‘ನೀವೆಲ್ಲ ಖುಷಿಯಾದ್ರಾ?’: ಕ್ರಿಕೆಟಿಗ ವಕಾರ್ ಯೂನಸ್ ಸಿಟ್ಟಾಗಿ ಹೀಗಂದಿದ್ದೇಕೆ?

ನವದೆಹಲಿ: ಪಾಕಿಸ್ತಾನ್ ಕ್ರಿಕೆಟ್ ಬೋರ್ಡ್ (ಪಿಸಿಬಿ) ಚೀಫ್ ಆಪರೇಟಿಂಗ್ ಆಫೀಸರ್​ ಸಲ್ಮಾನ್​ ನಸೀರ್​ ಹಾಗೂ ಪಾಕ್ ಕ್ರಿಕೆಟ್ ತಂಡದ ನಾಯಕ ಬಾಬರ್ ಅಜಮ್ ನಡುವಿನ ಖಾಸಗಿ ಚಾಟ್​ ಬಹಿರಂಗಗೊಂಡಿದ್ದು, ಅದು ಪಾಕಿಸ್ತಾನದ ಮಾಜಿ ಕೋಚ್, ಖ್ಯಾತ ಕ್ರಿಕೆಟಿಗ್ ವಕಾರ್ ಯೂನಸ್ ಅವರನ್ನು ಸಿಟ್ಟಿಗೆಬ್ಬಿಸಿದೆ.

ಅವರಿಬ್ಬರ ನಡುವಿನ ಮಾತುಕತೆಯ ಕುರಿತ ವಿವರ ವಾಹಿನಿಯೊಂದರ ಟಾಕ್​ಶೋನಲ್ಲಿ ಪ್ರಸಾರವಾಗಿ ಬಹಳಷ್ಟು ಜನರ ಗಮನ ಸೆಳೆದಿದೆ. ಈ ವಿಚಾರ ಬಳಿಕ ವಕಾರ್ ಯೂನಸ್ ಗಮನಕ್ಕೂ ಬಂದಿದ್ದು, ಅವರನ್ನು ಕೋಪಗೊಳ್ಳುವಂತೆ ಮಾಡಿದೆ.

ಅಫ್ಘಾನಿಸ್ತಾನ ತಂಡದ ಎದುರು ಪಾಕ್ ತಂಡದ ಸೋಲಿನ ಬಳಿಕ ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ ಮುಖ್ಯಸ್ಥ ಜಾಕಾ ಅಶ್ರಫ್ ತಂಡದ ನಾಯಕ ಬಾಬರ್ ಅಜಮ್ ಕರೆಗೆ ಪ್ರತಿಕ್ರಿಯಿಸುತ್ತಿಲ್ಲ ಎಂಬ ವಿವಾದಕ್ಕೆ ಕುರಿತಂತೆ ಬಾಬರ್ ಅಜಮ್ ಮತ್ತು ಸಲ್ಮಾನ್ ನಸೀರ್ ಮಧ್ಯೆ ನಡೆದ ಮಾತುಕತೆಗೆ ಸಂಬಂಧಿಸಿದ ಚಾಟ್ ಈ ಟಾಕ್​ ಶೋನಲ್ಲಿ ಪ್ರಸಾರವಾಗಿತ್ತು.

ಇದನ್ನೂ ಓದಿ: ಇನ್ನೊಂದೆರಡು ವರ್ಷ ಅತಿಯಾಗಿ ಕೆಲಸ ಮಾಡಬೇಡಿ: ಆರೋಗ್ಯ ಸಚಿವರ ಸಲಹೆ!

