ನ್ಯೂಯಾರ್ಕ್: ಭಾರತೀಯ ಮೂಲದ ವ್ಯಕ್ತಿ ಅಮೆರಿಕದ ಹಡ್ಸನ್ ನದಿಯಲ್ಲಿ ಆತ್ಮಹತ್ಯೆ ಮಾಡಿಕೊಂಡ ಸ್ಥಿತಿಯಲ್ಲೂ, ಆತನ 5 ತಿಂಗಳ ಗರ್ಭಿಣಿ ಪತ್ನಿ ಅಪಾರ್ಟ್ಮೆಂಟ್ ಒಂದರಲ್ಲಿ ಕೊಲೆಯಾದ ರೀತಿಯಲ್ಲಿ ಇಬ್ಬರ ಮೃತದೇಹ ಪತ್ತೆಯಾಗಿರುವುದಾಗಿ ಯುಎಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಜರ್ಸಿ ಸಿಟಿಯಲ್ಲಿ ಗರಿಮಾ ಕೊಠಾರಿ ಹಾಗೂ ಮೋಹನ್ ಮಾಲ್ ವಾಸವಿದ್ದರು. 5 ತಿಂಗಳ ಗರ್ಭಿಣಿಯಾಗಿದ್ದ ಗರಿಮಾ ಏಪ್ರಿಲ್ 26ರಂದು ಜರ್ಸಿ ಸಿಟಿಯ ಅಪಾರ್ಟ್ಮೆಂಟ್ನಲ್ಲಿ ಶವವಾಗಿ ಪತ್ತೆಯಾಗಿದ್ದು, ಅವರ ದೇಹದ ಮೇಲ್ಭಾಗದಲ್ಲಿ ಗಾಯಗಳಾಗಿವೆ ಎಂದು ಜರ್ಸಿ ಸಿಟಿ ಪೊಲೀಸ್ ಅಧಿಕಾರಿಗಳು ಹಾಗೂ ಹಡ್ಸನ್ ಕೌಂಟಿ ಪ್ರಾಸಿಕ್ಯೂಟರ್ ಕಚೇರಿ ತಿಳಿಸಿದೆ.
ಶವಪರೀಕ್ಷೆ ನಡೆಸಿದ ಬಳಿಕ ಮತ್ತಷ್ಟು ಸ್ಪೋಟಕ ಮಾಹಿತಿಗಳು ಹೊರಬಿದ್ದಿದ್ದು, ಗರಿಮಾ ಅವರದ್ದು ಕೊಲೆ ಎಂದು ಹೇಳಲಾಗಿದೆ. ದೇಹದ ಮೇಲ್ಭಾಗದಲ್ಲಿ ಅನೇಕ ಗಾಯದ ಗುರುತುಗಳಿವೆ. ಹೆಚ್ಚುವರಿಯಾಗಿ ಗರಿಮಾ 5 ತಿಂಗಳ ಗರ್ಭಿಣಿಯಾಗಿದ್ದರು ಎಂದು ಶವಪರೀಕ್ಷೆ ನಡೆಸಿದ ವೈದ್ಯರು ಖಚಿತಪಡಿಸಿದ್ದಾರೆ.
ಇದನ್ನೂ ಓದಿ: ಬೆಂಗಳೂರಿನಿಂದ ರಾಯಚೂರಿಗೆ ಹೋಗುತ್ತಿದ್ದ ಕಾರು ಪಲ್ಟಿ; ಇಬ್ಬರು ಸ್ಥಳದಲ್ಲೇ ಸಾವು, ಮೂವರಿಗೆ ಗಂಭೀರ ಗಾಯ
ಗರಿಮಾ ಪತಿ, ಮೋಹನ್ ಮಾಲ್(37) ಅದೇ ದಿನ ಜರ್ಸಿ ನಗರದ ಹಡ್ಸನ್ ನದಿಯಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ. ಮಾಲ್, ಆತ್ಮಹತ್ಯೆ ಮಾಡಿಕೊಂಡಿರುವ ಸಾಧ್ಯತೆ ಇದೆ ಎಂದು ಪೊಲೀಸರು ತಿಳಿಸಿದ್ದು, ಸಾವಿಗೆ ನಿಖರವಾದ ಕಾರಣವಿನ್ನೂ ತಿಳಿದುಬಂದಿಲ್ಲ. ಈ ಬಗ್ಗೆ ಸ್ಥಳೀಯ ವೈದ್ಯರು ತಿಳಿಸಲಿದ್ದಾರೆ.
