ಹೈದರಾಬಾದ್: ಮೃನಾಲ್ ಠಾಕೂರ್. ಈ ಹೆಸರು ಈಗ ಟಾಲಿವುಡ್ ಇಂಡಸ್ಟ್ರಿಯಲ್ಲಿ ಹೆಚ್ಚಾಗಿ ಕೇಳಿಬರುತ್ತಿದೆ. ತೆಲುಗಿನಲ್ಲಿ ತಾನು ನಟಿಸಿದ ಕೇವಲ ಎರಡೇ ಚಿತ್ರಕ್ಕೆ ಮೃನಾಲ್ ಸ್ಟಾರ್ ನಟಿ ಇಮೇಜ್ ಪಡೆದುಕೊಂಡಿದ್ದಾರೆ. ಮೂಲತಃ ಬಾಲಿವುಡ್ ಬೆಡಗಿಯಾಗಿರುವ ಮೃನಾಲ್, ಟಾಲಿವುಡ್ನಲ್ಲಿ ಅಪಾರ ಕ್ರೇಜ್ ಗಳಿಸಿದ್ದಾರೆ. ತನ್ನ ಮನಮೋಹಕ ಸೌಂದರ್ಯ ಮತ್ತು ಅತ್ಯುತ್ತಮ ನಟನೆಯಿಂದ ತೆಲುಗು ಪ್ರೇಕ್ಷಕರ ಮನ ಕದ್ದಿರುವ ಮೃನಾಲ್, ಇದೀಗ “ಫ್ಯಾಮಿಲಿ ಸ್ಟಾರ್” ಮತ್ತೊಂದು ತೆಲುಗು ಸಿನಿಮಾದಲ್ಲಿ ನಟನೆ ಮಾಡಿದ್ದಾರೆ.
ಫ್ಯಾಮಿಲಿ ಸ್ಟಾರ್ ಸಿನಿಮಾ ಇಂದು ಬಿಡುಗಡೆಯಾಗಿದ್ದು, ಎಲ್ಲೆಡೆ ಮೆಚ್ಚುಗೆಗೆ ಪಾತ್ರವಾಗಿದೆ. ಇದರ ನಡುವೆ ಮೃನಾಲ್ ಕುರಿತಾದ ಇಂಟೆರೆಸ್ಟಿಂಗ್ ಸಂಗತಿಯೊಂದು ಬಯಲಾಗಿದೆ. ಮೃನಾಲ್ ಅವರು ತೆಲುಗು ಇಂಡಸ್ಟ್ರಿಯನ್ನು ತೊರೆಯಲು ನಿರ್ಧಾರ ಮಾಡಿದ್ದರಂತೆ. ಅದಕ್ಕೆ ಕಾರಣ ಭಾಷೆ.
ಸೀತಾರಾಮಂ ಸಿನಿಮಾ ಮೃನಾಲ್ ಅವರ ಮೊದಲ ತೆಲುಗು ಸಿನಿಮಾ. ತೆಲುಗು ಭಾಷೆ ಗೊತ್ತಿಲ್ಲದೆ ಮೊದಲ ಸಿನಿಮಾದಲ್ಲೇ ಸಾಕಷ್ಟು ಸಮಸ್ಯೆ ಎದುರಿಸಿದ್ದರಂತೆ. ಈ ಸಿನಿಮಾದ ಶೂಟಿಂಗ್ ವೇಳೆ ನಾನು ಪ್ರತಿದಿನ ಅಳುತ್ತಿದ್ದೆ. ನಾನು ಡೈಲಾಗ್ಗಳನ್ನು ಇಂಗ್ಲಿಷ್ನಲ್ಲಿ ಬರೆದುಕೊಂಡು ಪ್ರತಿದಿನ ಅಭ್ಯಾಸ ಮಾಡುತ್ತಿದ್ದೆ. ಇದು ತುಂಬಾ ಕಷ್ಟವಾಗುತ್ತಿತ್ತು. ಇದನ್ನು ಸಹಿಸಲಾರದೇ ತೆಲುಗು ಇಂಡಸ್ಟ್ರಿ ತೊರೆಯಲು ನಿರ್ಧರಿಸಿದ್ದೆ.
