ಮುಂಬೈ: ವಂಚಕ ಸುಕೇಶ್ ಚಂದ್ರಶೇಖರ್ನಿಂದ ಕೋಟ್ಯಂತರ ರೂಪಾಯಿ ಮೌಲ್ಯದ ಉಡುಗೊರೆಗಳನ್ನು ಪಡೆದ ಆರೋಪ ಎದರಿಸುತ್ತಿರುವ ಬಾಲಿವುಡ್ ನಟಿ ಜಾಕ್ವೆಲಿನ್ ಫರ್ನಾಂಡಿಸ್ ಅವರನ್ನು ಎನ್ಫೋರ್ಸ್ಮೆಂಟ್ ಡೈರೆಕ್ಟೊರೇಟ್(ಇಡಿ) ಇಂದು(ಡಿ.9) ಕೂಡ ವಿಚಾರಣೆಗೆ ಗುರಿಪಡಿಸಲಿದೆ. 200 ಕೋಟಿ ರೂ. ಮೌಲ್ಯದ ಮನಿ ಲಾಂಡರಿಂಗ್ ಪ್ರಕರಣದಲ್ಲಿ ವಾಣಿಜ್ಯೋದ್ಯಮಿಯೊಬ್ಬರ ಪತ್ನಿಯಿಂದ ಸುಲಿಗೆ ಮಾಡಿದ ಹಣವನ್ನು ಕಾನ್ಮ್ಯಾನ್ ಸುಕೇಶ್, ಜಾಕ್ವೆಲಿನ್ಗೆ ಹಸ್ತಾಂತರಿಸಿದ್ದಾರೆಂಬ ಶಂಕೆಯ ಹಿನ್ನೆಲೆಯಲ್ಲಿ ಈ ತನಿಖೆ ನಡೆದಿದೆ.
ನಿನ್ನೆ(ಡಿ.8) ಕೂಡ 7 ಗಂಟೆಗೂ ಹೆಚ್ಚು ಕಾಲ ಜಾಕ್ವೆಲಿನ್ರನ್ನು ಇಡಿ ಅಧಿಕಾರಿಗಳು ವಿಚಾರಣೆ ನಡೆಸಿದ್ದರು. ಅನುಮಾನಗಳ ಸುಳಿಯಲ್ಲಿ ಸಿಕ್ಕಿರುವ ಅವರ ವಿರುದ್ಧ ಇಡಿ ಜಾರಿಗೊಳಿಸಿರುವ ಲುಕ್ ಔಟ್ ಸರ್ಕುಲರ್ನ ಹಿನ್ನೆಲೆಯಲ್ಲಿ ಭಾನುವಾರ(ಡಿ.5)ದಂದು ಮುಂಬೈ ವಿಮಾನ ನಿಲ್ದಾಣದಲ್ಲಿ ಜಾಕ್ವೆಲಿನ್ರನ್ನು ತಡೆದಿರಿಸಲಾಗಿತ್ತು ಹಾಗೂ ದೇಶ ಬಿಟ್ಟು ಹೋಗದಂತೆ ಸೂಚಿಸಿ ವಾಪಸ್ ಕಳಿಸಲಾಗಿತ್ತು.
View this post on Instagram
ಜಾಕ್ವೆಲಿನ್ ಮೇಲೆ ವಿದೇಶಕ್ಕೆ ತೆರಳದಂತೆ ವಿಧಿಸಲಾಗಿರುವ ಈ ನಿರ್ಬಂಧದಿಂದ ಅವರ ಕೆಲಸದ ಮೇಲೆ ಭಾರೀ ಪರಿಣಾಮವಾಗುತ್ತಿದೆ. ಅದಾಗಲೇ ಶುಕ್ರವಾರ(ಡಿಸೆಂಬರ್ 10) ನಡೆಯಲಿರುವ ಸಲ್ಮಾನ್ ಖಾನ್ರ ‘ದ-ಬಾಂಗ್: ದ ಟೂರ್, ರೀಲೋಡೆಡ್’ನಿಂದ ಅವರನ್ನು ಕೈಬಿಡಲಾಗಿದೆ. ಈ ವೈಭವೋಪೇತ ಈವೆಂಟ್ನಲ್ಲಿ ಜಾಕ್ವೆಲಿನ್ ಪಾಲ್ಗೊಳ್ಳುವ ಯೋಜನೆಯಿತ್ತು. ಅವರನ್ನೊಳಗೊಂಡ ಪೋಸ್ಟರೇ ಈಗಲೂ ಪ್ರಚಾರದಲ್ಲಿ ಬಳಕೆಯಾಗುತ್ತಿದೆ. ಆದರೆ, ಸೌದಿ ಅರೇಬಿಯಾದ ರಿಯಾಧ್ನಲ್ಲಿ ನಡೆಯಲಿರುವ ಶೋನಲ್ಲಿ ಭಾಗವಹಿಸಲು ಜಾಕ್ವೆಲಿನ್ ಪ್ರಯಾಣಿಸುವುದು ಇದೀಗ ಸಾಧ್ಯವಾಗದ ಮಾತಾಗಿದೆ. (ಏಜೆನ್ಸೀಸ್)
ZOOM ಕಾಲಲ್ಲೇ 900 ಜನರನ್ನ ಕೆಲಸದಿಂದ ತೆಗೆದ CEO! ವಿಡಿಯೋ ವೈರಲ್
ಭಾರತ-ಪಾಕ್ ಗಡಿಯಲ್ಲಿ ಹುಟ್ಟಿದ ಈ ಕೂಸಿಗೆ ಹೆಸರೇನಿಟ್ಟರು ಗೊತ್ತಾ? ಇದೇ ಹೆಸರಿನ ಸಿನಿಮಾ ಇದೆ!