ಮುಂಬೈ: ಶ್ರೀದೇವಿ ಮತ್ತು ಬೋನಿ ಕಪೂರ್ ಅವರ ಮುದ್ದಿನ ಮಗಳು ಜಾಹ್ನವಿ ಕಪೂರ್ ‘ಡಢಕ್’ ಮೂಲಕ ಬಾಲಿವುಡ್ಗೆ ಎಂಟ್ರಿ ಕೊಟ್ಟು, ಆ ನಂತರ ಕೆಲವು ಸಿನಿಮಾಗಳಲ್ಲಿ ನಟಿಸುತ್ತಿರುವ ವಿಷಯ ಗೊತ್ತೇ ಇದೆ. ಈಗ ಜಾಹ್ನವಿ ತಂಗಿ ಖುಷಿ ಕಪೂರ್ ಸಹ ಬಣ್ಣ ಹಚ್ಚುವುದಕ್ಕೆ ತಯಾರಿ ನಡೆಸಿದ್ದಾರೆ.
ಇದನ್ನೂ ಓದಿ: ಭೀಮ್ ಮತ್ತು ರಾಮರಾಜು ಕೈಜೋಡಿಸಿದಾಗ … ‘ಆರ್ಆರ್ಆರ್’ ಚಿತ್ರದ ಕ್ಲೈಮ್ಯಾಕ್ಸ್ ಶುರು
ಹೌದು, ಜಾಹ್ನವಿ ತಂಗಿ ಖುಷಿ ಕಪೂರ್ ಸಹ ಬಾಲಿವುಡ್ಗೆ ಸದ್ಯದಲ್ಲೇ ಎಂಟ್ರಿ ಕೊಡಲಿದ್ದಾರಂತೆ. ಹಾಗಂತ ಅವರ ತಂದೆ ಮತ್ತು ಜನಪ್ರಿಯ ನಿರ್ಮಾಪಕ ಬೋನಿ ಕಪೂರ್ ಅವರೇ ಈ ವಿಷಯವನ್ನು ಸ್ಪಷ್ಟಪಡಿಸಿದ್ದಾರೆ.
ಈ ಕುರಿತು ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅವರು, ‘ಖುಷಿಗೂ ನಟಿಸುವ ಆಸಕ್ತಿ ಇದೆ. ಸದ್ಯದಲ್ಲೇ ಆಕೆ ಚಿತ್ರರಂಗಕ್ಕೆ ಎಂಟ್ರಿ ಕೊಡುತ್ತಾಳೆ. ಈ ಬಗ್ಗೆ ಶೀಘ್ರದಲ್ಲೇ ಘೋಷಣೆ ಹೊರಬೀಳಲಿದೆ’ ಎಂದು ಹೇಳಿಕೊಂಡಿದ್ದಾರೆ.
ಸ್ವತಃ ತಾವೇ ಜನಪ್ರಿಯ ನಿರ್ಮಾಪಕರಾಗಿದ್ದರೂ, ಮಗಳನ್ನು ಪರಿಚಯಿಸುತ್ತಿಲ್ಲ, ಆ ಕೆಲಸವನ್ನು ಬೇರೊಬ್ಬ ನಿರ್ಮಾಪಕರು ಮಾಡಲಿದ್ದಾರೆ ಎಂದು ಬೋನಿ ಹೇಳಿಕೊಂಡಿದ್ದಾರೆ. ಈ ಕುರಿತು ಮಾತನಾಡಿರುವ ಅವರು, ‘ಖುಷಿಯನ್ನು ನಾನೇ ಚಿತ್ರರಂಗಕ್ಕೆ ಪರಿಚಯಿಸಬಹುದು. ಆದರೆ, ನನ್ನ ಸ್ನೇಹಿತರೊಬ್ಬರು ಖುಷಿಯನ್ನು ಚಿತ್ರರಂಗಕ್ಕೆ ಪರಿಚಯಿಸುವುದಕ್ಕೆ ಉತ್ಸುಕರಾಗಿದ್ದಾರೆ’ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಕೊನೆಗೂ ‘ರಾಧೇ’ ಚಿತ್ರದ ಬಿಡುಗಡೆ ದಿನಾಂಕ ಘೋಷಿಸಿದ ಸಲ್ಮಾನ್
ಈ ಹಿಂದೆ ಜಾಹ್ನವಿಯನ್ನು ಕರಣ್ ಜೋಹರ್ ಚಿತ್ರರಂಗಕ್ಕೆ ಪರಿಚಯಿಸಿದ್ದರು. ಈಗ ಖುಷಿಯನ್ನು ಯಾರು ಪರಿಚಯಿಸಬಹುದು ಎಂಬ ಕುತೂಹಲ ಎಲ್ಲರಿಗೂ ಇದೆ.