ಲಂಡನ್: ಕೈ ಜಾರಿ ಕೆರೆಗೆ ಬಿದ್ದ ಮೊಬೈಲ್ ಫೋನ್ ಆರು ತಿಂಗಳ ಬಳಿಕ ಪತ್ತೆಯಾದರೆ, ಅದರ ಸ್ಥಿತಿ ಹೇಗಿರುತ್ತದೆ? ಎಂದು ಪ್ರಶ್ನಿಸಿದರೆ ಬಹುತೇಕರ ಉತ್ತರ ಹೀಗಿರುತ್ತದೆ. ಕೆಲವೇ ಗಂಟೆಗಳು ನೀರಿನೊಳಗೆ ಮೊಬೈಲ್ ಇದ್ದರೆ ಉಳಿಯುವುದಿಲ್ಲ. ಅಂತಹುದರಲ್ಲಿ ಆರು ತಿಂಗಳ ನೀರಿನೊಳಗೆ ಇದ್ರೆ ಆ ಮೊಬೈಲ್ ಸಂಪೂರ್ಣ ಕೆಟ್ಟು ಹೋಗಿರುತ್ತದೆ ಎನ್ನುತ್ತಾರೆ.
ಇನ್ನು ಐಫೋನ್ನಂತಹ ದುಬಾರಿ ಫೋನ್ ಅನ್ನು ಯಾರು ಕಳೆದುಕೊಳ್ಳಲು ಇಚ್ಛಿಸುವುದಿಲ್ಲ. ಸಾಮಾನ್ಯವಾಗಿ ಕಡಿಮೆ ಬೆಲೆಯ ಫೋನ್ ನೀರಿನಲ್ಲಿ ಬಿದ್ದಾಗ ಅದನ್ನು ಮರಳಿ ಪಡೆಯುವ ಪ್ರಯತ್ನವನ್ನು ಮಾಡುವ ಮಂದಿ ಐಫೋನ್ ಬಿದ್ದಾಗ ಸುಮ್ಮನಾಗುತ್ತಾರಾ? ಮರಳಿ ಪಡೆಯುವ ಪ್ರಯತ್ನ ಮಾಡಿಯೇ ತೀರುತ್ತಾರೆ. ಈ ಪ್ರಯತ್ನದಲ್ಲಿ ಕೆಲವು ನತದೃಷ್ಟರಾಗುತ್ತಾರೆ. ಇನ್ನು ಕೆಲವು ಅದೃಷ್ಟಶಾಲಿಗಳಾಗುತ್ತಾರೆ.
ಇದನ್ನೂ ಓದಿರಿ: Web Exclusive | ಬೆಂಬಲ ಬೆಲೆಗಿಂತ ಮಾರುಕಟ್ಟೆಯಲ್ಲೇ ಹೆಚ್ಚು ದರ: ಒಂದು ಚೀಲವೂ ಮಾರಾಟವಾಗದ ತೊಗರಿ!
ಇತ್ತೀಚೆಗೆ ಕ್ಲೇಟನ್ ಹೆಸರಿನ ಸ್ಕೂಬಾ ಡೈವರ್ ಒಬ್ಬರು ಕೆರೆಯ ತಳದಲ್ಲಿ ಐಫೋನ್ 11 ಅನ್ನು ಪತ್ತೆ ಹಚ್ಚಿದರು. ಅಚ್ಚರಿಯ ವಿಚಾರವೆಂದರೆ ಕೆರೆಗೆ ಬಿದ್ದು ಆರು ತಿಂಗಳಾಗಿದ್ದರೂ ಮೊಬೈಲ್ ಇನ್ನು ಕಾರ್ಯ ನಿರ್ವಹಿಸುವುದನ್ನು ನೋಡಿ ಸ್ವತಃ ಡೈವರ್ ಸಹ ಅಚ್ಚರಿಪಟ್ಟಿದ್ದಾರೆ.
ಅಂದಹಾಗೆ ಐಫೋನ್ ಪತ್ತೆಯಾಗಿದ್ದು, ಬ್ರಿಟಿಷ್ ಕೊಲಂಬಿಯಾದ ಹ್ಯಾರಿಸನ್ ಹಾಟ್ ಸ್ಪ್ರಿಂಗ್ ಲೇಕ್ನಲ್ಲಿ. ಸ್ಕೂಬಾ ಡೈವರ್ ಕೇವಲ ಮೊಬೈಲ್ ಮಾತ್ರ ಪತ್ತೆ ಹಚ್ಚಲಿಲ್ಲ, ಅದರ ಮಾಲೀಕನನ್ನು ಪತ್ತೆ ಹಚ್ಚಿ ಮೊಬೈಲ್ ಹಿಂದಿರುಗಿಸುವ ಮೂಲಕ ಪ್ರಾಮಾಣಿಕತೆಯನ್ನು ಮೆರದಿದ್ದಾರೆ.
