ಜೈಪುರ: ಇಲ್ಲಿನ ಸವಾಯಿ ಮಾನ್ಸಿಂಗ್ ಕ್ರೀಡಾಂಗಣದಲ್ಲಿ ನಡೆದ 17ನೇ ಆವೃತ್ತಿಯ ಐಪಿಎಲ್ ಪಂದ್ಯದಲ್ಲಿ 3 ವಿಕೆಟ್ಗಳ ಜಯ ಸಾಧಿಸುವ ಮೂಲಕ ಗುಜರಾತ್ ಟೈಟಾನ್ಸ್ ರಾಜಸ್ಥಾನ ರಾಯಲ್ಸ್ ಗೆಲುವಿನ ಓಟಕ್ಕೆ ಬ್ರೇಕ್ ಹಾಕಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ ರಾಯಲ್ಸ್ ತಂಡವು ರಿಯಾನ್ ಪರಾಗ್ (76 ರನ್, 48 ಎಸೆತ, 3 ಬೌಂಡರಿ, 5 ಸಿಕ್ಸರ್), ನಾಯಕ ಸಂಜು ಸ್ಯಾಮ್ಸನ್ (68 ರನ್, 38 ಎಸೆತ, 7 ಬೌಂಡರಿ, 2 ಸಿಕ್ಸರ್) ಅರ್ಧಶತಕಗಳ ಫಲವಾಗಿ 20 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 196 ರನ್ ಗಳಿಸಿತ್ತು.
ಗುಜರಾತ್ ಪರ ಉಮೇಶ್ ಯಾದವ್ (4-0-47-1), ಸ್ಪೆನ್ಸರ್ ಜಾನ್ಸನ್ (4-0-37-0), ರಶೀದ್ ಖಾನ್ (4-0-18-1), ನೂರ್ ಅಹಮದ್ (4-0-43-0), ಮೋಹಿತ್ ಶರ್ಮಾ (4-0-51-1) ರನ್ ನೀಡಿ ವಿಕೆಟ್ ಪಡೆದಿದ್ದಾರೆ.
ಇದನ್ನೂ ಓದಿ: ತಾಯಿಗಾಗಿ ಸಾಯಿ ಬಾಬಾ ಗುಡಿ ಕಟ್ಟಿಸಿದ ದಳಪತಿ ವಿಜಯ್
197ರನ್ಗಳ ಗುರಿ ಬೆನ್ನತ್ತಿದ್ದ ಗುಜರಾತ್ ಟೈಟಾನ್ಸ್ ಪರ ನಾಯಕ ಶುಭಮನ್ ಗಿಲ್ (72 ರನ್, 44 ಎಸೆತ, 6 ಬೌಂಡರಿ, 2 ಸಿಕ್ಸರ್), ಕೊನೆಯ ಓವರ್ಗಳಲ್ಲಿ ರಶೀದ್ ಖಾನ್ (24 ರನ್, 11 ಎಸೆತ, 4 ಬೌಂಡರಿ) ಪ್ರತಿರೋಧದ ಫಲವಾಗಿ 7 ವಿಕೆಟ್ ನಷ್ಟಕ್ಕೆ 20 ಓವರ್ಗಳಲ್ಲಿ 199 ರನ್ ಗಳಿಸಿ ಗೆಲುವಿನ ನಗೆ ಬೀರಿತ್ತು.
ರಾಜಸ್ಥಾನ ಪರ ಟ್ರೆಂಟ್ ಬೌಲ್ಟ್ (2-0-8-0), ಆವೇಶ್ ಖಾನ್ (4-0-48-1), ಕೇಶವ್ ಮಹಾರಾಜ್ (2-0-16-0), ಆರ್. ಅಶ್ವಿನ್ (4-0-40-0), ಯಜುವೇಂದ್ರ ಚಹಲ್ (4-0-43-2), ಕುಲ್ದೀಪ್ ಸೇನ್ (4-0-41-3) ರನ್ ನೀಡಿ ವಿಕೆಟ್ ಪಡೆದಿದ್ದಾರೆ.