ನವದೆಹಲಿ: ಭಾರತ ತಂಡ ಐಸಿಸಿ ಟೆಸ್ಟ್ ರ್ಯಾಂಕಿಂಗ್ನಲ್ಲಿ ಬುಧವಾರ ಮಧ್ಯಾಹ್ನ 2 ಗಂಟೆಯ ವೇಳೆ ಅಗ್ರಸ್ಥಾನಕ್ಕೆ ಏರಿತು. ಆಸ್ಟ್ರೇಲಿಯಾ ವಿರುದ್ಧದ ನಾಗ್ಪುರ ಟೆಸ್ಟ್ ಪಂದ್ಯದ ಗೆಲುವಿನೊಂದಿಗೆ ಈ ಬಡ್ತಿ ಲಭಿಸಿದೆ ಮತ್ತು ಭಾರತ ಐಸಿಸಿಯ ಎಲ್ಲ 3 ಪ್ರಕಾರದ ರ್ಯಾಂಕಿಂಗ್ನಲ್ಲಿ ಏಕಕಾಲದಲ್ಲಿ ಅಗ್ರಸ್ಥಾನಕ್ಕೇರಿದ ಅಪರೂಪದ ಸಾಧನೆ ಮಾಡಿದೆ ಎಂದು ಕ್ರಿಕೆಟ್ ಪ್ರೇಮಿಗಳೆಲ್ಲರೂ ಸಂಭ್ರಮಿಸಿದರು. ಆದರೆ ಸಂಜೆ 7 ಗಂಟೆಯ ವೇಳೆಗೆ ಭಾರತ ತಂಡ ಮತ್ತೆ 2ನೇ ಸ್ಥಾನಕ್ಕೆ ಕುಸಿಯಿತು ಮತ್ತು ಆಸ್ಟ್ರೇಲಿಯಾ ತಂಡ ಮತ್ತೆ ಅಗ್ರಸ್ಥಾನಕ್ಕೇರಿತು.
ಐಸಿಸಿ ರ್ಯಾಂಕಿಂಗ್ ಪದ್ಧತಿ ನಿರ್ವಹಿಸುವ ತಂಡದ ಅವಾಂತರದಿಂದಾಗಿ ಭಾರತ ತಂಡ 6 ಗಂಟೆಗಳ ಕಾಲ ನಂ. 1 ಪಟ್ಟದಲ್ಲಿ ನೆಲೆಸುವಂತಾಯಿತು. ಐಸಿಸಿ ವೆಬ್ಸೈಟ್ನಲ್ಲಿರುವ ರ್ಯಾಂಕಿಂಗ್ ಪಟ್ಟಿಯಲ್ಲಿ ಈ ದೋಷ ಕಾಣಿಸಿತ್ತು. ಸಾಮಾನ್ಯವಾಗಿ ಟೆಸ್ಟ್ ರ್ಯಾಂಕಿಂಗ್ ಪ್ರತಿ ಸರಣಿಯ ಬಳಿಕ ಪರಿಷ್ಕೃತಗೊಳ್ಳುತ್ತದೆ. ಆದರೆ ಬುಧವಾರ ಮಾತ್ರ, ಸರಣಿಯ ಮೊದಲ ಪಂದ್ಯದ ಬಳಿಕವೇ ‘ಅಪ್ಡೇಟ್’ ಆಗಿತ್ತು. ಸಂಜೆಯ ವೇಳೆಗೆ ಐಸಿಸಿ ಈ ದೋಷ ಸರಿಪಡಿಸಿಕೊಂಡಿತು. ಆದರೆ ಭಾರತಕ್ಕೆ ಈಗಲೂ 2-0, 3-1 ಅಥವಾ ಇದಕ್ಕಿಂತ ಹೆಚ್ಚಿನ ಅಂತರದಿಂದ ಸರಣಿ ಗೆದ್ದರೆ ನಂ. 1 ಪಟ್ಟಕ್ಕೇರುವ ಅವಕಾಶವಿದೆ.
ಬೌಲಿಂಗ್ನಲ್ಲಿ 2ನೇ ಸ್ಥಾನಕ್ಕೇರಿದ ಅಶ್ವಿನ್
ಐಸಿಸಿ ಟೆಸ್ಟ್ ಬೌಲಿಂಗ್ ರ್ಯಾಂಕಿಂಗ್ನಲ್ಲಿ ಆರ್. ಅಶ್ವಿನ್ 2ನೇ ಸ್ಥಾನಕ್ಕೇರಿದ್ದಾರೆ. ನಾಗ್ಪುರ ಟೆಸ್ಟ್ ಪಂದ್ಯದಲ್ಲಿ 8 ವಿಕೆಟ್ ಕಬಳಿಸಿದ ಸಾಧನೆಯಿಂದ ಅಶ್ವಿನ್ ಈ ಬಡ್ತಿ ಪಡೆದಿದ್ದಾರೆ. ರವೀಂದ್ರ ಜಡೇಜಾ 16ನೇ ಸ್ಥಾನಕ್ಕೇರಿದ್ದಾರೆ. ಅಗ್ರಸ್ಥಾನದಲ್ಲಿರುವ ಆಸೀಸ್ ನಾಯಕ ಪ್ಯಾಟ್ ಕಮ್ಮಿನ್ಸ್ರಿಂದ ಅಶ್ವಿನ್ ಸದ್ಯ 21 ರೇಟಿಂಗ್ ಪಾಯಿಂಟ್ ಹಿಂದಿದ್ದು, ದೆಹಲಿ ಟೆಸ್ಟ್ನಲ್ಲೂ ಮಿಂಚಿದರೆ 2017ರ ಬಳಿಕ ಮತ್ತೆ ಅಗ್ರಸ್ಥಾನಕ್ಕೆ ಮರಳುವ ಅವಕಾಶ ಹೊಂದಿದ್ದಾರೆ.
ಆರ್ಸಿಬಿಗೆ ಸಾನಿಯಾ ಮೆಂಟರ್: ಬೆಂಗಳೂರಿನ ಮಹಿಳಾ ಕ್ರಿಕೆಟ್ ಫ್ರಾಂಚೈಸಿಗೆ ಟೆನಿಸ್ ತಾರೆ ಮಾರ್ಗದರ್ಶನ
ಶಾಲೆಯಲ್ಲೇ 2ನೇ ಮದ್ವೆಯಾದ ಹೆಡ್ ಮಾಸ್ಟರ್ಗೆ ಮರುಕ್ಷಣವೇ ಮೊದಲ ಪತ್ನಿಯಿಂದ ಬಿಗ್ ಶಾಕ್!
ಮಾವಿನ ಹಣ್ಣುಗಳನ್ನು ಕದ್ದು ಸಸ್ಪೆಂಡ್ ಆಗಿರುವ ಪೊಲೀಸ್ ಅಧಿಕಾರಿಗೆ ಎದುರಾಯ್ತು ಭಾರೀ ಸಂಕಷ್ಟ! 15 ದಿನ ಡೆಡ್ಲೈನ್