ಬೆಂಗಳೂರು: ಫೇಸ್ಬುಕ್, ಇನ್ಸ್ಟಾಗ್ರಾಂ, ವಾಟ್ಸ್ಆ್ಯಪ್ ಮುಂತಾದ ಅನೇಕ ಆ್ಯಪ್ಗಳ ಮಾತೃ ಸಂಸ್ಥೆ ಮೆಟಾ ಇದೀಗ ಇನ್ಸ್ಟಾಗ್ರಾಂನಲ್ಲಿ ಟೆಲಿಗ್ರಾಮ್ ರೀತಿಯಲ್ಲೇ ಚ್ಯಾನಲ್ ಶುರು ಮಾಡುವ ಆಯ್ಕೆಯನ್ನು ಬಳಕೆದಾರರಿಗೆ ನೀಡಲಿದೆ.
ಇನ್ಸ್ಟಾಗ್ರಾಂ ಚಾನಲ್ಗಳೊಂದಿಗೆ ಟೆಲಿಗ್ರಾಮ್ ಚಾನೆಲ್ಗಳಿಗೆ ಸ್ಪರ್ಧೆಯೊಡ್ಡಲು ಮೆಟಾ ಮುಂದಾಗಿದೆ. ಅಮೆರಿಕದ ತಂತ್ರಜ್ಞಾನ ಸುದ್ದಿ ವೆಬ್ಸೈಟ್ ದಿ ವರ್ಜ್ ಪ್ರಕಾರ, ಮೆಟಾ ಸಿಇಒ ಮಾರ್ಕ್ ಜುಕರ್ಬರ್ಗ್, ಗುರುವಾರ ಹೊಸ ಚಾನೆಲ್ ಒಂದರ ಮೂಲಕ ಈ ಘೋಷಣೆ ಮಾಡಿದ್ದಾರೆ. ಚಾನಲ್ಗಳ ಫೀಚರ್ ಸದ್ಯಕ್ಕೆ ಮೊಬೈಲ್ ಅಪ್ಲಿಕೇಶನ್ನಲ್ಲಿ ಮಾತ್ರ ಕಾರ್ಯನಿರ್ವಹಿಸುತ್ತದೆ.
ಕ್ರಿಯೇಟರ್ಗಳು ಇನ್ನು ಚಾನಲ್ಗಳ ಮೂಲಕ ತಮ್ಮ ಸಾವಿರಾರು ಫಾಲೋವರ್ಗಳಿಗೆ ಮೆಸೇಜ್ ಹಾಗೂ ಅಪ್ಡೇಟ್ಗಳನ್ನು ಪ್ರಸಾರ ಮಾಡಬಹುದು. ಫಾಲೋವರ್ಗಳು ಈ ಚಾನಲ್ಗಳಲ್ಲಿ ಪೋಸ್ಟ್ ಮಾಡಲು ಸಾಧ್ಯವಾಗುವುದಿಲ್ಲ. ಆದರೆ ಅವರು ಪೋಸ್ಟ್ಗಳಿಗೆ ಎಮೋಜಿ ಮೂಲಕ ಪ್ರತ್ಯುತ್ತರಿಸಲು ಮತ್ತು ಪೋಲ್ಗಳಲ್ಲಿ ಮತ ಚಲಾಯಿಸಲು ಸಾಧ್ಯವಾಗುತ್ತದೆ.
ಮೆಟಾ ಚಾನೆಲ್ ಎಂದು ಕರೆಯಲ್ಪಡುವ ಜುಕರ್ಬರ್ಗ್ ಅವರ ಚಾನೆಲ್ನಲ್ಲಿ ಅವರು “ನಾವು ಮೆಟಾದಲ್ಲಿ ನಿರ್ಮಿಸುತ್ತಿರುವ ಎಲ್ಲಾ ಉತ್ಪನ್ನಗಳು ಮತ್ತು ತಂತ್ರಜ್ಞಾನದ ಸುದ್ದಿ ಮತ್ತು ನವೀಕರಣಗಳನ್ನು ಹಂಚಿಕೊಳ್ಳುವ ಸ್ಥಳವಾಗಿದೆ” ಎಂದು ಬರೆದಿದ್ದಾರೆ. ಈ ಬಗ್ಗೆ ದಿ ವರ್ಜ್ ವರದಿ ಮಾಡಿದೆ. (ಏಜೆನ್ಸೀಸ್)