ಇಂದೋರ್: ಪೊಲೀಸ್ ದಂಪತಿಯ 12 ವರ್ಷದ ಮಗಳು ಯಾರು ಇಲ್ಲದ ವೇಳೆ ಮನೆಯಲ್ಲಿ ಆತ್ಮಹತ್ಯೆಗೆ ಶರಣಾಗಿರುವ ಘಟನೆ ಮಧ್ಯ ಪ್ರದೇಶದ ಏರೋಡ್ರಮ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ. ಆತ್ಮಹತ್ಯೆಗು ಮುನ್ನ ಬಾಲಕಿ ಚೇರ್ ಮೇಲೆ ನಿಂತು ತನ್ನ ಕುತ್ತಿಗೆಯನ್ನು ಹಿಡಿದುಕೊಂಡು ಸೆಲ್ಫಿ ಫೋಟೋವನ್ನು ತೆಗೆದುಕೊಂಡಿರುವುದು ತಿಳಿದುಬಂದಿದೆ.
ಮೃತ ಬಾಲಕಿಯನ್ನು ಆಯುಷಿ ಎಂದು ಗುರುತಿಸಲಾಗಿದೆ. ಆ್ಯಪ್ವೊಂದರಲ್ಲಿ ನಿರಂತರವಾಗಿ ವಿಡಿಯೋಗಳನ್ನು ನೋಡುತ್ತಿದ್ದಳಂತೆ. ಅದರಲ್ಲೂ ಮ್ಯಾಜಿಕ್ ರೀತಿಯ ವಿಡಿಯೋಗಳನ್ನು ಹೆಚ್ಚಾಗಿ ನೋಡುತ್ತಿದ್ದಳು ಎಂದು ಪಾಲಕರು ತಿಳಿಸಿದ್ದು, ಡೆತ್ನೋಟ್ ಬರೆದಿಟ್ಟಿರುವ ಆಯುಷಿ ಕೆಲ ಮಂದಿಗೆ ಕ್ಷಮೆ ಕೋರಿದ್ದಾಳೆ.
ಇದನ್ನೂ ಓದಿ: ಲವ್ವರ್ ವಿರುದ್ಧ ದೂರು ಕೊಡಲು ಪೀಡಿಸಿದ ತಂದೆ: ಠಾಣೆಯ ಬಾತ್ರೂಮ್ಗೆ ಹೋದ ಹುಡುಗಿಯಿಂದ ಬಿಗ್ ಶಾಕ್!
ಆಯುಷಿ ಪಾಕೆಟ್ನಲ್ಲಿ ಪತ್ತೆಯಾದ ಡೆತ್ನೋಟ್ನಲ್ಲಿ ಆಕೆ ಸ್ನೇಹಿತರಿಗೆ ಕ್ಷಮೆ ಕೋರಿದ್ದಾಳೆ. ನಮ್ಮ ನಡುವೆ ಏನೇ ವೈಮನಸ್ಸುಗಳಿದ್ದರೆ ಅದನ್ನು ಮರೆತುಬಿಡಿ ಎಂದಿದ್ದಾಳೆ. ಅಲ್ಲದೆ, ಇಂಗ್ಲಿಷ್ನಲ್ಲಿ SORRY G ಎಂದು ಬರೆದಿದ್ದಾಳೆ.
ಆಯುಷಿ ತಂದೆ-ತಾಯಿ ಇಬ್ಬರು ಪೊಲೀಸ್ ಕಾನ್ಸ್ಟೇಬಲ್ ಆಗಿದ್ದು, ದಂಪತಿಗೆ ಇಬ್ಬರು ಹೆಣ್ಣು ಮಕ್ಕಳು ಮತ್ತು ಓರ್ವ ಗಂಡು ಮಗನಿದ್ದಾನೆ. ಆತ್ಮಹತ್ಯೆ ದಿನವಾದ ಮಂಗಳವಾರ ದಂಪತಿ ಕೆಲಸಕ್ಕೆ ಹೋಗಿದ್ದರು. ಆಯುಷಿಯ ತಮ್ಮ ಮತ್ತು ತಂಗಿ ಪಕ್ಕದಲ್ಲೇ ಇದ್ದ ಅಜ್ಜಿಯ ಮನೆ ಬಳಿ ಆಟವಾಡಲು ಹೋಗಿದ್ದರು. ಈ ವೇಳೆ ಆಯುಷಿ ಮನೆಯಲ್ಲಿ ಒಬ್ಬಳೇ ಇದ್ದಳು.
