ಸೌಥಾಂಪ್ಟನ್: ಟೆಸ್ಟ್ ಕ್ರಿಕೆಟ್ ಪುನರಾರಂಭ ಕಂಡ ಮೊದಲ ಪಂದ್ಯದಲ್ಲೇ ವೆಸ್ಟ್ ಇಂಡೀಸ್ ನಾಯಕ ಜೇಸನ್ ಹೋಲ್ಡರ್ ಹಲವು ದಾಖಲೆಗಳನ್ನು ನಿರ್ಮಿಸಿದ್ದಾರೆ. 42 ರನ್ಗೆ 6 ವಿಕೆಟ್ ಕಬಳಿಸಿ ಆತಿಥೇಯ ಇಂಗ್ಲೆಂಡ್ ತಂಡವನ್ನು 2ನೇ ದಿನದಾಟದ ಚಹಾ ವಿರಾಮದ ವೇಳೆಗೆ 204 ರನ್ಗೆ ಕಟ್ಟಿಹಾಕುವ ಮೂಲಕ ಅವರು ಈ ಸಾಧನೆ ಮಾಡಿದ್ದಾರೆ.
ಇಂಗ್ಲೆಂಡ್ ನೆಲದಲ್ಲಿ ಅತ್ಯುತ್ತಮ ಬೌಲಿಂಗ್ ನಿರ್ವಹಣೆ ತೋರಿದ ವೆಸ್ಟ್ ಇಂಡೀಸ್ ನಾಯಕ ಎಂಬ ಹೆಗ್ಗಳಿಕೆ ಈಗ ಜೇಸನ್ ಹೋಲ್ಡರ್ ಅವರದಾಗಿದೆ. 1948ರಲ್ಲಿ ಜಾನ್ ಗೋಡ್ಡರ್ಡ್ 31 ರನ್ಗೆ 5 ವಿಕೆಟ್ ಕಬಳಿಸಿದ್ದು ಹಿಂದಿನ ಶ್ರೇಷ್ಠ ನಿರ್ವಹಣೆಯಾಗಿತ್ತು. ಗ್ಯಾರಿ ಸೋಬರ್ಸ್ 1966ರಲ್ಲಿ 41ರನ್ಗೆ 5 ವಿಕೆಟ್ ಕಬಳಿಸಿದ್ದು ಅನಂತರದ ಅತ್ಯುತ್ತಮ ನಿರ್ವಹಣೆಯಾಗಿತ್ತು. ಇನ್ನು ಚೆಂಡಿಗೆ ಎಂಜಲು ಹಚ್ಚದೆ 5 ವಿಕೆಟ್ ಗೊಂಚಲು ಪಡೆದ ಮೊದಲ ಬೌಲರ್ ಎಂಬ ವಿಶೇಷ ಹೆಗ್ಗಳಿಕೆಯೂ ಕರೊನಾ ಕಾಲದ ಟೆಸ್ಟ್ನಲ್ಲಿ ಹೋಲ್ಡರ್ಗೆ ಒಲಿದಿದೆ.
ಇದನ್ನೂ ಓದಿ: ಟೆಸ್ಟ್ ಕ್ರಿಕೆಟ್ ಶುರುವಾಯ್ತು, ಏಕದಿನ-ಟಿ20 ಯಾವಾಗ ಆರಂಭ ಗೊತ್ತೇ?
ಒಟ್ಟಾರೆ ನಾಯಕನೊಬ್ಬ ಇಂಗ್ಲೆಂಡ್ ವಿರುದ್ಧ ತೋರಿದ 4ನೇ ಅತ್ಯುತ್ತಮ ನಿರ್ವಹಣೆ ಇದಾಗಿದೆ. 1987ರಲ್ಲಿ ಪಾಕಿಸ್ತಾನ ಇಮ್ರಾನ್ ಖಾನ್ ಲೀಡ್ಸ್ನಲ್ಲಿ 40 ರನ್ಗೆ 7 ವಿಕೆಟ್ ಕಬಳಿಸಿದ್ದು ಅತ್ಯುತ್ತಮ ನಿರ್ವಹಣೆಯಾಗಿದೆ. ಇನ್ನು ವೆಸ್ಟ್ ಇಂಡೀಸ್ ನಾಯಕ ಟೆಸ್ಟ್ ಕ್ರಿಕೆಟ್ನಲ್ಲಿ ತೋರಿದ 4ನೇ ಅತ್ಯುತ್ತಮ ನಿರ್ವಹಣೆಯೂ ಇದಾಗಿದೆ. ಕಟ್ರ್ನ್ ವಾಲ್ಶ್ 1995ರಲ್ಲಿ ವೆಲ್ಲಿಂಗ್ಟನ್ನಲ್ಲಿ 37 ರನ್ಗೆ 7 ವಿಕೆಟ್ ಕಬಳಿಸಿದ್ದು ಅತ್ಯುತ್ತಮವಾಗಿದೆ.