ಟ್ರಕ್​ ಅಪಘಾತದ ಬಳಿಕ ಸ್ಥಳದಲ್ಲಿ ಜಮಾಯಿಸಿದ ಜನರತ್ತ ನುಗ್ಗಿದ ಜಾಗ್ವಾರ್​ ಕಾರು: 9 ಮಂದಿ ದುರ್ಮರಣ

ಅಹಮದಾಬಾದ್​: ಅತಿವೇಗದಲ್ಲಿದ್ದ ಜಾಗ್ವಾರ್​ ಕಾರೊಂದು ನಿಯಂತ್ರಣ ಕಳೆದುಕೊಂಡು ಜನರತ್ತ ನುಗಿದ್ದ ಪರಿಣಾಮ ಸ್ಥಳದಲ್ಲೇ 9 ಮಂದಿ ದುರಂತ ಸಾವಿಗೀಡಾಗಿರುವ ಘಟನೆ ಗುಜರಾತಿನ ಅಹಮದಾಬಾದ್​-ಎಸ್​ಜಿ ಹೆದ್ದಾರಿಯಲ್ಲಿ ನಡೆದಿದೆ.

ಎಸ್​ಜಿ ಹೆದ್ದಾರಿಯ ಇಸ್ಕಾನ್​ ಸೇತುವೆ ಮೇಲೆ ದುರ್ಘಟನೆ ನಡೆದಿದೆ. ಬುಧವಾರ ಮಧ್ಯರಾತ್ರಿ 1.15ರ ಸುಮಾರಿಗೆ ಟ್ರಕ್​ ಮತ್ತು ಎಸ್​ಯುವಿ ಕಾರಿನ ನಡುವೆ ಅಪಘಾತ ಸಂಭವಿಸಿತ್ತು. ಇದನ್ನು ನೋಡಲು ಕೆಲ ಜನರು ಅಲ್ಲಿ ಸೇರಿದ್ದರು. ಈ ವೇಳೆ ವೇಗವಾಗಿ ಬಂದು ಐಷಾರಾಮಿ ಜಾಗ್ವರ್​ ಕಾರು ಜನರತ್ತ ನುಗ್ಗಿದ್ದರಿಂದ ಓರ್ವ ಪೊಲೀಸ್​ ಸಿಬ್ಬಂದಿ ಸೇರಿ 9 ಮಂದಿ ಮೃತಪಟ್ಟಿದ್ದಾರೆ.

ಇದನ್ನೂ ಓದಿ: ಕಣ್ಣೀರಿಟ್ಟು ಬೇಡಿಕೊಂಡರು ಬಿಡದೆ ಮಹಿಳೆಯರಿಬ್ಬರನ್ನು ಬೆತ್ತಲೆ ಮೆರವಣಿಗೆ ಮಾಡಿದ ದುಷ್ಟರು: ಗ್ಯಾಂಗ್​ರೇಪ್ ಆರೋಪ​

ಈ ಅಪಘಾತದಲ್ಲಿ 13 ಮಂದಿಗೆ ಗಾಯಗಳಾಗಿದ್ದು, ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಜಾಗ್ವರ್​ ಡಿಕ್ಕಿಯ ರಭಸಕ್ಕೆ ಅನೇಕ ಮಂದಿ ಸುಮಾರು 20 ರಿಂದ 25 ಅಡಿಗಳಷ್ಟು ದೂರ ಹಾರಿ ನೆಲಕ್ಕೆ ಬಿದ್ದರು ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

ಜಾಗ್ವಾರ್​ ಕಾರು ಗಂಟೆಗೆ 120 ಕಿ.ಮೀ. ವೇಗದಲ್ಲಿತ್ತು. ಜಾಗ್ವಾರ್​ ಕಾರು ಚಾಲಕನಿಗೂ ಗಂಭೀರ ಗಾಯವಾಗಿದೆ ಎಂದು ತಿಳಿದುಬಂದಿದೆ. ಈ ಘಟನೆಯ ಬೆನ್ನಲ್ಲೇ ಟ್ರಕ್​ ಚಾಲಕನು ಕೂಡ ಎಸ್ಕೇಪ್​ ಆಗಿದ್ದಾನೆ. (ಏಜೆನ್ಸೀಸ್​)

https://www.vijayavani.net/whose-brain-was-there-in-naming-india

https://www.vijayavani.net/suspension-of-mlas-for-disrespecting-the-post-of-speaker