಯರು ಉಮೇಶ್ ಕಾಂಬ್ಳೆ ಎಂಬುವವರ ಮಕ್ಕಳಾಗಿದ್ದಾರೆ. ಕಾಕತಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದ್ದು, ಪೊಲೀಸರು ಎಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ.
ಸಾಲಬಾಧೆಗೆ ಬೇಸತ್ತು ಸಾವಿನ ಹಾದಿ ಹಿಡಿದ ಸಾರಿಗೆ ನೌಕರ; ಕೊನೆಗೂ ಉಳಿಯಲಿಲ್ಲ
ಬಿಗಡಾಯಿಸಿದ ರಾಜಧಾನಿಯ ವಾಯು ಪರಿಸರ; ದೀಪಾವಳಿ ಪಟಾಕಿಗಳಿಂದ ಮತ್ತಷ್ಟು ಮಾಲಿನ್ಯ