ಬೆಂಗಳೂರು: ಲಾಕ್ಡೌನ್ ಮುಗಿದು ಚಿತ್ರೀಕರಣ ಚಟುವಟಿಕೆಗಳಿಗೆ ಅನುಮತಿ ಸಿಗುತ್ತಿದ್ದಂತೆಯೇ, ರಿಷಬ್ ಶೆಟ್ಟಿ ಸದ್ದಿಲ್ಲದೆ ಹೊಸ ಚಿತ್ರವೊಂದರ ಶೂಟಿಂಗ್ ಮಾಡಿ ಮುಗಿಸಿದ್ದಾರೆ. ಈ ಚಿತ್ರದಲ್ಲಿ ಅವರು ಹೀರೋ ಅಷ್ಟೇ ಅಲ್ಲ, ಚಿತ್ರಕ್ಕೂ ‘ಹೀರೋ’ ಎಂಬ ಹೆಸರನ್ನೇ ಇಡಲಾಗಿದೆ. ಈ ‘ಹೀರೋ’ನ ಫಸ್ಟ್ ಲುಕ್ ಪೋಸ್ಟರ್ ಗುರುವಾರ ಬೆಳಿಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಬಿಡುಗಡೆಯಾಗಿದೆ.
‘ನೀವು ಹೇಡಿಯಾಗದೆ, ಹೀರೋ ಆಗುವುದಕ್ಕೆ ಸಾಧ್ಯವಿಲ್ಲ …’ ಎಂಬ ಸಬ್ಟೈಟಲ್ ಇರುವ ಈ ಚಿತ್ರ ಈಗಾಗಲೇ ವೈರಲ್ ಆಗಿದೆ. ಇದೊಂದು ಮಜವಾದ ಕಥೆ ಎಂದು ಖುಷಿಪಡುವ ರಿಷಭ್, ಬರವಣಿಗೆಯಲ್ಲಿ ತೊಡಗಿಸಿಕೊಂಡಿರುವುದಷ್ಟೇ ಅಲ್ಲ, ಚಿತ್ರದ ನಿರ್ವಣವನ್ನೂ ಮಾಡಿದ್ದಾರೆ.
ಇದನ್ನೂ ಓದಿ: ಕರೊನಾ ರ್ಯಾಪಿಡ್ ಟೆಸ್ಟ್ನಿಂದ ತಪ್ಪು ಫಲಿತಾಂಶ: ಒಪ್ಪಿಕೊಂಡ ಕೇಂದ್ರ, ಐಸಿಎಂಆರ್!
ಈ ಕುರಿತು ‘ವಿಜಯವಾಣಿ’ಯೊಂದಿಗೆ ಮಾತನಾಡಿದ ಅವರು, ‘ಮಾರ್ಚ್ ಹೊತ್ತಿಗೇ ‘ರುದ್ರಪ್ರಯಾಗ’, ‘ಹರಿಕಥೆ ಅಲ್ಲ ಗಿರಿಕಥೆ’ ಮತ್ತು ‘ಲಾಫಿಂಗ್ ಬುದ್ಧ’ ಚಿತ್ರಗಳ ಕಥೆ ರೆಡಿಯಾಗಿ ಇನ್ನೇನು ಶೂಟಿಂಗ್ಗೆ ಹೊರಡಬೇಕು ಎನ್ನುವಷ್ಟರಲ್ಲಿ ಲಾಕ್ಡೌನ್ ಘೋಷಣೆಯಾಯಿತು. ಈ ಮಧ್ಯೆ, ಈ ಚಿತ್ರದ ಕಥೆ ರೆಡಿಯಾಯಿತು. ಲಾಕ್ಡೌನ್ ಮುಗಿಯುತ್ತಿದ್ದಂತೆಯೇ, ಚಿಕ್ಕಮಗಳೂರು ಕಡೆ ಹೋಗಿ ಸದ್ದಿಲ್ಲದೆ 45 ದಿನಗಳ ಕಾಲ ಚಿತ್ರೀಕರಣ ಮಾಡಿ ಬಂದಿದ್ದೇವೆ. ಚಿತ್ರದ ಡಬ್ಬಿಂಗ್ ಸಹ ಮುಗಿದಿದೆ’ ಎಂದು ಮಾಹಿತಿ ಕೊಡುತ್ತಾರೆ ರಿಷಭ್.
ಇದನ್ನೂ ಓದಿ: ನಟಿಯರಿಬ್ಬರಿಗೂ ಡೋಪಿಂಗ್ ಟೆಸ್ಟ್; ಅತ್ತುಅತ್ತು ಸುಸ್ತಾದ ಸಂಜನಾಗೆ ರಾಗಿಣಿ ಸಾಂತ್ವನ
‘ಲಾಫಿಂಗ್’ ಬುದ್ಧ’ ಚಿತ್ರವನ್ನು ನಿರ್ದೇಶಿಸಿರುವ ಭರತ್ ರಾಜ್ ಅವರೇ ಈ ಚಿತ್ರವನ್ನು ಸಹ ನಿರ್ದೇಶನ ಮಾಡಿದ್ದಾರೆ. ಇನ್ನು, ರಿಷಬ್ ಶೆಟ್ಟಿ ಜತೆಗೆ ಗಾನವಿ, ಪ್ರಮೋದ್ ಶೆಟ್ಟಿ, ಮಂಜುನಾಥ್ ಗೌಡ ಮುಂತಾದವರು ನಟಿಸಿದ್ದಾರೆ. ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜಿಸಿದರೆ, ಅರವಿಂದ್ ಕಶ್ಯಪ್ ಛಾಯಾಗ್ರಹಣ ಮಾಡಿದ್ದಾರೆ.