ಬಾಲಿವುಡ್ ನಟಿ ಕರೀನಾ ಕಪೂರ್ ಮತ್ತೆ ಸಿನಿಮಾ ಕಡೆ ಮುಖ ಮಾಡಿದ್ದಾರೆ. ಎರಡನೇ ಮಗುವಿನ ಸಲುವಾಗಿ ಕೊಂಚ ನಟನೆಯಿಂದ ಅಂತರ ಕಾಯ್ದುಕೊಂಡಿದ್ದ ಅವರು, ಇದೀಗ ಮತ್ತೆ ಬಣ್ಣ ಹಚ್ಚಲು ತಯಾರಿ ನಡೆಸಿದ್ದಾರೆ. ವಿಶೇಷ ಏನೆಂದರೆ, ಈ ಮೊದಲು ಪಡೆಯುತ್ತಿದ್ದ ಸಂಭಾವನೆಗಿಂತ ಹೆಚ್ಚಿನ ಮೊತ್ತವನ್ನೇ ಕರೀನಾ ಪಡೆಯುತ್ತಿರುವುದು ವಿಶೇಷ. ಹೌದು, ಅಲೌಕಿಕ್ ದೇಸಾಯಿ ನಿರ್ದೇಶನದಲ್ಲಿ ಸಿದ್ಧವಾಗಲಿರುವ ‘ಸೀತೆ’ ಚಿತ್ರದಲ್ಲಿ ಕರೀನಾ ಟೈಟಲ್ ರೋಲ್ ಮಾಡಲಿದ್ದಾರೆ ಎಂಬುದು ಈ ಹಿಂದೆಯೇ ಸುದ್ದಿಯಾಗಿತ್ತು. ಇದೀಗ ಸಂಭಾವನೆ ವಿಚಾರವಾಗಿ ಈ ಚಿತ್ರ ಸದ್ದು ಮಾಡುತ್ತಿದೆ.
ಈ ಸಿನಿಮಾದಲ್ಲಿ ನಟಿಸಲು ಬರೋಬ್ಬರಿ 12 ಕೋಟಿ ರೂ. ಡಿಮಾಂಡ್ ಮಾಡಿದ್ದಾರಂತೆ ಕರೀನಾ! ಇಲ್ಲಿಯವರೆಗೂ ಒಂದು ಸಿನಿಮಾಕ್ಕೆ ಏನಿಲ್ಲ ಅಂದರೂ 6ರಿಂದ 8 ಕೋಟಿ ಸಂಭಾವನೆ ಪಡೆಯುತ್ತಿದ್ದ ಕರೀನಾ, ‘ಸೀತಾ’ ಚಿತ್ರಕ್ಕೆ 12 ಕೋಟಿ ಪಡೆಯುವುದಕ್ಕೂ ಬಲವಾದ ಕಾರಣವಿದೆ. ಪೌರಾಣಿಕ ಹಿನ್ನೆಲೆಯ ಸಿನಿಮಾ ಎಂಬುದು ಒಂದೆಡೆಯಾದರೆ, ಅದಕ್ಕಾಗಿ ಸರಿ ಸುಮಾರು ಎಂಟು ತಿಂಗಳ ಕಾಲ್ಶೀಟ್ ಅನ್ನು ನೀಡಿದ್ದಾರಂತೆ. ಹಾಗಾಗಿ, ಇಷ್ಟೊಂದು ದೊಡ್ಡ ಸಂಭಾವನೆಯನ್ನು ಅವರು ಕೇಳಿದ್ದಾರೆ. ಮೊದಲಿಗೆ, ಈಗಾಗಲೇ ಒಪ್ಪಿಕೊಂಡಿರುವ ‘ವೀರೇ ದಿ ವೆಡ್ಡಿಂಗ್ -2’ ಚಿತ್ರದ ಶೂಟಿಂಗ್ ಮುಗಿಸಿ, ಬಳಿಕ ‘ಸೀತೆ’ಗೆ ತಯಾರಿನಡೆಸಲಿದ್ದಾರೆ ಕರೀನಾ. -ಏಜೆನ್ಸೀಸ್