ಮುಂಬೈ: ಬಾಲಿವುಡ್ ಸಿನಿಮಾಗಳು ಅತ್ಯಂತ ಯಶಸ್ವಿಯಾದ ಕಾಲಘಟ್ಟಗಳಲ್ಲಿ 2007ನೇ ವರ್ಷ ಕೂಡ ಒಂದು. ಈ ವರ್ಷದಲ್ಲಿ ಹಲವು ಚಿತ್ರಗಳು ಸಿನಿಪ್ರೇಕ್ಷಕರಿಂದ ಅತ್ಯುತ್ತಮ ಪ್ರತಿಕ್ರಿಯೆಗಳನ್ನು ಗಳಿಸುವ ಮೂಲಕ ಬ್ಲಾಕ್ಬಸ್ಟರ್ ಸಿನಿಮಾಗಳಾಗಿ ಹೊರಹೊಮ್ಮಿತು. ಆ ಸಾಲಿನಲ್ಲಿ ನಿರ್ದೇಶಕ ಇಮ್ತಿಯಾಜ್ ಅಲಿ ನಿರ್ದೇಶನದ ‘ಜಬ್ ವಿ ಮೆಟ್’ ಚಿತ್ರವು ಸಹ ಮೆಗಾ ಹಿಟ್ ಚಿತ್ರವಾಗಿ ಭಾರಿ ಯಶಸ್ಸನ್ನು ಗಳಿಸಿತು.
ಇದನ್ನೂ ಓದಿ: ಇಂಡಿಯಾ ಮೈತ್ರಿಕೂಟವನ್ನು ಟೀಕಿಸಿ ಜಾಹೀರಾತು; ಬಿಜೆಪಿ ವಿರುದ್ಧ ಕಿಡಿಕಾರಿದ ಮಹಿಳಾ ಸಂಘಟನೆಗಳು
‘ಜಬ್ ವಿ ಮೆಟ್’ ಭಾರತೀಯ ಚಿತ್ರರಂಗದ ಬ್ಲಾಕ್ಬಸ್ಟರ್ ಹಿಟ್‌ಗಳಲ್ಲಿ ಒಂದಾಗಿದೆ ಎಂಬುದು ಎಲ್ಲರಿಗೂ ತಿಳಿದ ಸಂಗತಿಯೇ. ಚಿತ್ರದಲ್ಲಿ ಕರೀನಾ ಕಪೂರ್ ಮತ್ತು ಶಾಹೀದ್ ಕಪೂರ್ ನಾಯಕ-ನಾಯಕಿಯಾಗಿ ತೆರೆ ಮೇಲೆ ಮೋಡಿ ಮಾಡಿದ್ದರು. ಈ ಸಿನಿಮಾಗೂ ಮುನ್ನ ಹಲವು ಚಿತ್ರಗಳಲ್ಲಿ ಇವರಿಬ್ಬರ ಜೋಡಿ ನೋಡುಗರನ್ನು ಸೆಳೆದಿತ್ತು. ಇಬ್ಬರ ನಡುವೆ ಪ್ರೀತಿಯೂ ಮೂಡಿತ್ತು. ಇಮ್ತಿಯಾಜ್ ಅಲಿ ನಿರ್ದೇಶನದ ಜಬ್ ವಿ ಮೆಟ್ ಚಿತ್ರ ತೆರೆಕಂಡಿದ್ದೇ ತಡ ಇಬ್ಬರ ಮಧ್ಯೆಯಿದ್ದ ಪ್ರೀತಿ ಬ್ರೇಕ್ಅಪ್ನಲ್ಲಿ ಅಂತ್ಯ ಕಂಡಿತು.