ಟಾಲಿವುಡ್ ತೊರೆಯುವ ವಿಚಾರವನ್ನು ನಟ ದುಲ್ಕರ್ ಸಲ್ಮಾನ್ ಅವರಿಗೂ ಹೇಳಿದ್ದೆ. ಸೀತಾರಾಮಂ ಸಿನಿಮಾ ನನ್ನ ಮೊದಲ ಮತ್ತು ಕೊನೆಯ ತೆಲುಗು ಸಿನಿಮಾ ಆಗಲಿದೆ ಎಂದಿದ್ದೆ. ಆದರೆ, ನನ್ನ ಮಾತು ಕೇಳಿ ದುಲ್ಕರ್ ಸಲ್ಮಾನ್ ನಕ್ಕು, ಈ ಸಿನಿಮಾ ಬಳಿಕ ತೆಲುಗಿನಲ್ಲಿ ನಿಮಗೆ ಸಾಕಷ್ಟು ಆಫರ್ಗಳು ಬರಲಿವೆ ಎಂದಿದ್ದರು. ಅವರು ಹೇಳಿದಂತೆ ಸಾಕಷ್ಟು ಅವಕಾಶಗಳು ಬರುತ್ತಿವೆ ಮತ್ತು ತೆಲುಗು ಇದೀಗ ಸುಲಭವಾಗಿದೆ ಎಂದು ಮೃನಾಲ್ ಅವರು ಸ್ವತಃ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.
ಸೀತಾರಾಮಂ ಸಿನಿಮಾದಲ್ಲಿ ಮೃನಾಲ್ ಅವರು ಸೀತಾಮಹಾಲಕ್ಷ್ಮೀ ಪಾತ್ರದಲ್ಲಿ ನಟಿಸಿದರು. ಈಗಲೂ ಮೃನಾಲ್ ಅವರನ್ನು ಜನರು ಸೀತಾಮಹಾಲಕ್ಷ್ಮೀ ಪಾತ್ರದಲ್ಲಿ ನೋಡಲು ಇಷ್ಟಪಡುತ್ತಾರೆ. ಸೀತಾರಾಮ ಸಿನಿಮಾದಲ್ಲಿ ನಟಿಸುವುದು ತುಂಬಾ ಕಷ್ಟವಾಯಿತು. ಆದರೆ, ದುಲ್ಕರ್ ಸಲ್ಮಾನ್ ಅದನ್ನು ಸುಲಭವಾಗಿಸಿದರು. ನನಗೆ ತುಂಬಾ ಸ್ಫೂರ್ತಿ ನೀಡಿದರು. ದುಲ್ಕರ್ ಅವರು ಸಾಕಷ್ಟು ಸಿನಿಮಾಗಳಲ್ಲಿ ನಟನೆ ಮಾಡಿದ್ದಾರೆ. ಅವರೇ ನನ್ನ ರೋಲ್ ಮಾಡೆಲ್, ನನ್ನ ಮೆಂಟರ್, ನನ್ನ ಸ್ನೇಹಿತ ಹಾಗೂ ನನ್ನ ನೆಚ್ಚಿನ ನಟ ಎಂದು ಮೃನಾಲ್ ಅವರು ಕೊಂಡಾಡಿದ್ದಾರೆ.
ಅಂದಹಾಗೆ ಫ್ಯಾಮಿಲಿ ಸ್ಟಾರ್ ಸಿನಿಮಾ ಇಂದು (ಏಪ್ರಿಲ್ 5) ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ. ಈ ಚಿತ್ರದಲ್ಲಿ ವಿಜಯ್ ದೇವರಕೊಂಡ ಮತ್ತು ಮೃನಾಲ್ ಠಾಕೂರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರವು ಫ್ಯಾಮಿಲಿ ಎಂಟರ್ಟೈನರ್ ಆಗಿದ್ದು, ಆ್ಯಕ್ಷನ್ ಕೂಡ ಇದೆ. ಗೀತ ಗೋವಿಂದ ನಂತರ ವಿಜಯ್ ದೇವರಕೊಂಡ ಮತ್ತು ಪರಶುರಾಮ್ ಜೊತೆಗೂಡಿದ ಎರಡನೇ ಚಿತ್ರ ಫ್ಯಾಮಿಲಿ ಸ್ಟಾರ್. ಇದು ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಬಿಡುಗಡೆಯಾಗಿದೆ. (ಏಜೆನ್ಸೀಸ್)
ನನಗೆ ಆ ವಿವಾಹಿತ ನಟನೆಂದರೆ ತುಂಬಾ ಇಷ್ಟ ಅಂದ್ರು ಬಾಲಿವುಡ್ ಬ್ಯೂಟಿ ಮೃನಾಲ್ ಠಾಕೂರ್!
ನಟಿಸಿದ್ದು ಕೆಲವೇ ಸಿನಿಮಾಗಳು ಆದ್ರೆ ಮೃನಾಲ್ ಠಾಕೂರ್ ಒಟ್ಟು ಆಸ್ತಿ ಕೇಳಿದ್ರೆ ದಂಗಾಗ್ತೀರಾ!