ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಬಗ್ಗೆ ಎಲ್ಲೆಡೆ ಕುತೂಹಲ ಇದೆ. ಆದರೆ, ಆಂಧ್ರದಲ್ಲಿ ಮೊದಲ ಚಾಪ್ಟರ್ಗೂ ಹೆಚ್ಚಿನ ಬೇಡಿಕೆ ಇದೆ. ಅರೇ, ಈಗಾಗಲೇ ಅಮೆಜಾನ್ ಪ್ರೈಂನಲ್ಲಿ ತೆಲುಗು ಭಾಷೆಯಲ್ಲಿಯೇ ಸಿನಿಮಾ ಇದೆಯಲ್ಲ ಮತ್ಯಾಕೆ ಬೇಡಿಕೆ? ವಿಷಯ ಇರುವುದೇ ಇಲ್ಲಿ. ಕನ್ನಡದ ಜತೆಗೆ ಹಿಂದಿ, ತೆಲುಗು, ತಮಿಳು, ಮಲಯಾಳಂ ಭಾಷೆಗಳಲ್ಲಿ ಕೆಜಿಎಫ್ ತೆರೆಕಂಡಿದೆ. ಬಳಿಕ ಟಿವಿಗಳಲ್ಲೂ ಪ್ರಸಾರವಾಗಿದೆ. ಆದರೆ, ತೆಲುಗು ಅವತರಣಿಕೆಯೊಂದನ್ನು ಬಿಟ್ಟು! ಇದೀಗ ಸುದೀರ್ಘ ಎರಡು ವರ್ಷದ ಬಳಿಕ ತೆಲುಗು ಕಿರುತೆರೆಯಲ್ಲಿ ಕೆಜಿಎಫ್ಗೆ ಬಿಡುಗಡೆ ಭಾಗ್ಯ ಸಿಕ್ಕಿದೆ.
ಇದನ್ನೂ ಓದಿ: ವಿಜಯ್ಗೆ ವಿಶೇಷ ರೀತಿಯಲ್ಲಿ ಹುಟ್ಟುಹಬ್ಬದ ಶುಭಾಶಯ ಹೇಳಿದ ಕೀರ್ತಿ!
ಟಿವಿ ಹಕ್ಕುಗಳ ವಿಚಾರದಲ್ಲಿ ನಿರ್ಮಾಪಕರ ಮತ್ತು ತೆಲುಗು ವಿತರಕರ ನಡುವಿನ ಮಾತುಕತೆ ಅಂತಿಮ ಆಗಿರಲಿಲ್ಲ. ಒಂದಷ್ಟು ಕಾರಣಕ್ಕೆ ಅದು ಮುಂದೂಡುತ್ತಲೇ ಬಂದಿತ್ತು. ಬೇರೆ ಬೇರೆ ಭಾಷೆಗಳಲ್ಲಿ ಸಿನಿಮಾ ಪ್ರದರ್ಶನವಾದಾಗ, ತೆಲುಗಿನಲ್ಲಿ ಕೆಜಿಎಫ್ ಸಿನಿಮಾ ಯವಾಗ ಎಂದು ಅಭಿಮಾನಿಗಳು ಜಾಲತಾಣದಲ್ಲಿ ಪ್ರಶ್ನೆಗಳ ಮಹಾಪೂರವನ್ನೇ ಹರಿಸಿದ್ದರು. ಆದರೆ, ಚಿತ್ರತಂಡದಿಂದ ಯಾವುದೇ ಪ್ರತಿಕ್ರಿಯೆ ಬಂದಿರಲಿಲ್ಲ. ಕೊನೆಗೆ ಆ ಒಂದು ಘಟನೆಯಿಂದ ಸಿನಿಮಾ ಬಿಡುಗಡೆಗೆ ಅವಕಾಶ ಸಿಕ್ಕಿತು.
ಇದನ್ನೂ ಓದಿ: ಸುದೀಪ್ ಆಯ್ತು ಈಗ ದರ್ಶನ್ ಸರದಿ: ದಚ್ಚು ವಾಸವಿರೋ ಅಪಾರ್ಟ್ಮೆಂಟ್ನಲ್ಲಿ ಕರೊನಾ ಪತ್ತೆ
Most Awaited Blockbuster #KGF Coming Soon On @StarMaa#KGFonStarMaa #StaySafeStayStrong #MaaPrayatnamManaKosam pic.twitter.com/N44RQI7rw2
— starmaa (@StarMaa) June 23, 2020
ಕಳೆದ ತಿಂಗಳು ಆಂಧ್ರದಲ್ಲಿ ಅಲ್ಲಿನ ಲೋಕಲ್ ವಾಹಿನಿಯಲ್ಲಿ ಕೆಜಿಎಫ್ ಸಿನಿಮಾ ಪ್ರಸಾರ ಕಂಡಿತ್ತು. ಇದನ್ನು ಅಭಿಮಾನಿಯೊಬ್ಬ ಸೋಷಿಯಲ್ ಮೀಡಿಯಾದಲ್ಲಿ ಫೋಟೋ ಸಮೇತ ಶೇರ್ ಮಾಡಿ, ಚಿತ್ರತಂಡದ ಗಮನಕ್ಕೆ ತಂದಿದ್ದ. ತಂಡದ ಅನುಮತಿ ಪಡೆಯದೇ, ಪ್ರಸಾರ ಮಾಡಿದ್ದಕ್ಕೆ ಕಾನೂನು ರೀತಿ ಕ್ರಮ ಕೈಗೊಳ್ಳುವುದಾಗಿ ಹೇಳಿಕೊಂಡಿತ್ತು. ಜತೆಗೆ ಶೀಘ್ರದಲ್ಲಿ ತೆಲುಗುನಲ್ಲಿ ಸಿನಿಮಾ ಪ್ರೀಮಿಯರ್ ಆಗಲಿದೆ ಎಂದೂ ಕಾರ್ಯಕಾರಿ ನಿರ್ಮಾಪಕ ಕಾರ್ತಿಕ್ ಗೌಡ ಹೇಳಿದ್ದರು. ಅದರಂತೆ ಸ್ಟಾರ್ ಮಾ ವಾಹಿನಿಯಲ್ಲಿ ಪ್ರೋಮೋ ಬಿತ್ತರವಾಗುತ್ತಿದ್ದು, ಯಾವಾಗ ಪ್ರಸಾರ ಎಂಬುದನ್ನು ಮುಂದಿನ ದಿನಗಳಲ್ಲಿ ಹೇಳಿಕೊಳ್ಳಲಿದೆ.
PHOTOS| ಬರ್ತಡೇ ಖುಷಿಯಲ್ಲಿರೋ ಜೊತೆ ಜೊತೆಯಲಿ ಖ್ಯಾತಿಯ ಮೀರಾ ನಿಜ ಜೀವನದಲ್ಲೂ ತುಂಬಾ ಬೋಲ್ಡ್ !
ಶಾರೂಖ್ಗೆ ರಾಷ್ಟ್ರ ಪ್ರಶಸ್ತಿ ಏಕೆ ಬರಲಿಲ್ಲ? ಅಭಿಮಾನಿಗಳು ಹೇಳ್ತಾರೆ ಕೇಳಿ …