‘ಭೋಜ್ಪುರಿ ಚಿತ್ರರಂಗದಲ್ಲಿ ಮೂವರು ನಟರು, ಸಂಸದರಾಗಿದ್ದಾರೆ. ಮನೋಜ್ ತಿವಾರಿ, ರವಿಕಿಶನ್ ಮತ್ತು ನಿರಹುವಾ ಸ್ಟಾರ್ಗಳಾಗಿ ಬೆಳೆದು, ರಾಜಕೀಯಕ್ಕೆ ಬಂದು, ಸಂಸದರಾಗಿದ್ದಾರೆ. ಜತೆಗೆ ಸಿನಿಮಾಗಳಲ್ಲೂ ಸಕ್ರಿಯರಾಗಿದ್ದಾರೆ. ಅಲ್ಲಿ ಕಲಾವಿದರಿಗೆ ಅಷ್ಟು ದೊಡ್ಡ ಕ್ರೇಜ್ ಇದೆ’ ಎಂದು ಹೇಳಿಕೊಳ್ಳುತ್ತಾರೆ ಹರ್ಷಿಕಾ ಪೂಣಚ್ಚ. ಹಾಗೆಯೇ ಈ ವರ್ಷ ಬಿಡುಗಡೆಯಾದ ಹರ್ಷಿಕಾ ನಟಿಸಿರುವ ಮೊದಲ ಸಿನಿಮಾ ‘ಕಾಸಿನ ಸರ’. ‘ಚಿತ್ರ ಸದ್ಯ ಮೂರನೇ ವಾರಕ್ಕೆ ಕಾಲಿಟ್ಟಿದ್ದು, ನಿರ್ದೇಶಕ ನಂಜುಂಡೇಗೌಡ, ನಾಯಕ ವಿಜಯ್ ರಾಘವೇಂದ್ರ ಹಾಗೂ ಉಮಾಶ್ರೀ ಅವರಂತಹ ದಿಗ್ಗಜರೊಂದಿಗೆ ಕೆಲಸ ಮಾಡಿದ್ದು ಖುಷಿ ನೀಡಿದೆ. ಉತ್ತಮ ಸಾಮಾಜಿಕ ಸಂದೇಶವಿರುವ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ’ ಎಂದು ಹೇಳಿಕೊಳ್ಳುತ್ತಾರೆ ಹರ್ಷಿಕಾ.
