ಮುಂಬೈ: ಸ್ಮಾಲ್ ಕ್ಯಾಪ್ ಕಂಪನಿಯಾದ ಸೆನ್ಸಿಸ್ ಟೆಕ್ ಲಿಮಿಟೆಡ್ (Ceinsys Tech Ltd) ಷೇರುಗಳ ಬೆಲೆ ಗುರುವಾರ ಇಂಟ್ರಾ ಡೇ ವಹಿವಾಟಿನಲ್ಲಿ 5.77% ರಷ್ಟು ಏರಿಕೆ ಕಂಡವು. ಫರ್ಗೊ ಯುಎಸ್ಎ ಲ್ಯಾಂಡ್ ಇಂಕ್ (Fugro USA Land Inc) ನಿಂದ ಈ ಕಂಪನಿಯು ಹೊಸ ಆರ್ಡರ್ ಪಡೆದುಕೊಂಡ ಹಿನ್ನೆಲೆಯಲ್ಲಿ ಷೇರುಗಳ ಬೆಲೆ ಏರಿಕೆ ಕಂಡುಬಂದಿದೆ. ಗುರುವಾರ ಈ ಷೇರುಗಳ ಬೆಲೆ 598.05 ರೂ. ಮುಟ್ಟಿತು.
ಈ ಕಂಪನಿಯ ಷೇರುಗಳ ಬೆಲೆ ಕಳೆದ 3-ತಿಂಗಳಲ್ಲಿ 74%; 6 ತಿಂಗಳಲ್ಲಿ 199% ಹೆಚ್ಚಳ ಕಂಡಿದೆ. ಕಳೆದ 1 ವರ್ಷದಲ್ಲಿ 339% ಹೆಚ್ಚಳವಾಗಿದೆ. ಕಳೆದ 2 ವರ್ಷಗಳಲ್ಲಿ 249%; ಕಳೆದ 3-ವರ್ಷಗಳಲ್ಲಿ 360%ರಷ್ಟು ಏರಿಕೆಯಾಗಿದೆ ಎಂಬುದು ಗಮನಾರ್ಹ.
ಫರ್ಗೊ ಯುಎಸ್ಎ ಲ್ಯಾಂಡ್ ಇಂಕ್ನಿಂದ ಸೇವಾ ಆದೇಶದ ಸ್ವೀಕೃತಿ ಬಂದಿದೆ. ರೂ. 5,26,28,995/ ಆರ್ಡರ್ ಇದಾಗಿದೆ ಎಂದು ಕಂಪನಿಯು ತಿಳಿಸಿದೆ.
ಈ ಕಂಪನಿಯ ಷೇರುಗಳ 52-ವಾರದ ಗರಿಷ್ಠ ಬೆಲೆ ರೂ 604.70 ಮತ್ತು ಕನಿಷ್ಠ ಬೆಲೆ ರೂ 116.25 ಆಗಿದೆ. ಕಂಪನಿಯು 922.87 ಕೋಟಿ ಮಾರುಕಟ್ಟೆ ಬಂಡವಾಳವನ್ನು ಹೊಂದಿದೆ. ಡಿಸೆಂಬರ್ 2023 ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ನಿವ್ವಳ ಲಾಭವು 280.88% ರಷ್ಟು ಏರಿಕೆಯಾಗಿ 10.36 ಕೋಟಿ ರೂ.ಗಳಿಗೆ ತಲುಪಿದೆ.