ನವದೆಹಲಿ: ಹಲವು ಜೀವ ವಿಮಾ ಕಂಪನಿಗಳು ಕರೊನಾ ಕವಚ್ ಹೆಸರಿನಲ್ಲಿ ಅಲ್ಪಾವಧಿಯ ವಿಶೇಷ ಕೋವಿಡ್ ವಿಮಾ ಯೋಜನೆಗಳನ್ನು ಆರಂಭಿಸಿವೆ. ಅದರಲ್ಲೂ ಕೆಲ ಕಂಪನಿಗಳ 447 ರೂ.ಗಳಷ್ಟು ಕಡಿಮೆ ಮೊತ್ತಕ್ಕೆ ವಿಮಾ ಸೌಲಭ್ಯ ಕಲ್ಪಿಸುತ್ತಿವೆ.
ಬಜಾಜ್ ಅಲಾಯನ್ಸ್, ಮ್ಯಾಕ್ಸ್ ಬುಪಾ, ಎಚ್ಡಿಎಫ್ ಎರ್ಗೊ, ಭಾರತಿ ಅಕ್ಸಾ ಮೊದಲಾದ ಕಂಪನಿಗಳು ವಿಮಾ ಯೋಜನೆ ಪ್ರಕಟಿಸಿದ್ದು, ಇನ್ನೂ ಹಲವು ಕಂಪನಿಗಳು ಇದೇ ಹಾದಿಯಲ್ಲಿವೆ. ಭಾರತೀಯ ವಿಮಾ ನಿಯಂತ್ರಣ ಪ್ರಾಧಿಕಾರ ಕೋವಿಡ್19ಗಾಗಿ ವಿಶೇಷ ವಿಮಾ ಯೋಜನೆ ಪ್ರಕಟಿಸುವಂತೆ ಎಲ್ಲ ಕಂಪನಿಗಳಿಗೂ ಕಳೆದ ತಿಂಗಳು ಸೂಚಿಸಿತ್ತು.
ಇದನ್ನೂ ಓದಿ; ಕದ್ದ ಹಣದಿಂದಲೇ ಖರೀದಿಸಿದ್ದ ಖಾಸಗಿ ವಿಮಾನ; ಸೈಬರ್ ಫ್ರಾಡ್ನಲ್ಲಿ ಈತನನ್ನು ಮೀರಿಸೋರೆ ಇಲ್ಲ…!
ಈ ಪಾಲಿಸಿ ಆರೋಗ್ಯ ವಿಮೆ ಮಾದರಿಯಲ್ಲಿಯೇ ಇರಲಿದೆ. ಆದರೆ, ಅಲ್ಪಾವಧಿಯದ್ದಾಗಿದ್ದು, (3-9 ತಿಂಗಳು) ಕೇವಲ ಕೋವಿಡ್ಗೆ ಮಾತ್ರ ಸಂಬಂಧಿಸಿರಲಿದೆ. ಕೆಲ ಕಂಪನೆಗಳು ಹೆಚ್ಚುವರಿ ಮೊತ್ತಕ್ಕೆ ಆಸ್ಪತ್ರೆಯ ಇತರ ವೆಚ್ಚಗಳ ಪಾವತಿಗೂ ಅವಕಾಶ ಕಲ್ಪಿಸಿವೆ. ಆದರೆ, ಸಾಮಾನ್ಯ ಆರೋಗ್ಯ ವಿಮೆಗೆ ಹೋಲಿಸಿದಲ್ಲಿ ಕಡಿಮೆ ಪ್ರಿಮಿಯಂ ಹೊಂದಿರಲಿದೆ.