ಮೊಬೈಲ್ ಪತ್ತೆ ಹಚ್ಚಿದ ಕ್ಷಣವನ್ನು ಸಹ ಡೈವರ್ ವಿಡಿಯೋ ರೆಕಾರ್ಡ್ ಮಾಡಿದ್ದಾರೆ. ಮೊಬೈಲ್ ಜತೆ ಕೆರೆಯ ಆಳದಲ್ಲಿ ಕೆಲವು ಗಾಜಿನ ಬಾಟಲ್ಗಳು, ಸನ್ಗ್ಲಾಸಸ್ ಮತ್ತು ಲೈಟರ್ಗಳು ಸಹ ಪತ್ತೆಯಾಗಿವೆ. ಐಫೋನ್ 11 ಮಾತ್ರವಲ್ಲದೆ, ಮೂರು ವರ್ಷಗಳ ಹಿಂದೆ ನದಿಗೆ ಬಿದ್ದಿದ್ದ ಫ್ಲಿಪ್ ಫೋನ್ ಸಹ ಡೈವರ್ಗೆ ಪತ್ತೆಯಾಗಿದೆ.
ಇದನ್ನೂ ಓದಿರಿ: ಪರ್ಸೀನ್ ಬೋಟ್ ಮೀನುಗಾರಿಕೆ ಸ್ಥಗಿತದಿಂದ ಐದು ಸಾವಿರ ಕುಟುಂಬಗಳು ಅತಂತ್ರ: ಸಂಘದ ಸಭೆಯಲ್ಲಿ ಅಳಲು
ಐಫೋನ್ 11 ಮಾಲೀಕ 2020ರ ಸೆಪ್ಟೆಂಬರ್ ತಿಂಗಳಲ್ಲಿ ಕಳೆದುಕೊಂಡಿದ್ದನಂತೆ. ಆರು ತಿಂಗಳ ಬಳಿಕ ಡೈವರ್ಗೆ ಪತ್ತೆಯಾಗಿದೆ. ಮಣ್ಣಿನಿಂದ ಕೂಡಿದ್ದ ಐಫೋನ್ 11 ಅನ್ನು ಸ್ವಚ್ಛಗೊಳಿಸಿ ಆನ್ ಮಾಡಿದಾಗ ಅದು ಆನ್ ಆಗಿದೆ. ಇದನ್ನು ನೋಡಿದ ಡೈವರ್ಗೆ ಅಚ್ಚರಿಯೂ ಆಗಿದೆ. ಬಳಿಕ ಮೊಬೈಲ್ ಮೂಲಕ ಮಾಲೀಕನ ಜಾಡು ಪತ್ತೆ ಹಚ್ಚಿ ಮೊಬೈಲ್ ಒಪ್ಪಿಸಿ ಬಂದಿದ್ದಾರೆ. ಮರಳಿ ಮೊಬೈಲ್ ತಂದು ಕೊಟ್ಟ ಡೈವರ್ಗೆ ಮಾಲೀಕ ಧನ್ಯವಾದಗಳನ್ನು ತಿಳಿಸಿದ್ದಾರೆ. ಅಂದಹಾಗೆ ಐಫೋನ್ ವ್ಯಾಂಕೋವರ್ ನಿವಾಸಿ ಫಾತಿಮೆ ಘೋಡ್ಸಿಗೆ ಸೇರಿದ್ದಾಗಿದೆ. (ಏಜೆನ್ಸೀಸ್)
ಸಲೂನ್ ಹುಡುಗನ ಮರ್ಮಾಂಗ ಸ್ಪರ್ಶಿಸಿದ ಲಾಯರ್: ದೂರಿನಲ್ಲಿ ವಕೀಲನ ಕರಾಳ ಮುಖ ಅನಾವರಣ!
ಕಸದ ತೊಟ್ಟಿ ಬಳಿ ಬೀದಿ ನಾಯಿ ಜತೆ ಕಾಣಿಸಿಕೊಂಡ ದಿಗ್ಗಜರು ಚಿತ್ರದ ಖಳನಾಯಕ: ಕಾರಣ ಕೇಳಿದ್ರೆ ಅಚ್ಚರಿ ಪಡ್ತೀರಾ!