ಮುಂಬೈ: ಬಾಲಿವುಡ್ನ ಖ್ಯಾತ ಕಿರುತೆರೆ ನಟಿ, ಬಿಗ್ ಬಾಸ್ ಸ್ಪರ್ಧಿ ಕಾಮ್ಯಾ ಪಂಜಾಬಿ ಫೆ.10ರಂದು ಪ್ರಿಯತಮ ಶಲಭ್ ಡಂಗ್ ಜತೆ ಸಪ್ತಪದಿ ತುಳಿದಿದ್ದಾರೆ.
ಕಾಮ್ಯಾ ಪಂಜಾಬಿಯವರಿಗೆ ಇದು ಎರಡನೇ ವಿವಾಹ. ಈ ಮೊದಲು ಉದ್ಯಮಿ ಬಂಟಿ ನೇಗಿ ಎಂಬುವರನ್ನು ವರಿಸಿದ್ದರು. 10ವರ್ಷದ ಮಗಳೂ ಇದ್ದಾಳೆ. ಅವರಿಗೆ ವಿಚ್ಚೇದನ ನೀಡಿದ್ದ 40ವರ್ಷದ ಕಾಮ್ಯಾ 2019ರ ಫೆಬ್ರವರಿಯಲ್ಲಿ ಶಲಭ್ ಅವರನ್ನು ಭೇಟಿಯಾಗಿದ್ದರು. ಅವರ ಪರಿಚಯ ಪ್ರೇಮಕ್ಕೆ ತಿರಗಿ, ಪರಸ್ಪರ ಮೆಚ್ಚಿ ಈ ಬಾರಿಯ ಫೆಬ್ರವರಿಯಲ್ಲಿ ವಿವಾಹವಾಗಿದ್ದಾರೆ. ಈ ಜೋಡಿಯ ಅದ್ದೂರಿ ಮದುವೆಗೆ ಹಲವು ಪ್ರಸಿದ್ಧ ಬಾಲಿವುಡ್ ಸೆಲೆಬ್ರಿಟಿಗಳು ಆಗಮಿಸಿದ್ದರು.
ಈಗ ಅವರ ಒಂದನೇ ತಿಂಗಳ ಮದುವೆ ಸಂಭ್ರಮಕ್ಕೆ ಬಣ್ಣಗಳ ಹಬ್ಬ ಹೋಳಿ ಕೂಡ ಜತೆಯಾಗಿದ್ದು ದಂಪತಿಯ ಖುಷಿಯನ್ನು ಡಬಲ್ ಮಾಡಿದೆ. ಇದೇ ಸಂತೋಷದಲ್ಲಿ ಕಾಮ್ಯಾ ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಪತಿಯೊಂದಿಗಿನ ರೊಮ್ಯಾಂಟಿಕ್ ಸನ್ನಿವೇಶದ ಫೋಟೋ ಪೋಸ್ಟ್ ಮಾಡಿಕೊಂಡಿದ್ದಾರೆ.
ಪತಿ ಶಲಭ್ರೊಂದಿಗೆ ಲಿಪ್ ಲಾಕ್ ಮಾಡುತ್ತಿರುವ ಸಖತ್ ಬ್ಯೂಟಿಫುಲ್ ಫೋಟೋವನ್ನು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿರುವ ಕಾಮ್ಯಾ, ನಾನು ಇಷ್ಟು ಅದೃಷ್ಟವಂತಳು ಎಂದು ಯಾವತ್ತೂ ಅಂದುಕೊಂಡಿರಲಿಲ್ಲ. ನಮಗಿರಬ್ಬರಿಗೂ ಮದುವೆಯಾಗಿ ಒಂದು ತಿಂಗಳ ಸಂಭ್ರಮದ ಶುಭಾಶಯಗಳು. ಶಲಭ್ ಐ ಲವ್ ಯೂ ಎಂದು ಕ್ಯಾಪ್ಷನ್ ಬರೆದಿದ್ದಾರೆ. ಅವರಿಬ್ಬರ ಕ್ಯೂಟ್ ಫೋಟೋಕ್ಕೆ ನೆಟ್ಟಿಗರು ಫಿದಾ ಆಗಿದ್ದು, ಇಬ್ಬರಿಗೂ ಹಾರೈಸಿದ್ದಾರೆ.
ಹಾಗೇ ಅವರಿಬ್ಬರೂ ಹೋಳಿ ಆಡಿದ ಎರಡು ಫೋಟೋಗಳನ್ನು ಪೋಸ್ಟ್ ಮಾಡಿ, ಎಲ್ಲರಿಗೂ ಹೋಳಿ ಹಬ್ಬದ ವಿಶಸ್ ತಿಳಿಸಿದ್ದಾರೆ. (ಏಜೆನ್ಸೀಸ್)
ಚೀನಾದಲ್ಲಿ ಕೊರೊನಾಗೆ ಜಿಂಜರ್ ರೋಬೊ ಟ್ರೀಟ್ಮೆಂಟ್..!: ಕೊರೊನಾ ತಡೆಗೆ ಆಸ್ಪತ್ರೆಯಲ್ಲಿ ರೊಬೊಟ್ಗಳ ಬಳಕೆ