ಆಸ್ಪತ್ರೆಗೆ ದಾಖಲಾಗಿದ್ದಕ್ಕೆ ಮಾತ್ರವಲ್ಲದೆ, ಮನೆಯಲ್ಲೇ ಚಿಕಿತ್ಸೆ, ಆಯುಷ್ ಚಿಕಿತ್ಸೆ, ಆಸ್ಪತ್ರೆಗೆ ದಾಖಲಾಗುವ ಮುನ್ನ ಹಾಗೂ ನಂತರದ ವೆಚ್ಚವನ್ನು ಈ ವಿಮಾ ಯೋಜನೆ ಒಳಗೊಳ್ಳಲಿದೆ. ಶೇ.99 ಜನರು ಆನ್ಲೈಲ್ ಅಥವಾ ಆಫ್ಲೈನ್ನಲ್ಲಿ ಈ ವಿಮೆಯನ್ನು ಖರೀದಿಸಬಹುದು. ತೀರಾ ವಯಸ್ಸಾದವರು ಹಾಗೂ ಇತರ ತೊಂದರೆ ಇರುವ ರೋಗಿಗಳಿಗೆ ಟೆಲಿಮೆಡಿಸಿನ್ ಮೂಲಕ ತಪಾಸಣೆಗೆ ಒಳಗಾಗಬೇಕಾಗಬಹುದು ಎಂದು ಬಜಾಜ್ ಅಲಾಯನ್ಸ್ನ ರಿಟೇಲ್ ಮುಖ್ಯಸ್ಥ ಗುರುದೀಪ್ಸಿಂಗ್ ಭಾತ್ರಾ ಹೇಳಿದ್ದಾರೆ.
ಇದನ್ನೂ ಓದಿ; ಕರೊನಾ ಸಂಕಷ್ಟದಿಂದ ಕೆಲಸ ಕಳೆದುಕೊಂಡಿದ್ದವನಿಗೆ ಖುಲಾಯಿಸಿದ ಅದೃಷ್ಟ…!
35 ವರ್ಷದೊಳಗಿನ ವ್ಯಕ್ತಿಗಳಿಗೆ 3.5 ತಿಂಗಳ ಅವಧಿಗೆ 50 ಸಾವಿರ ಪರಿಹಾರ ಮೊತ್ತಕ್ಕೆ 447 ರೂ. ಪ್ರಿಮಿಯಂ ನಿಗದಿಪಡಿಸಲಾಗಿದೆ. ಅಂತೆಯೇ, 9.5 ತಿಂಗಳ ಅವಧಿಗೆ 745 ರೂ. ಪ್ರಿಮಿಯಂ ಭರಿಸಬೇಕಾಗುತ್ತದೆ. 5 ಲಕ್ಷ ರೂ. ಪರಿಹಾರ ಮೊತ್ತಕ್ಕೆ 1,320 ರೂ ನೀಡಬೇಕಾಗುತ್ತದೆ. 60 ವರ್ಷ ಮೇಲ್ಪಟ್ಟವರಿಗೆ 5,630 ಆಗಲಿದೆ ಎಂದು ಮಾಹಿತಿ ನೀಡಿದ್ದಾರೆ.
ಮುಂದಿನ ಮಾರ್ಚ್ವರೆಗೆ ಮಾತ್ರ ಈ ವಿಮೆ ಮಾರಾಟ ಇರಲಿದೆ. ನಂತರ ಪರಿಸ್ಥಿತಿ ನೋಡಿಕೊಂಡು ವಿಸ್ತರಿಸಲಾಗುತ್ತದೆ. ಅಥವಾ ಲಸಿಕೆ ಕಂಡುಹಿಡಿದರೆ ಈ ವಿಮೆ ಅಗತ್ಯ ಬೀಳುವುದಿಲ್ಲ ಎಂದು ಅವರು ಮಾಹಿತಿ ನೀಡುತ್ತಾರೆ.
ಮ್ಯಾಕ್ಸ್ ಬುಪಾ ಕಂಪನಿ 31-55 ವರ್ಷದೊಳಗಿವ ವ್ಯಕ್ತಿಗಳಿಗೆ 2,200 ರೂ. ನಿಗದಿಪಡಿಸಿದ್ದು, 2 ವಯಸ್ಕರು ಹಾಗೂ ಮಕ್ಕಳಿಗೆ 4700 ರೂ. ಪ್ರಿಮಿಯಂ ಇರಿಸಿದೆ.
ಒಂದು ಕಾರು ಕೊಂಡರೆ ಮತ್ತೊಂದು ಫ್ರೀ…, ಲಾರಿ ಖರೀದಿಗೆ 13 ಸಾವಿರ ರೂ. ಡೌನ್ಪೇಮೆಂಟ್…!