ಸಾಕಷ್ಟು ಸಮಯದವರೆಗೂ ಆಯುಷಿ ಮನೆಯಿಂದ ಹೊರಬರದಿದ್ದಾಗ. ಆಕೆಯ ಸಹೋದರಿ ಮತ್ತು ಅಜ್ಜಿ ಮನೆ ಬಳಿ ಬಂದಿದ್ದಾರೆ. ಕೋಣೆಯತ್ತ ಆಯುಷಿ ಹುಡುಕಿ ಬಂದ ಅವರಿಗೆ ಆಕೆ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾಳೆ. ಗಾಬರಿಗೊಂಡ ಅಜ್ಜಿ-ಮೊಮ್ಮಗಳು ಕಣ್ಣೀರಿಡುತ್ತಲೇ ಪಾಲಕರಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳೀಯರ ನೆರವಿನಿಂದ ಆಯುಷಿಯನ್ನು ನೇಣಿನಿಂದ ಕೆಳಗಿಳಿಸಿ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಆದರೆ, ಅಷ್ಟರಲ್ಲಾಗಲೇ ಆಕೆ ಮೃತಪಟ್ಟಿರುವುದಾಗಿ ಹೇಳಿದ್ದಾರೆ.
ಇದನ್ನೂ ಓದಿ: ಚೀನಾ ಮಹಿಳೆಯಿಂದ ಹನಿಟ್ರ್ಯಾಪ್: ಸುಂದರಿಯ ಬಲೆಗೆ ಬಿದ್ದವರ್ಯಾರು?
ಸದ್ಯ ಪ್ರಕರಣ ದಾಖಲಿಸಲಾಗಿದ್ದು, ಈ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿದುಬಂದಿಲ್ಲ. ಮೊಬೈಲ್ನಲ್ಲಿ ಕೆಲವೊಂದು ಫೋಟೋಗಳನ್ನು ವಶಕ್ಕೆ ಪಡೆಯಲಾಗಿದೆ. ಪಾಲಕರು ವಿಚಾರಿಸಿದ ಬಳಿಕ ಹೆಚ್ಚಿನ ಮಾಹಿತಿ ದೊರೆಯಲಿದೆ ಎಂದು ತನಿಖಾ ಪೊಲೀಸ್ ಅಧಿಕಾರಿ ಮಾಹಿತಿ ನೀಡಿದ್ದಾರೆ. (ಏಜೆನ್ಸೀಸ್)
PHOTOS| ರಾಜನ ಪತ್ನಿಯ ಅಶ್ಲೀಲ ಚಿತ್ರಗಳನ್ನು ಹರಿಬಿಟ್ಟು ಸ್ಫೋಟಕ ಮಾಹಿತಿ ಬಿಚ್ಚಿಟ್ಟ ಥೈಲ್ಯಾಂಡ್ ಕಾರ್ಯಕರ್ತ!
ಅಮ್ಮನಿಗಾಗಿ ಪ್ರೀತಿ ಬಲಿಕೊಟ್ಟು ಮಾವನಮಗನ ಮದ್ವೆಯಾಗಿ ಜೀವನವೇ ನರಕವಾಗಿದೆ- ಏನು ಮಾಡಲಿ?
ವಿಶ್ವದ ಏಕಾಂಗಿ ಆನೆಗೆ ಸಿಕ್ಕಿದ್ರು ಮೂವರು ಗೆಳತಿಯರು: ಕಾವನ್ ವರ್ತನೆ ಕಂಡು ಹುಬ್ಬೇರಿಸಿದ ಪರಿಪಾಲಕ!