ಮುಂಬೈ: ಸಾಮಾಜಿಕ ಜಾಲತಾಣಗಳಲ್ಲಿ ಸದಾ ಸಕ್ರಿಯವಾಗಿರುವ ಬಾಲಿವುಡ್ ನಟಿ ಕಂಗನಾ ರಣಾವತ್ ಅವರ ತಂದೆ ತಾಯಿಯ ವಿವಾಹ ವಾರ್ಷಿಕೋತ್ಸವವಿಂದು. ಈ ಶುಭ ದಿನದಂದು ಕಂಗನಾ ತನ್ನ ತಂದೆ ತಾಯಿ ಹೇಳಿದ್ದ ಒಂದು ಸುಳ್ಳನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.
ಅವರ ತಂದೆ ತಾಯಿಯದು ಪ್ರೇಮ ವಿವಾಹವಾಗಿತ್ತಂತೆ. ಅಮ್ಮ ಕಾಲೇಜು ಮುಗಿಸಿ ಹೋಗುವಾ ಬಸ್ ಸ್ಟ್ಯಾಂಡ್ನಲ್ಲಿ ನಿಂತಿದ್ದನ್ನು ನೋಡಿದ್ದ ಅಪ್ಪ ಮೊದಲ ನೋಟಕ್ಕೆ ಪ್ರೇಮದ ಬಲೆಗೆ ಸಿಕ್ಕಿದ್ದರಂತೆ. ಅದಾದ ಮೇಲೆ ಪ್ರತಿದಿನ ಅವರಿಗಾಗಿ ಆ ಬಸ್ ಸ್ಟ್ಯಾಂಡ್ಗೆ ಹೋಗುತ್ತಿದ್ದರಂತೆ. ಅವರ ಪ್ರೇಮ ನಿವೇದನೆಯನ್ನು ಕಂಗನಾ ಅವರ ಅಜ್ಜನ ಬಳಿ ಹೋಗಿ ಹೇಳಿದ್ದರಂತೆ. ಆದರೆ ಸಮಾಜದಲ್ಲಿ ಅವರಿಗೆ ಕೆಟ್ಟ ಹೆಸರಿತ್ತು ಎನ್ನುವ ಕಾರಣಕ್ಕೆ ನಿವೇದನೆಯನ್ನು ಮೊದಲಿಗೆ ನಿರಾಕರಿಸಲಾಗಿತ್ತಂತೆ. ಅದಾದ ಮೇಲೆ ಕಂಗನಾ ಅವರ ತಾಯಿಯೇ ಕುಟುಂಬದ ಮನವೊಲಿಸಿ ಪ್ರೇಮ ವಿವಾಹವಾಗಿದ್ದರಂತೆ.
ಆದರೆ ಈ ಯಾವುದೇ ವಿಚಾರವನ್ನು ಅವರು ಮಕ್ಕಳಾದ ಕಂಗನಾ ಅಥವಾ ರಂಗೋಲಿ ಬಳಿ ಹಂಚಿಕೊಂಡಿರಲಿಲ್ಲ. ತಮ್ಮದು ಅರೆಂಜ್ ಮ್ಯಾರೇಜ್ ಎಂದು ಹೇಳಿಕೊಂಡಿದ್ದರಂತೆ. ಈ ರೀತಿ ಅಪ್ಪ ಅಮ್ಮ ನಮ್ಮ ಬಳಿ ಸುಳ್ಳು ಹೇಳಿದ್ದರು. ಆದರೆ ನಮ್ಮ ಅಜ್ಜಿ ನಮಗೆ ನಿಜ ವಿಚಾರವನ್ನು ತಿಳಿಸಿಕೊಟ್ಟರು ಎಂದು ಕಂಗನಾ ಸಾಮಾಜಿಕ ಜಾಲತಾಣಗಳಲ್ಲಿ ಹೇಳಿಕೊಂಡಿದ್ದಾರೆ. (ಏಜೆನ್ಸೀಸ್)
ರಾಜಧಾನಿಗೆ ಲಾಕ್ಡೌನ್ ಶಾಕ್! ಏನಿರತ್ತೆ? ಏನಿರಲ್ಲ? ಇಲ್ಲಿದೆ ಸಂಪೂರ್ಣ ಮಾಹಿತಿ
Kangana Ranawat parents lie