ಸದ್ಯ ಈ ಪ್ರಕರಣವನ್ನು ಕೊಲೆ ಮತ್ತು ಆತ್ಮಹತ್ಯೆ ಎಂದು ಪರಿಗಣಿಸಲಾಗಿದೆ. ಆದರೆ, ಅಂತಿಮ ನಿರ್ಧಾರ ಇನ್ನು ಬಾಕಿ ಇದೆ. ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ್ದು, ಜರ್ಸಿ ಸಿಟಿ ಪೊಲೀಸ್ ಇಲಾಖೆ ನೆರವಿನಿಂದ ಹಡ್ಸನ್ ಕೌಂಟಿ ಪ್ರಾಸಿಕ್ಯೂಟರ್ ಕಚೇರಿಯ ನರಹತ್ಯೆ ಘಟಕವು ತನಿಖೆಯನ್ನು ನಡೆಸುತ್ತಿದೆ.
ಮೃತೆ ಗರಿಮಾ ಓರ್ವ ಪ್ರತಿಭಾನ್ವಿತಾ ಶೆಫ್ ಆಗಿದ್ದರು. ಮೋಹನ್ ಮಾಲ್ ಇಂಡಿಯಾ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ ಹಳೆಯ ವಿದ್ಯಾರ್ಥಿಯಾಗಿದ್ದು, ಕೊಲಂಬಿಯಾ ವಿಶ್ವವಿದ್ಯಾಲಯದಲ್ಲಿ ಉನ್ನತ ಶಿಕ್ಷಣಕ್ಕಾಗಿ ಅಮೆರಿಕಕ್ಕೆ ಆಗಮಿಸಿದ್ದರು.
ಜರ್ಸಿ ಸಿಟಿಯಲ್ಲಿರುವ ಬೃಹತ್ ಅಪಾರ್ಟ್ಮೆಂಟ್ನ ಕೆಲವೇ ದೂರದಲ್ಲಿ ಈ ಜೋಡಿ ನುಕ್ಕಡ್ ಹೆಸರಿನಲ್ಲಿ ಭಾರತೀಯ ರೆಸ್ಟೋರೆಂಟ್ ಒಂದನ್ನು ತೆರೆದಿದ್ದರು. ಒಳ್ಳೆಯ ಜೋಡಿಯಾಗಿದ್ದರು ಎಂದು ನುಕ್ಕಡ್ ಉದ್ಯೋಗಿಯೊಬ್ಬರು ತನಿಖಾ ವೇಳೆ ಹೇಳಿದ್ದಾರೆ.
ಇದನ್ನೂ ಓದಿ: ದುಡಿದ ಹಣವನ್ನೆಲ್ಲ ದೇವಸ್ಥಾನಕ್ಕೆ ನೀಡುತ್ತಿದ್ದ ಈ ವ್ಯಕ್ತಿ ನೆರೆಮನೆ ದಂಪತಿಯ ಕೊಲೆ ಮಾಡುವಷ್ಟು ಕೆಟ್ಟವನಾಗಿದ್ದೇಕೆ?
ಮಾಲ್, ತುಂಬಾ ಬುದ್ಧಿವಂತ ಹಾಗೂ ಕೇರಿಂಗ್ ವ್ಯಕ್ತಿಯಾಗಿದ್ದರು. ಗರಿಮಾ ಪ್ರತಿಭಾನ್ವಿತ ಶೆಫ್ ಹಾಗೂ ತುಂಬಾ ಸ್ನೇಹ ಸ್ವಭಾವದವಳಾಗಿದ್ದು, ತನ್ನ ವೃತ್ತಿಯ ಮೇಲೆ ಸಮರ್ಪಣಾ ಮನೋಭಾವವಿತ್ತು ಎಂದು ಇಬ್ಬರ ಕುಟುಂಬದ ಸದಸ್ಯರು ತನಿಖಾ ವೇಳೆ ತಿಳಿಸಿದ್ದಾರೆಂದು ವರದಿಯಾಗಿದೆ. (ಏಜೆನ್ಸೀಸ್)
VIDEO| ಮನೆಗೆ ಇನ್ನೇನು ನುಗ್ಗಿಬಿಡ್ತು ಅಂದುಕೊಂಡಿದ್ದ ಆನೆ ಮುಂದೆ ಎಲ್ಲಿಗೆ ನಡೆಯಿತು?