ದಾವಣಗೆರೆ: ಹಿರಿಯ ರಂಗಭೂಮಿ ಹಾಗೂ ಚಲನಚಿತ್ರ ನಟ ಮತ್ತು ಜ್ಯೂನಿಯರ್ ರಾಜಕುಮಾರ್ (72) ಎಂದೇ ಜನಪ್ರಿಯರಾಗಿದದ ಕೊಡಗನೂರ ಜಯಕುಮಾರ ಇಂದು ನಿಧನರಾಗಿದ್ದಾರೆ. ಪತ್ನಿ ಹಾಗೂ ಇಬ್ಬರು ಪುತ್ರರನ್ನು ಜಯಕುಮಾರ್ ಅಗಲಿದ್ದಾರೆ.
ಇದನ್ನೂ ಓದಿ: ‘ಆರ್ಆರ್ಆರ್’ ಶೂಟಿಂಗ್ ಶುರು ಆಯ್ತು ಅಂತ ಹೇಳೋಕೆ ಒಂದು ಪ್ರೋಮೋ …
ನೂರಾರು ಚಿತ್ರಗಳಲ್ಲಿ ಮತ್ತು ಧಾರಾವಾಹಿ ಕಂತುಗಳಲ್ಲಿ ಅಭಿನಯಿಸಿದ್ದ ಜಯಕುಮಾರ್ ಅವರು, ಡಾ. ರಾಜಕುಮಾರ್ ಅವರನ್ನು ಅನುಕರಣೆ ಮಾಡುವುದರಲ್ಲಿ ಸಿದ್ಧಹಸ್ತರಾಗಿದ್ದರು. ಅದೇ ಕಾರಣಕ್ಕೆ ಅವರಿಗೆ ಜ್ಯೂನಿಯರ್ ರಾಜಕುಮಾರ್ ಎಂದು ಕರೆಯಲಾಗುತಿತ್ತು.
2019ರಲ್ಲಿ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿಗೆ ಭಾಜನರಾಗಿದ್ದರು. ಅದಲ್ಲದೆ ವರದಪ್ಪ ಪ್ರಶಸ್ತಿಯೂ ಅವರಿಗೆ ಸಿಕ್ಕತ್ತು. ಇದಲ್ಲದೆ ಖಾಸಗೀ ಸಂಘ-ಸಂಸ್ಥೆಗಳು ನೀಡುವ ಹಲವು ಪ್ರಶಸ್ತಿಗಳು ಜಯಕುಮಾರ್ ಅವರಿಗೆ ಸಿಕ್ಕಿತ್ತು.
ಇದನ್ನೂ ಓದಿ: ಪಾಯಲ್ ಮೇಲೆ ಒಂದು ಕೋಟಿ ಮಾನನಷ್ಟ ಕೇಸ್ ಹಾಕಿದ ರಿಚಾ …
ಕಳೆದ ಕೆಲವು ದಿನಗಳಿಂದ ಜಯಕುಮಾರ್ ಅವರು ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದರು ಎಂದು ಹೇಳಲಾಗಿತ್ತು. ಈ ಸಂಬಂಧ ಅವರನ್ನು ನಗರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ, ಹೃದಯಾಘಾತದಿಂದ ಅಸುನೀಗಿದ್ದಾರೆ.