ಯಾವುದೇ ಚಿತ್ರರಂಗವಿರಲಿ, ಹೀರೋಗಳಿಗೆ ಹೋಲಿಸಿದರೆ ಹೀರೋಯಿನ್ಗಳಿಗೆ ಸಂಭಾವನೆ ಕಡಿಮೆಯೇ. ಆದರೂ, ಇತ್ತೀಚಿನ ದಿನಗಳಲ್ಲಿ ಬಾಲಿವುಡ್ನಲ್ಲಿ ದೀಪಿಕಾ ಪಡುಕೋಣೆ, ಕತ್ರೀನಾ ಕೈಫ್, ಪ್ರಿಯಾಂಕಾ ಚೋಪ್ರಾ ಮುಂತಾದವರು 15ರಿಂದ 20 ಕೋಟಿ ಸಂಭಾವನೆ ಪಡೆಯುತ್ತಿದ್ದಾರೆ.
ಈಗ್ಯಾಕೆ ಈ ಪ್ರಶ್ನೆ ಎಂದರೆ, ದರ್ಶನ್ ಅಭಿನಯದ ‘ಐರಾವತ’ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದ ಊರ್ವಶಿ ರೌತೇಲ ಅವರ ಸಂಭಾವನೆ ಏಳು ಕೋಟಿಗೆ ಏರಿದೆ ಎಂಬಂತಹ ಸುದ್ದಿಗಳು ಬಾಲಿವುಡ್ನಲ್ಲಿ ಓಡಾಡುತ್ತಿದೆ.
ಇದನ್ನೂ ಓದಿ: ನಿರ್ದೇಶಕ ರಘುರಾಮ್ಗೆ 15 ವರ್ಷದ ಹಿಂದೆ ಸುದೀಪ್ ನೀಡಿದ್ದ ವಿಶೇಷ ಗಿಫ್ಟ್ ಇದು!
ಊರ್ವಶಿ ಅಭಿನಯದ ‘ವರ್ಜಿನ್ ಭಾನುಪ್ರಿಯಾ’ ಎಂಬ ಚಿತ್ರವು ಇತ್ತೀಚೆಗೆ ಜೀ5ನಲ್ಲಿ ಪ್ರೀಮಿಯರ್ ಆಗಿದೆ. ಅಜಯ್ ಲೋಹಾನ್ ನಿರ್ದೇಶನದ ಈ ಚಿತ್ರಕ್ಕೆ ಊವರ್ಶಿ ರೌತೇಲ, ಏಳು ಕೋಟಿ ಸಂಭಾವನೆಯನ್ನು ಪಡೆದಿದ್ದಾರೆ ಎಂದು ಹೇಳಲಾಗುತ್ತಿದೆ.
ನಿಜಕ್ಕೂ ಊರ್ವಶಿ ರೌತೇಲಗೆ ಅಷ್ಟೊಂದು ಸಂಭಾವನೆಯನ್ನು ಕೊಡುವುದು ಹೌದಾ ಎಂಬ ಪ್ರಶ್ನೆಯೊಂದು ಬಾಲಿವುಡ್ನಲ್ಲಿ ಕೇಳಿ ಬರುತ್ತಿದೆ. ಅಷ್ಟೇ ಅಲ್ಲ, ಇದೊಂದು ಫೇಕ್ ನ್ಯೂಸ್ ಎಂದು ಸಹ ಹೇಳಲಾಗುತ್ತಿದೆ.
ಬಾಲಿವುಡ್ ಪಂಡಿತರ ಪ್ರಕಾರ, ‘ಊರ್ವಶಿಗೆ ಏಳು ಕೋಟಿ ಕೊಟ್ಟರೆ ಅದರಿಂದ ಚಿತ್ರಕ್ಕೆ ಯಾವುದೇ ರೀತಿಯ ಸಹಾಯವಾಗುವುದಿಲ್ಲ. ಅಷ್ಟೊಂದು ದೊಡ್ಡ ದುಡ್ಡಿನಲ್ಲಿ ಒಂದು ಚಿತ್ರವನ್ನೇ ತೆಗೆಯಬಹುದು. ನಿಜ ಹೇಳಬೇಕೆಂದರೆ, ಆಕೆಯ ಸಂಭಾವನೆ ಅಷ್ಟೊಂದಿಲ್ಲ’ ಎಂದು ಹೇಳುತ್ತಾರೆ.
ಇದನ್ನೂ ಓದಿ: ಜೀ಼ ಕನ್ನಡದಲ್ಲಿ ಮ್ಯೂಸಿಕ್ ಅನ್ಲಾಕ್ ಮೂಲಕ ಮತ್ತೆ ಶುರುವಾಯ್ತು ಸರಿಗಮಪ-17
ಇನ್ನು ಕೆಲವರ ಪ್ರಕಾರ ಇದೊಂದು ಗಿಮಿಕ್ ಅಂತೆ. ಏಳು ಕೋಟಿ ಸಂಭಾವನೆ ಎಂದರೆ, ಸಹಜವಾಗಿಯೇ ಅವರಿಗೆ ದೊಡ್ಡ ಮಾರ್ಕೆಟ್ ಇದೆ ಎಂದು ಸುದ್ದಿಯಾಗುತ್ತದೆ. ಚಿತ್ರಕ್ಕೆ ಊರ್ವಶಿಯೇ ಬೇಕು ಎನ್ನುವವರು ಅದಕ್ಕಿಂತ ಹೆಚ್ಚು ಹಣ ಸಹ ಕೊಡಬಹುದು, ಇಲ್ಲವಾದರೆ ಅಷ್ಟಾದರೂ ಕೊಡಬಹುದು. ಹಾಗಾಗಿ ಈ ರೀತಿಯ ಸುಳ್ಳು ಸುದ್ದಿ ಮಾಡಿಸಲಾಗುತ್ತದೆ ಎಂದು ಹೇಳಲಾಗುತ್ತಿದೆ.
ಹಾಗಾದರೆ, ಊರ್ವಶಿ ರೌತೇಲ ಅವರ ನಿಜವಾದ ಸಂಭಾವನೆ ಎಷ್ಟು? ಹುಡುಗಿಯರ ವಯಸ್ಸಷ್ಟೇ ಅಲ್ಲ, ಸಂಭಾವನೆಯನ್ನೂ ಕೇಳಬಾರದು ಎಂಬುದು ಗೊತ್ತಿರಲಿ.
ಒಂದೂವರೆ ವರ್ಷಗಳಿಂದ ನಮ್ಮಿಬ್ಬರಿಗೂ ಕೆಲಸವಿಲ್ಲ … ಶಾರೂಖ್ ಮಾತಿನ ಮರ್ಮವೇನು?