ಹೈದರಾಬಾದ್: ‘ಕೆಜಿಎಫ್ 2’ ಚಿತ್ರದಲ್ಲಿನ ತಮ್ಮ ಭಾಗದ ಚಿತ್ರೀಕರಣವನ್ನು ಸಂಜಯ್ ದತ್ ಮುಗಿಸಿದ್ದಾರೆ ಮತ್ತು ಈ ಮೂಲಕ ಚಿತ್ರದ ಹೈದರಾಬಾದ್ ಭಾಗದ ಚಿತ್ರೀಕರಣ ಶನಿವಾರ ರಾತ್ರಿಯಷ್ಟೇ ಮುಗಿದಿದೆ ಎಂಬ ಸುದ್ದಿಯೊಂದು ಇತ್ತೀಚೆಗೆ ಬಂದಿತ್ತು. ಇದೀಗ ಚಿತ್ರದ ಮೊದಲ ಟೀಸರ್ ಜನವರಿ 08ಕ್ಕೆ ಬಿಡುಗಡೆಯಾಗಲಿದೆ ಎಂದು ನಿರ್ದೇಶಕ ಪ್ರಶಾಂತ್ ನೀಲ್ ಘೋಷಿಸಿದ್ದಾರೆ.
ಇದನ್ನೂ ಓದಿ: ರೈ ನಾನೇ ಮಾಡುತ್ತೇನೆ; ‘ಎಂಆರ್’ ಚಿತ್ರ ಕೈಬಿಡುವಂತೆ ಪದ್ಮನಾಭ್ ಆಗ್ರಹ
ಕೆಲವೇ ದಿನಗಳ ಹಿಂದಷ್ಟೇ ಡಿಸೆಂಬರ್ 21ರ ಸೋಮವಾರದಂದು ಚಿತ್ರದ ಕುರಿತಾಗಿ ಒಂದು ಘೋಷಣೆ ಮಾಡುವುದಾಗಿ ಅವರು ಹೇಳಿದ್ದರು. ಅದರಂತೆ, ಇಂದು ಬೆಳಿಗ್ಗೆ ಚಿತ್ರದ ಇನ್ನೊಂದು ಹೊಸ ಪೋಸ್ಟರ್ ಬಿಡುಗಡೆಯಾಗಿದ್ದು, ಅದರ ಜೊತೆಗೆ, ಜನವರಿ 08ರಂದು ಟೀಸರ್ ಬಿಡುಗಡೆ ಮಾಡುವುದಾಗಿ ಅವರು ಹೇಳಿಕೊಂಡಿದ್ದಾರೆ.
ಹಾಗೆ ನೋಡಿದರೆ, ಇದು ಹೊಸ ವಿಷಯವೇನೂ ಅಲ್ಲ. ಜನವರಿ 08ರಂದು ‘ರಾಕಿಂಗ್ ಸ್ಟಾರ್’ ಯಶ್ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದು, ಈ ಸಂದರ್ಭದಲ್ಲಿ ಚಿತ್ರದ ಟೀಸರ್ ಬಿಡುಗಡೆ ಆಗುತ್ತದೆ ಎಂಬ ವಿಷಯ ಮುಂಚೆಯೇ ಕೇಳಿಬಂದಿತ್ತು. ಅದನ್ನು ಪ್ರಶಾಂತ್ ನೀಲ್, ಇದೀಗ ಅಧಿಕೃತ ಮಾಡಿದ್ದಾರೆ ಅಷ್ಟೇ.
ಇನ್ನು, ಕಳೆದ ಕೆಲವು ದಿನಗಳಿಂದ ಹೈದರಾಬಾದ್ನಲ್ಲಿ ‘ಕೆಜಿಎಫ್ 2’ ಚಿತ್ರದ ಕ್ಲೈಮ್ಯಾಕ್ಸ್ ಚಿತ್ರದ ಚಿತ್ರೀಕರಣ ನಡೆಯುತ್ತಿತ್ತು. ಆ ಫೈಟ್ ಇದೀಗ ಮುಗಿದಿದೆ. ಇನ್ನು ಒಂದು ದಿವಸದ ಪ್ಯಾಚ್ವರ್ಕ್ ಅಷ್ಟೇ ಬಾಕಿ ಉಳಿದಿದ್ದು, ಸದ್ಯದಲ್ಲೇ ಚಿತ್ರಕ್ಕೆ ಕುಂಬಳಕಾಯಿ ಒಡೆಯಲಾಗುತ್ತದೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ತಮಿಳಿಗೆ ಸತೀಶ್ ನೀನಾಸಂ; ನಾಡೋಡಿಗಳ್ ಶಶಿಕುಮಾರ್ ಜತೆ ನಟನೆ
‘ಕೆಜಿಎಫ್ 2’ ಚಿತ್ರದಲ್ಲಿ ಯಶ್ ಜತೆಗೆ ಶ್ರೀನಿಧಿ ಶೆಟ್ಟಿ, ರವೀನಾ ಟಂಡನ್, ಸಂಜಯ್ ದತ್, ಹರೀಶ್ ರೈ ಮುಂತಾದವರು ನಟಿಸಿದ್ದು, ಚಿತ್ರಕ್ಕೆ ಕಥೆ-ಚಿತ್ರಕಥೆ ಬರೆಯುವುದರ ಜತೆಗೆ ನಿರ್ದೇಶನ ಮಾಡಿದ್ದಾರೆ ಪ್ರಶಾಂತ್ ನೀಲ್. ಈ ಚಿತ್ರವನ್ನು ಹೊಂಬಾಳೆ ಪ್ರೊಡಕ್ಷನ್ಸ್ ಬ್ಯಾನರ್ನಡಿ ವಿಜಯ್ಕುಮಾರ್ ಕಿರಗಂದೂರು ನಿರ್ಮಿಸುತ್ತಿದ್ದು, ಚಿತ್ರಕ್ಕೆ ರವಿ ಬಸ್ರೂರು ಸಂಗೀತ ಸಂಯೋಜಿಸಿದ್ದಾರೆ.
ಹೊಸ ‘ಹೋಪ್’ನಲ್ಲಿ ಶ್ವೇತಾ ಶ್ರೀವಾತ್ಸವ್; ನಾಲ್ಕು ವರ್ಷಗಳ ನಂತರ ಮರಳಿ ನಟನೆಗೆ…