ಚಿತ್ರದ ಸಕ್ಸಸ್ ಸುದ್ದಿ ಒಂದೆಡೆಯಾದರೆ, ಅದೇ ಸಮಯದಲ್ಲಿ ಶಾಹಿದ್ ಕಪೂರ್ ಮತ್ತು ಕರೀನಾ ಕಪೂರ್ ಬ್ರೇಕ್ಅಪ್ ಸುದ್ದಿ ಮತ್ತೊಂದೆಡೆ. ಇಬ್ಬರು ತಮ್ಮ ಡೇಟಿಂಗ್ ವದಂತಿಗಳಿಗೆಲ್ಲಾ ತೆರೆಎಳೆದರು. ಬಾಲಿವುಡ್ನ ಈ ಚಿತ್ರವನ್ನು ಅನೇಕರು ಈಗಲೂ ಹೆಚ್ಚಿನ ಸಂಖ್ಯೆಯಲ್ಲಿ ವೀಕ್ಷಣೆ ಮಾಡುತ್ತಾರೆ. ಹಲವು ವರ್ಷಗಳು ಕಳೆದರೂ ಚಿತ್ರದ ಥ್ರಿಲ್ ಮಾತ್ರ ಕಡಿಮೆಯಾಗಿಲ್ಲ. ಇದನ್ನೇ ಗಮನದಲ್ಲಿಟ್ಟುಕೊಂಡ ನಿರ್ದೇಶಕರು ಇದೀಗ ಸಿನಿಮಾದ ಮುಂದುವರಿದ ಭಾಗವನ್ನು ತೆರೆಗೆ ತರಲು ಸಜ್ಜಾಗಿದ್ದಾರೆ ಎಂಬ ಸುದ್ದಿ ಚಿತ್ರರಂಗದಲ್ಲಿ ಹರಿದಾಡುತ್ತಿದೆ.
ಇದನ್ನೂ ಓದಿ: ಭೋಜ್‌ಪುರಿಯ ಟಾಪ್ 10 ಬೋಲ್ಡ್ ನಟಿಯರು, ಸೆನ್ಸೇಷನ್ ಸೃಷ್ಟಿಸಿದ ಅವರ ಟಾಪ್‌ಲೆಸ್ ಫೋಟೋಗಳು
ಸದ್ಯದಲ್ಲೇ ಈ ಐಕಾನಿಕ್ ಹಿಟ್ ಕ್ಲಾಸಿಕ್ ಆಗಲಿದೆ ಎಂಬುದು ಚಿತ್ರರಂಗದ ಮೂಲಗಳಿಂದ ಕೇಳಿಬರುತ್ತಿರುವ ಮಾತು. ಸ್ವತಃ ಇಮ್ತಿಯಾಜ್ ಅಲಿ ಅವರೇ ಈ ಬಗ್ಗೆ ಸಂದರ್ಶನವೊಂದರಲ್ಲಿ ಖಚಿತಪಡಿಸಿದ್ದಾರೆ. ‘ಜಬ್ ವಿ ಮೆಟ್ 2’ ಚಿತ್ರದಲ್ಲಿ ಶಾಹಿದ್ ಅಥವಾ ಕರೀನಾ ಮುಖ್ಯಭೂಮಿಕೆಯಲ್ಲಿ ನಟಿಸುತ್ತಾರೆಯೇ? ಅಥವಾ ಬೇರೆ ಕಲಾವಿದರು ನಟಿಸುತ್ತಾರಾ? ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಈ ಬಗ್ಗೆ ಹೆಚ್ಚಿನ ಮಾಹಿತಿ ಹೊರಬೀಳಬೇಕಿದೆ,(ಏಜೆನ್ಸೀಸ್).
2021ರಲ್ಲಿ ಮುಂಬೈ ಇಂಡಿಯನ್ಸ್ ಬಿಟ್ಟಿದ್ದೂ ಇದೇ ಕಾರಣಕ್ಕೆ… ಮುಖಕ್ಕೆ ಹೊಡದಂಗೆ ಹೇಳಿದ್ರು ರವಿಶಾಸ್ತ್ರಿ
ಏಪ್ರಿಲ್ 2-6ರವರೆಗೆ ಈ ರಾಜ್ಯದಲ್ಲಿ ಸುರಿಯಲಿದೆ ಭಾರೀ ಮಳೆ! ಬಿಸಿಲ ಬೇಗೆಯ ಮಧ್ಯೆ ಐಎಂಡಿ ಮುನ್ಸೂಚನೆ