‘ನೀವು ಚೇರ್ಮನ್​ಗೆ ಕರೆ ಮಾಡಿದ್ದೀರಿ, ಅವರು ಉತ್ತರಿಸಲಿಲ್ಲ ಎಂಬ ಸುದ್ದಿ ಟಿವಿ ಹಾಗೂ ಸೋಷಿಯಲ್ ಮೀಡಿಯಾಗಳಲ್ಲಿ ಹರಿದಾಡುತ್ತಿದೆ’ ಎಂಬುದಾಗಿ ಸಲ್ಮಾನ್ ಬಾಬರ್​ಗೆ ಮಾಡಿದ್ದ ಮೆಸೇಜ್ ಮತ್ತು ಅದಕ್ಕೆ ಬಾಬರ್ ಪ್ರತಿಕ್ರಿಯೆಗಳ ಸ್ಕ್ರೀನ್​ಶಾಟ್​​ಗಳನ್ನು ಈ ಟಾಕ್​ ಶೋನಲ್ಲಿ ಪ್ರಸಾರ ಮಾಡಲಾಗಿತ್ತು. ಅದಕ್ಕೆ ಬಾಬರ್, ‘ಸಲಾಮ್ ಸಲ್ಮಾನ್ ಭಾಯ್, ನಾನು ಆ ಥರ ಯಾವುದೇ ಕರೆ ಮಾಡಿಲ್ಲ’ ಎಂಬ ರಿಪ್ಲೈ ಮಾಡಿದ್ದ ಚಾಟ್​ ಕೂಡ ಪ್ರಸಾರ ಮಾಡಲಾಗಿತ್ತು.

ಇದನ್ನೂ ಓದಿ: ಹಾಲು ಕುಡಿಯಲು ಯಾವ ಸಮಯ ಉತ್ತಮ?: ಆಯುರ್ವೇದ ಏನು ಹೇಳುತ್ತದೆ?

ಈ ಕುರಿತ ಟಾಕ್​ ಶೋ ವೀಡಿಯೋ ತುಣುಕನ್ನು ಸೋಷಿಯಲ್ ಮೀಡಿಯಾ ಎಕ್ಸ್​ನಲ್ಲಿ ಒಬ್ಬರು ಹಂಚಿಕೊಂಡಿದ್ದು, ಅದಕ್ಕೆ ವಕಾರ್ ಯೂನಸ್ ಪ್ರತಿಕ್ರಿಯೆ ನೀಡಿ ಕೋಪ ವ್ಯಕ್ತಪಡಿಸಿದ್ದಾರೆ. ‘ನೀವೆಲ್ಲ ಏನು ಸಾಬೀತು ಮಾಡಲು ಹೊರಟಿದ್ದೀರಿ? ಖುಷಿಯಾದ್ರಾ ನೀವೆಲ್ಲ? ಇದು ಅತಿಯಾಯ್ತು, ದಯವಿಟ್ಟು ಬಾಬರ್ ಅಜಮ್​ನನ್ನು ಬಿಟ್ಟುಬಿಡಿ, ಆತ ಪಾಕಿಸ್ತಾನ ಕ್ರಿಕೆಟ್ ತಂಡದ ಆಸ್ತಿ’ ಎಂದು ಎಕ್ಸ್​ನಲ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ.

Ya kya Karna ki koshish kar raha ho aap loog??? This is pathetic !!!
Khush ho gaya aap loog. Please leave @babarazam258 alone 🙏🏽. He’s an asset of Pakistan Cricket @TheRealPCB @ARYNEWSOFFICIAL @Salman_ARY https://t.co/pcM90yUGqy

— Waqar Younis (@waqyounis99) October 30, 2023

ಫ್ರೆಷರ್ಸ್​ಗೆ ಹೋಲಿಸಿದ್ರೆ ಇನ್​ಫೊಸಿಸ್ ಸಿಇಒ ಸಂಬಳ 2,200 ಪಟ್ಟು ಹೆಚ್ಚು!; ಅವರು ಎಷ್ಟು ಗಂಟೆ ಕೆಲಸ ಮಾಡ್ತಾರೆ?

ಸಾಫ್ಟ್​ವೇರ್​ ಉದ್ಯೋಗ: ಫ್ರೆಷರ್ಸ್​ಗೆ ಭಾರತದಲ್ಲೇ ಕಡಿಮೆ ಸಂಬಳ, ಜಾಸ್ತಿ ಕೆಲಸ!